Failiman 1:7 - ALLALA KUMƐ

⁷ N diyana na-kelen-nyɔgɛ, ila keninteyɛ ara ma lasewa bɛrɛkɛ! A ara yisi-latɛgɛ-ba di n ma. I wara Allala mɔgɛ bɛɛ yisi lakuraya.

Failiman 1:7 Iomraidhean Croise

1 Kɔrɛnti 16:18

Wonu bara n niyi lakuraya iko anu ya wotɛ lakuraya nya min. Wo ni mɔgɔ-su wonu gbiliya.

2 Kɔrɛnti 7:13

Wo le ya a to, ma yisi kimara. Min sanɛ mala yisi-kimɛ kuma, wo ya Taita lasewa nya min, wo ara male fanan nasewa wo nya na le. Wo damasi ara a dɛnbɛ ka a yisi sa lɛp!

2 Kɔrɛnti 7:4

N lanɛ wole la kosɛbɛ, ado n wasinɛ wo la kati! Hali ma tɔrɔyanɛ, wo ye a mala, n fanɛ sewɛ la tolon!

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

1 Tɛsalonaika 2:13

Ma ye baraka birala Alla ye tumɛ bɛɛ ko ma nara Allala kumɛ la wo ye tumɛ min, wo ya a lamɔɛn ka a bira a kilɛ fɛ. Wo ma a bira iko a bɔra mɔgɛ le bolo. Wo ya a bira iko Allata kumɛ, ado Allala kumɛ ye wɔlila wole dɛnkɛninya-mɔgɛnu burɔ hali kaka.

1 Tɛsalonaika 2:19

Wole Tɛsalonaika kɛnu, ma yigi anubɛ mala sewɛ le wole la. Mari Yisa wa na tumɛ min, ma si wasi wole rɔ iko mɔgɔ wa mansaya-fulɛ don ma kunyɛ la.

1 Tɛsalonaika 3:9

Nba, kaka ma ye baraka birala Alla ye wolela ko la. Ma ye baraka birala a ye sewɛ wola ko la min bi male rɔ. Ma sɛwanɛ mata Alla yala ka a tɛgɛ wole ma.

2 Timoti 1:16

Alamɛ Mari kinikinita Onɛsiforala denbayɛ ma bawo a ya n sɛnbɛ don tuma siyaman. A ma miliya ko n bi yele la min kɛ.

Failiman 1:20

Woletɔ n na-kelen-nyɔgɛ, i yandi, i ni ko-kɛndɛ kelan kɛ kɛ n ye Marila ko la. I ni nde lasewa, i na-kelen-nyɔgɛ Kirasiti rɔ!

2 Yɔni 1:4

N sewara bɛrɛkɛ ka a yen ko ila dan donu tonɛ tonyɛ rɔ iko ma Fa Alla ara a fɔ ma ye nya min.