Hoseya 1:4 - ALLALA KUMƐ

⁴ Mari ya a fɔ Nɛbi Hoseya ye ko, “I ni a tɔgɔ sa ko, ‘Alla ya fuilɛ kɛ’ bawo a ti mɛ tun, n si na Mansa Yehu kebilɛ tɔrɔ ka a tɛgɛ anu benba wola mɔgɔ-fagɛ ma Yɛsɛreli soe burɔ. N bi nala Mansa Yehula mansaya-bɔn latogonna.

Hoseya 1:4 Iomraidhean Croise

2 Mansɛnu 10:1

Mansa Ehabu kegeyɛ minnu bi Samariya soe burɔ, wonu mɔgɔ bi-wɔrɔnfila le. Mansa Yehu ya kɛdinu sɛbɛ ka do lata Samariya mɔgɔ-ba-sɛbɛnɛnu ma. Wo kɔma, a ya kɛdi do lata mɔgɔ bi-wɔrɔnfilɛ kɛnu makandannɛnu ma. Min sɛbɛnɛ kɛdi wonu tɔ ko,

2 Mansɛnu 10:17

Anu kera Samariya soe burɔ tumɛ min, Mansa Ehabula mɔgɛ toe minnu bi Samariya soe burɔ, Mansa Yehu ya wonu damasi lato dogbe iko Mari ya a fɔ Nɛbi Ilaya ye nya min.

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

2 Mansɛnu 15:8

Mansa Yusayala mansayɛ san bi-sawa ani san segin nyɔgɛ ma Yuda nyamanɛ kun na, Mansa Yɛrabowamila den Sakaraya mara mansɛ la Isirɛla nyamanɛ rɔ san wo le la. Karɛ wɔrɔ kɔrɔ, Sakaraya ye mansayɛ la Samariya soe burɔ.

Aiseya 7:14

Woletɔ Mari nyɛrɛ ko a si tamasere yira i la. Sunkurun-nasɔlɔnɛ si buyi bi ka den-kei sɔrɔn. Wo si a tɔgɔ sa Imanuwɛli.

Aiseya 8:3

A ma mɛ, nna musi ya buyi bi. Den-kei wo sɔrɔn nna musi bolo, Mari ko n ni a tɔgɔ sa “Kankan anubɛ Bumalɛ Si Na Tiriya!”

Aiseya 9:6

Dan do si sɔrɔn ma ye! Den-kei dinɛ ma ma! Wo si ma mala kun-tigi la. Anu si a kele ko Makawandili-Kɛlɛ-Makawanɛ anubɛ Alla Sɛnbɛ-Bɛɛ-Tigi anubɛ Habadan-Fa anubɛ Yisi-Kima-Mansɛ.

Yɛrɛmaya 20:3

Wo banda kɛ, Pasura ya n bɔ banban la. Nde, Yɛrɛmaya ya a fɔ a ye ko Mari ko a tɔgɛ ma tun Pasura. A tɔgɛ le gbɛ Kumakɔɛ Kan-Tinɛ Bɛɛ rɔ.

Yɛrɛmaya 23:2

A ko a bɛnta, wole ni Mari Isirɛlata Allata mɔgɛnu kumafunfan nun kɔnɔ wo ara anu gben ka anu tanyɛnsɛn. Woletɔ a ko fɔ a wa wo tɔrɔ wola karagbɛlɛyɛla ko la.

Yɛrɛmaya 3:8

Isirɛla nyɛrɛ ya a lɔn ko n bara a boloka nun ka a tɛgɛ ala yɛlɛnyɛ ma iko kei si ala musi boloka nya min. Kɔnɔ hali wo, wo ma a na-kelen-nyɔgɛ Yuda lakilan. Wo fanan tara anu sa bɛsɛnu kɔrɔ,

Isikiyɛli 23:10

Wonu ya a mawuran ka ala dannu bi a bolo fɔrɔsɛ la. Wo kɔma, anu ya a faga faan la. I tara kan-bo-kan, musinu dɛ kɛnɛ a tɔgɔ rɔ ka a tɛgɛ a faga-bole ma.

Isikiyɛli 23:31

I wara i kɔrɔ-musi kin-gbɛ bi yɛlɛnyɛ rɔ, woletɔ n si i tɔrɔ iko n ya i kɔrɔ tɔrɔ nya min.

Hoseya 1:6

Koma anubɛ Nɛbi Hoseya ya dan fila nyɔgɛ min sɔrɔn, wo mara dunmusi la. Mari ya a fɔ Nɛbi Hoseya ye ko, “I ni a tɔgɔ sa ‘Hinabɛlɛ’ bawo n ti keninteyɛ yira Isirɛla mɔgɛnu na tun, kuma sa anu makoto-koe ma.

Hoseya 1:9

Mari ya a fɔ Nɛbi Hoseya ye ko, “I ni a tɔgɔ sa ko, ‘Nta-ma’ bawo nta ma Isirɛla mɔgɛnu na, ado anuta Alla ma nde la.”

Hoseya 2:13

N si a tɔrɔ bawo a ye n bolokɛ min kɛla ka ta isɛnti mintan ala bɛsi Beyali ye. N bi a tɔrɔla bawo a ye a makiri boloko-nyimɛ-kɛla ka bila ala keminɛnu fɛ. Mari kan le kɛ la.

Hoseya 9:17

Nde ye Alla min batola, wo si a ban wole, ata mɔgɛnu na bawo wo ya wo ban wo tole masɔla a la. Wo si to yilan-yilanna sibolo-gbɛrɛnu tɛma.

Emɔsi 9:8

A ko a kolan ye wole, hakɛ-tiginu na tolon! A si wo firan dugu-kole kɛ kuma. Kɔnɔ a ko a ti Yakoba kegeyɛ bɛɛ lato de!

Matiyu 1:21

A ye nala den-kei sɔrɔnna. I ni a tɔgɔ sa Yisa bawo ale le si ala mɔgɛnu kisi anu hakɛnu ma.”

Luka 1:13

Kɔnɔ melika ya a fɔ a ye ko, “Sakaraya, i kana kilan! Alla ara ila madiyalɛ lamɔɛn. Ila musi, Ilisabɛti si den-kei sɔrɔn i ye. I ni a tɔgɔ sa Yɔni.

Luka 1:31

I si buyi bi ka den-kei sɔrɔn. I si a tɔgɔ sa Yisa.

Luka 1:63

Sakaraya ya kɛdi makele ka a sɛbɛ ko, “A tɔgɛ le Yɔni.” Anu dama kawara!

Yɔni 1:42

Wo kɔma, a nara Saimon la Yisa wara. Yisa ya a mafɛlɛn tumɛ min, a ko, “Saimon le ile la, Yɔnila dan. I tɔgɛ si kele Sifasi.” (Tɔgɛ kɛ anubɛ Pita, tɔgɔ kelen de! A kɔrɛ le, “Farɛ.”)

Yasowa 19:18

Anu ya so-kun tan-ni-wɔrɔ sɔrɔn ka wo sa a dafɛ-so-mɛsɛnu kuma. So tan-ni-wɔrɔ wo do le kɛnu na, Yɛsɛreli, Kɛsuloti, Sunam, Hafarayim, Saiyon, Aneharati, Rabiti, Kisiyɔn, Abɛsi, Rɛmɛti, Ɛnganim, Ɛnhada, anubɛ Bɛti-Pasɛsi. Kantɔ-dan ya a dabira Tebɔ kɔnkɛ ma ka yigi ha Sehasaima anubɛ Bɛti-Simɛsi soenu ka ta dan Yorodan bɛ la tele bɔɛ.