Filipai 2:3 - ALLALA KUMƐ

³ Wo kana ko-wo-ko kɛ ka a bɛn wo nyɛrɛta nata ma. Wo kana ko ladan min si a ma, wo ni wo nyɛrɛ kɔrɔbi nya min. Wo ni wo famayigi wo nyɔgɔn ye. Wo kana ko ladan min si a yira ko wo fisa wo nyɔgɔn ko mumɛ!

Filipai 2:3 Iomraidhean Croise

Hɛnkilimaya-Kumɛnu 13:10

Wasinteyɛ si na kɛlɛ-nyɔgɔnyɛ le la kɔnɔ min si a tole masɔ kawandili-kan la, hɛnkilimɛ le wo tigi la.

Luka 18:14

N bi a fɔla wo ye, duti-makelelɛ kɛ, a latelennɛ sɛgira a warɛ Alla yala, Farisi wo ma de, ado min ba a nyɛrɛ kɔrɔbi, wo la si yigi. Min ba a nyɛrɛ famayigi, wo la si yɛlɛ.”

Romu 12:10

Wo ni wo nyɔgɔn keni a kilɛ fɛ iko na kelannu Kirasiti rɔ. Bɛɛ ni anu nyɔgɔn gbiliya ka tenbi a nyɛrɛ la.

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

Romu 2:8

Kɔnɔ donu si anu nyɛrɛ keni dɔrɔn ka anu ban ko-telennɛ-kɛ-koe ma. Koe minnu ma telen, anu bilanɛ wonu denu fɛ. Alla si ala diminyɛ anubɛ ala mɔninyɛ rawuya wonu kuma.

1 Kɔrɛnti 15:9

Kilayɛ bɛɛ tenbira nde la. A ma bɛn defan ka n kele ko kilayɛ bawo n ya a lagbɛlɛya Allala chɔchi kuma.

1 Kɔrɛnti 3:3

bawo wo miriya anubɛ duninya-mɔgɛnutɛ, kelen de! Ha ka, keliyɛ anubɛ sɔsɔlɛ ye wo nyɔgɔn tɛma. Wonu denu si a yira ma la ko wo ye ko-ladanna iko dɛnkɛninyabɛlɛnu bi a mala nya min.

2 Kɔrɛnti 12:20

N kilannɛ ko n ba ke nyɔ tumɛ min, n bi wo taranna nya-gbɛrɛ ma iko a ma di n ye ka wo taran nya min. Wo fanan si n taran nya do ma iko a ma di wo ye ka n taran nya min. Sɔsɔlɛ wo, keliyɛ wo, yisi-bɔɛ wo, kɔrɔndiyɛ wo, lafɛyɛ wo, nafigiyɛ wo, wasinteyɛ wo, sɔnkɔ-sɔnkɛ wo, n kilannɛ ko wo donu si taran wo tɛma.

Kalesiya 5:15

Kɔnɔ ni wo tora ko ladanna iko sogo-feremɛnu ka wo nyɔgɔn madumɛ ka wo nyɔgɔn dɔn, feda worɔ, wo ni a ma wo fɛrɛma, ni wo ma, wo si wo nyɔgɔn kasara pɔ!

Kalesiya 5:26

Ma kana wasi. Ma kana ma nyɔgɔn nadiminya. Ma kana ma nyɔgɔn makeliya.

Ɛfɛsa 4:2

Wo kana a lagbɛlɛya wo nyɔgɔn kuma fɔ ka famayigiyɛ kɛ wo nyɔgɔn ye a nya bɛɛ ma. Wo ni wo munyu wo nyɔgɔn kɔrɔ keninteyɛ rɔ.

Ɛfɛsa 5:21

Wo ni sɔnnaya wo nyɔgɔn ye Kirasitita gbiliyɛla ko la.

Filipai 2:14

Wo tenbi ko-wo-ko kɛla, wo kana a kɛ gbunyɛ rɔ. Wo kana sɔsɔli sa wo nyɔgɔn tɛma.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

Kɔlɔsi 3:8

Nba, wo ni koe kɛ bɛɛ boloka kaka, yisi-bɔɛ wo, diminyɛ wo, anubɛ wunduyogoyɛ. Tanama-kumɛ anubɛ kuma-gbondanɛ kana bɔ wo dɛ rɔ mumɛ!

1 Timoti 6:4

wo tigi ara a nyɛrɛ kɔrɔbi ka wasi. A ma ko-wo-ko lɔn. A hɛnkili rabasannɛ. Wo si a ma, anu ni sɔsɔli kɛ kumɛnuna ko la. Sɔsɔlɛ wonu si na keliyɛ la min si a ma, wo si faralɛ lana anu tɛma. Wo kɔma, anu bi suila anu nyɔgɛnu ma,

1 Pita 3:8

Ala ban, wo dama miri-nya anubɛ wo kɛ-nya ni ma kelen na. Wo ni wo nyɔgɔn keni iko na-kelen-nyɔgɛnu. Wo ni ko-nyimɛ kɛ ka wo famayigi wo nyɔgɔn ye.

1 Pita 5:5

Fonikenu fanan ni sɔnnaya kɛmɔgɛnu ye wo nya na le. Wo dama ni famayigiya-duruki don wo kan na ka wɔlɛ kɛ wo nyɔgɔn ye, ado a sɛbɛnɛ Allala kitabu rɔ ko, “A mako sa mɔgɔ-wasinɛnu na kɔnɔ a si ata hinɛ yira mɔgɔ-famayiginɛnu na.”