Filipai 4:3 - ALLALA KUMƐ

³ Ile bɛrɛn Timoti, n ta-nyɔgɛ lanaya-mɔgɛ le ile la. N bi a fɛ, i ni musi wonu dɛnbɛ bawo anu bara wɔli n fɛ kati! Anubɛ Kalɛmɛnti ara kibara-nyimɛ nyɛnsɛn anubɛ n ta-nyɔgɛ minnu bɛɛ tɔgɛ sɛbɛnɛ Allata nimaya-buku rɔ.

Filipai 4:3 Iomraidhean Croise

Yaburi 69:28

Anu tɔgɛ bɔ nimaya-kɛdi rɔ. Anu tɔgɛ kana taran ila mɔgɔ-telennɛnu tɔgɛ tɛma.

Bɔ-Koe-Iyipiti 32:32

kɔnɔ ni i sɔnta ka anu hakɛ makoto, wo kin. Ni i ti sɔn, i yandi, i ni nde fanan tɔgɛ firan ila buku ma.”

Aiseya 4:3

Alla ara ban a latɛgɛla min kɛndɛ si to Yerusalɛm soe burɔ, wonu si kele ko mɔgɔ-sɛnimɛnu.

Isikiyɛli 13:9

Ka a tɛgɛ anuna ko-rayirɛ anubɛ anuna foninya-wɔlɔyiya-kuma-fɔɛ wo ma, a ara to sɛ, n ni bila anu tɔ. Nna mɔgɛnu ba anu kundɛn ka koe latɛgɛ anu nyɛrɛ ma, foninya-nɛbi wonu ti bɛn wo rɔ. Isirɛla dugurannu tɔgɛ sɛbɛnɛ kan min, anu denu tɔgɔ ti taran nyɔ hali! Anu ti sɛgi anuna nyamanɛ wo rɔ tun. Wo wa ma tumɛ min, anu si a lɔn ko wo Tigi Mari le nde la.

Daniyɛli 12:1

Linɛn-kurɛ donnɛ melika min kan na, wo ya a fɔ n ye ko, “Wati wo si a taran, ila nyamanita-mɔgɛnuna kandan-melika min tɔgɛ Maikali, wo si bɔ gbɛ rɔ. Wo wati rɔ, tɔrɔyɛ si koloya duninyama-tɔrɔyɛ bɛɛ ko. Ile Daniyɛlila nyamanita-mɔgɛ minnu tɔgɛ sɛbɛnɛ Allata buku rɔ, wonu si kisi.

Luka 10:20

Kɔnɔ wo kana sewa bawo nyina-yogomɛnu bi wola kumɛnu birala. Min fisa, wo ni sewa bawo wo ara ma dugurannu na Arinyɛni tɔ.”

Romu 12:1

Nba, n na-kelen-nyɔgɛnu, ka a tɛgɛ Allata kinikini-belebele-wɛla ko ma male ye, n bi wo madiyala ko wo ni wo nyɛrɛ ma saraka-nimɛ la Alla ye. Wo sɛninyanɛ ni taran Alla yala ka a kɔntɔ-diya-koenu kɛ. A bato-nya-bɛrɛ le wo la wo si min ma.

Romu 16:12

Tarifina anubɛ Tarifosa kɔndɔn n ye minnu wɔlita Mari ye bɛrɛkɛ anubɛ n diyana-mɔgɛ Perasi. Ale fanan wɔlita Mari ye duk!

Romu 16:9

Yurabanasi fanan kɔndɔn n ye ma wɔli-kɛ-nyɔgɛ le Kirasitila wɔlɛ rɔ. Wobɛ n diyana-mɔgɛ Sataki kɔndɔn.

Filipai 1:12

N na-kelen-nyɔgɛnu, n bi a fɛ, wo ni a lɔn ko koe minnu kɛra n na yan, wonu bara kibara-nyimɛ dɛnbɛ ka a lata yarɔ.

Filipai 1:16

Kɛnu bi a kɛla wo nya keninteyɛla ko la bawo anu ya a lɔn ko Alla ara kibara-nyimɛ fɛka-wɔlɛ di n ma.

Filipai 1:27

Nba, ko-wɛ ye min na, wo le kɛ la. Wo tagama-nya ni bɛn Kirasitila kibara-nyimɛ ma. Woletɔ ni n ya fɛrɛ sɔrɔn ka ta wo yen, ni n ma ta, n si to a lamɔɛnna ko wo sɔnɛ yiri! Wo si a taran, wo ye wɔlila wo nyɔgɔn fɛ kan kelen tɔ kibara-nyimɛla ko la wo dɛnkɛninyanɛ min ma.

Filipai 1:5

bawo wo ara n dɛnbɛ kibara-nyimɛ lakela kebi fɔlɔ ha kaka.

Filipai 1:7

Wo ye n yisi le tɔ wati bɛɛ! Woletɔ a bɛnnɛ ka n miri wo ma wo nya le. Alla ara hɛrɛ min di n ma kɛ, wo ara wotɛ sɔrɔn n fɛ wo bɛɛ rɔ. N bi yele la wo, n hɔrɔyanɛ tumɛ min wo, ma nɔrɔta kibara-nyima-fɔɛ ma ka a lasabati bɛrɛkɛ ma fɛ.

Filipai 4:2

Yuyodiya anubɛ Sintiki, wo yandi, n bi wo madiyala. Wo ni wo raya ka diya wo nyɔgɔn ye iko na-kelenmɛnu Mari rɔ.

Kɔlɔsi 1:7

Ma diyana wɔli-kɛ-nyɔgɛ Ɛpafarasi ya wo karan wo ma. Kirasitita lanaya-wɔli-kɛlɛ le ale Ɛpafarasi la male gbɛ rɔ.

Lankɛnimayɛ 13:8

Min bɛɛ siginɛ dugu-kole kuma, wonu si na a bato. Kɔnɔ minnu tɔgɛ sɛbɛnɛ Nimaya-kitabu rɔ, wonu denu ti sogo-feremɛ wo kɔ. Saga-dan min faga-koe latɛgɛra yanni duninya ni dan, wota buku le wo la. (

Lankɛnimayɛ 17:8

I ya sogo-feremɛ min yen, wo kɛndɛ le nun kɔnɔ a ara faga, bi ko ma! Alla si a furi layɛlɛ ka bɔ denka-dan-yenbɛlɛ rɔ. A si a halaki. Kɔnɔ minnu tɔgɔ sɛbɛni ma nimaya-kitabu rɔ, yanni duninya da ni bira, wonu ba sogo-feremɛ wo yen tumɛ min, anu si kawa. Sogo-feremɛ wo kɛndɛ nun kɔnɔ a ara faga. Kɔnɔ sogo-feremɛ wo si bɔ gbɛ rɔ tun!

Lankɛnimayɛ 20:12

Nba, n ya furinu yen, a dɔgɔma wo, a kinama wo, a bɛɛ. Anu sɔnɛ mansaya-sigi-fan wo yakɔrɔ. Buku donu nakara. Wo kɔma, buku-gbɛrɛ lakara, mɔgɔ-nimɛnuta-buku, kɔni. Anuna kiti tɛgɛra iko anuna kɛwɔlɛnu bi nya min. Wonu denu sɛbɛnɛ buku wonu tɔ.

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 3:5

Minnu ba nɔlɛ kɛ, duruki-gbɛ si don wonu kan na iko doi wonu. N ti anu tɔgɛ bɔ Mɔgɔ-Nimɛnuta-Kitabu rɔ mumɛ! N si a fɔ n Fa anubɛ ata melikanu yala gbɛ rɔ serr, ko ntɛ le anu na.