Hoseya 10:10 - ALLALA KUMƐ

¹⁰ N si na wole hakɛ-tiginu kan ma ka wo tɔrɔ. Sibolo-gbɛrɛ-siyaman si anu kundɛn wo kan ma ka wo tɔrɔ.

Hoseya 10:10 Iomraidhean Croise

1 Mansɛnu 12:28

Ale Mansa Yɛrabowami tara a kun nayigi ala mɔgɔ-banu fɛ. A ban wo mala, a ya sɛnɛ ladan ninki-den filala muninyɛ la. A ya a fɔ ala mɔgɛnu ye ko, “Wole ara mɛ tala Mari bato tinɛ Yerusalɛm. Wole Isirɛla mɔgɛnu, wo ma wota allanu yen kɛ la minnu nara wo la ka bɔ Iyipiti nyamanɛ rɔ?”

Yobu 39:10

Ile si ke wo yili birala, a ni dugi rasin i ye? Ile si ke a mala, a ni sara-dɛɛ sagan i ye?

Aiseya 1:24

Woletɔ Isirɛlata Mari Alla Sɛnbɛ-Bɛɛ-Tigi ye nala min fɔla, wo ni wo tole masɔ wo la. A ko a si a tayili sara wo la, wole, a yogenu, kɔni. A ko wo ti nanparan-wo-nanparan di a ma tun!

Yɛrɛmaya 15:6

Mari ko wole, Yerusalɛm mɔgɛnu bara wo ban a la, ado wo ye tola tala le tun. Wo sa wo yɛ lasɛgila. Woletɔ a ko a ye wo dan labirala ka wo tɔrɔ. A ko wola koe min nakɔlɔn-kɔlɔnnɛ a burɔ, a ti ke wo birala-a-rɔ tun.

Yɛrɛmaya 16:16

Mari ko a ti mɛ tun, a si kilayɛ lata yɛgɛ-biralɛnu ma alako wonu ni na wole, Yuda mɔgɛnu bira. Wo kɔma, a si kilayɛ lata donsenu ma alako wonu ni na bui wola nyamanɛ kɛ bɛɛ ma. Donse wonu si to wole, Yuda mɔgɛnu napɛrɛnna kɔnkɛnu anubɛ farannu ma.

Yɛrɛmaya 21:4

Isirɛlata Mari Alla ko a si a ma, Babilɔn mansɛ ni ale Sɛdɛkayata kɛlɛ-dannu nɔ. Anuta kɛlɛ-kɛ-mirannu ti anu dɛnbɛ nɔ-ko sɔrɔn-tinɛ. Babilɔn kɛlɛ-dannu si don hali Yerusalɛm soe burɔ.

Isikiyɛli 16:37

Ka a tɛgɛ wo ma, n si i sa-nyɔgɔn-kɔrɛ wo bɛɛ ladɛn kan-tina-kelen. Minnu di i ye wo, minnu gbo i ye wo, wonu si a mini i ma. Wo kɔma, n si i mawuran alako anu ni i lakolɔn yen.

Isikiyɛli 16:42

Wo wa ma tumɛ min, nta diminyɛ si ban. N yisi si kimɛ worɔ poi! N yisi ti bɔ tun. N ti i makeliya tun.

Isikiyɛli 23:46

Ma Tigi Mari ya a fɔ ko, “Mɔgɔ-siyaman ni a mini anu ma ka anu takilan ka anu kankan, Samariya anubɛ Yerusalɛm soenu, kɔni.

Isikiyɛli 23:9

Woletɔ nde fanan ya a latenbi ala Asiriya keminɛ wonu ma bawo wonu di a ye kati!

Isikiyɛli 5:13

“Wo si nna yisi-bɔɛ sɛnbɛ-dan lɔn ha wo tɔrɔya-nya ni n hɛnɛ. Wo wa ma, wo ti tɛrɛna wo la ko nde, Mari le wara kuma. N yisi ara bɔ ka a tɛgɛ wola telenbɛlitayɛ ma.

Hoseya 10:9

Mari ko, “Kebi wole, Isirɛla mɔgɛnu ya hakɛ-kɛ dabira Kibiya soe burɔ, wo ma fara a la tun! Woletɔ kɛlɛ-bole si sa wo rɔ Kibiya.

Hoseya 4:19

Fɔnyɔ si ta wo la. Wo si miliya kɔgɔrɔyɔlɔ ka a tɛgɛ wola bɛsi-kɔɛ ma.

Hoseya 4:9

Mɔgɛ wonu bi tɔrɔya sufa min sɔrɔnna, wole saraka-masɔlɛnu bi wo le su sɔrɔnna. N si wo tɔrɔ ka wola ko-yogomɛ bɛɛ yili sara wo la.

Hoseya 8:1

Mari ko, “Wo ni kɛlɛ-buri fɛ. Wo yogenu bi nala wo kan ma iko kokɛ bawo wo ya sarama-kan min kiri wobɛ nde, Mari tɛma, wole ara wo waralɛ tinya ka murutiya nta tɔnnu ma.

Hoseya 8:10

Nde, Mari si wo kundɛn kan-tina-kelen ka wo tɔrɔ. Asiriya mansɛ wa a lagbɛlɛya wo kuma tumɛ min, wo si to wo forongbesila dugi ma.

Matiyu 22:7

Mansɛ diminyara bɛrɛkɛ! A ya ala kɛlɛ-dannu nata mɔgɔ-fagalɛ wonu faga tinɛ ka anuna soe mintan.

Tɔn-Fɔɛ-Fila-Nyɔgɛ 28:63

Iko Mari sewanɛ ya wo lasiyaya nya min ka wo ma fen-tiginu na, ni wo ma ala tɔnnu bira, a si sewa wo nya na le fanan ka wo ma bolo-kolɔnnu na ka wo rabunden sinini! A ye nala lanyiri-nyamanɛ min dila wo ma, a si wo wurun nyɔ rɔ.