Hoseya 1:1 - ALLALA KUMƐ

¹ Mari ya sarakanɛ kɛ don Birila den Nɛbi Hoseya bolo, ka a bi Mansa Yusayata wati ma ka a sigi Mansa Yotamta tele ma wo, Mansa Ehasita tele ma wo, ha ka ke Mansa Hɛsakayata tele ma wo tumɛ anu bi mansayɛ la Yuda nyamanɛ kun na. Wo ya a taran fanan, Yɛhowasila den Mansa Yɛrabowami ye mansayɛ la Isirɛla nyamanɛ kun na.

Hoseya 1:1 Iomraidhean Croise

2 Mansɛnu 13:13

Mansa Yɛhowasi fagara. Anu ya a togon Samariya mansɛnuna kaburu-soe rɔ. Mansa Yɛrabowami tɔgɔma sigira Mansa Yɛhowasi gbɛ rɔ.

2 Mansɛnu 14:16

Mansa Yɛhowasi ya so-sɛgi-kɛ. Anu ya a togon Samariya mansɛnuna kaburu-soe rɔ. Ala den Yɛrabowami sigira a gbɛ rɔ.

2 Mansɛnu 14:23

Yohasila den Hamasala mansayɛ san tan-ni-loli nyɔgɛ ma Yuda nyamanɛ rɔ, Mansa Yɛhowasila den Yɛrabowami mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san bi-nani ani san kelen kɔrɔ.

2 Mansɛnu 15:32

Mansa Rɛmalayala den Pekala mansayɛ san fila nyɔgɛ ma Isirɛla nyamanɛ rɔ, Mansa Yusayala den Yotam mara mansɛ la Yuda nyamanɛ rɔ san wo le la.

2 Mansɛnu 15:5

Mari ya a ma, Yusaya ya kiraya-yogomɛ do sɔrɔn a fɛrɛ ma, ado kirayɛ wo tora a ma ha a lakirayara. Ka a tɛgɛ kirayɛ wo ma, a tora sigini bɔn do la a dan na. Ale ma mansaya-wɔli kɛ tun fɔ ala den Yotam, a ya wo le ma ala nyamani-kumafɛlɛnnɛ la.

2 Mansɛnu 15:7

Mansa Yusaya ya so-sɛgi-kɛ. Anu ya a togon Mansa Dawuda halala-luyi ma Yerusalɛm soe burɔ. Ala den Yotam sigira a gbɛ rɔ.

2 Ko-Kɔrɔta-Karan 27:1

Yotam ya mansayɛ sɔrɔn a sɔrɔn-san mogan-ni-loli nyɔgɛ le ma. San tan-ni-wɔrɔ, a ye mansayɛ la ka bɔ Yerusalɛm soe burɔ. A na le Sedokila den Yerusa la.

2 Ko-Kɔrɔta-Karan 28:1

Ehasi ya mansayɛ sɔrɔn a sɔrɔn-san mogan nyɔgɛ le ma. San tan-ni-wɔrɔ, a ye mansayɛ la ka bɔ Yerusalɛm soe burɔ. Ale ma a benba Mansa Dawuda sɔn-nyimɛ bi, ado a ya min ma, wo ma ata Mari Alla hɛnɛ.

2 Ko-Kɔrɔta-Karan 29:33

Min sanɛ wo kuma, anu nara tura kɛmɛ wɔrɔ (600) la anubɛ saga waga sawa (3,000), mɔgɛnu si to minnu dɔnna.

Aiseya 1:1

Alla ya sarakanɛ minnu don Emɔsila den Aiseya bolo ka a tɛgɛ Yuda nyamanɛ anubɛ Yerusalɛm soela ko ma, wonu denu sɛbɛnɛ buku kɛ rɔ. Kɛnu fɔra Mansa Yusaya anubɛ Mansa Yotam anubɛ Mansa Ehasi anubɛ Mansa Hɛsakayanuta wati le tɔ, anu bi Yuda nyamanɛ kun na wati min.

Aiseya 7:1

Mansa Yotamna den, Mansa Ehasi, Mansa Yusaya mamanɛ, kɔni, wo ye Yuda nyamanɛ kun na tumɛ min, kɛlɛ donta nyamanɛ kun na. Siriyanuna Mansa Risen anubɛ Isirɛla mansɛ Rɛmalayala den Peka, wonu nadɛnta ka Mansa Ehasi kɛlɛ Yuda nyamanɛ rɔ. Kɔnɔ anu ma ke Yerusalɛm nɔla, Yuda nyamanɛla so-karantan, kɔni.

Yɛrɛmaya 1:4

Mari ya a fɔ nde, Yɛrɛmaya ye ko

Yowɛli 1:1

Mari ya kilayɛ min don Pɛtuwɛlila den Nɛbi Yowɛli bolo, wo le kɛ la.

Emɔsi 1:1

Saga-fɛ-biralɛ le Nɛbi Emɔsi la nun. A siginɛ Tekoya soe burɔ. San fila yanni dugu-yɛrɛyɛran ni ke, wo ya a taran, Yusaya ye mansayɛ la Yuda nyamanɛ rɔ. Wo ya a taran fanan, Yohasila den-kei Yɛrabowami ye mansayɛ la Isirɛla nyamanɛ rɔ. Alla kumara Nɛbi Emɔsi ye ka a tɛgɛ Isirɛla nyamanɛ ma.

Yona 1:1

Lunyɛ do, Mari kumara Amitayila den Nɛbi Yona ye ko,

Maika 1:1

Mansa Yɔtam wo, Mansa Ehasi wo, anubɛ Mansa Hɛsakaya wo, Mari ya sarakanɛ don Nɛbi Maika bolo wonuta wati rɔ. Nɛbi Maika wo bɔra Mɔrɔsɛti soe rɔ min bi Yuda nyamanɛ rɔ, mansa sawɛ kɛnu bi kan min nun. Mari ya ko-siyaman yira Nɛbi Maika la Samariya anubɛ Yerusalɛm so-karantan wonuna ko la.

Sakaraya 1:1

Pasiya Mansa Dariyasila mansayɛ san fila nyɔgɛ, karɛ segin nyɔgɛ ma, Mari ya sarakanɛ kɛ don Bɛrɛkayala dan, nde, Nɛbi Sakaraya bolo, Idɔ mamanɛ, kɔni.

Yɔni 10:35

Ma ya a lɔn ko min sɛbɛnɛ Allata kitabu rɔ, tonyɛ le wo la tɛban! Nba, Allala kumɛ dira mɔgɛ minnu ma, Alla ya a fɔ wonu ma ko Allala Dannu.

Romu 9:25

A sɛbɛnɛ Nɛbi Hoseyata kitabu rɔ ko, “Nta mɔgɔ ma minnu na nun, n si a fɔ wonu ma ko, ‘Nta mɔgɛnu.’ Sibole min ma di n ye nun, n si wonu kele ko, ‘N diyana-mɔgɛnu.’

2 Pita 1:21

Kɛnu ma bɔ anu nyɛrɛta hɛnkili rɔ! Alla ya kumɛ min don nɛbinu da rɔ, anu ya wonu denu fɔ Allala Ni-Sɛnimɛ baraka rɔ.