Failiman 1:14 - ALLALA KUMƐ

¹⁴ N sa a fɛ ka i fɔrɔsɛ ko fɔ i ni n dɛnbɛ. N bi a fɛ ko i ni a kɛ i nyɛrɛ sako la. Woletɔ n ti ko-wo-ko kɛ fɔ i wa sɔn.

Failiman 1:14 Iomraidhean Croise

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

1 Kɔrɛnti 9:17

Ni n bi wɔlɛ kɛ kɛla n nyɛrɛ sako la, n yili ye n sara-koe le ma worɔ. Kɔnɔ bawo Alla le ya wɔlɛ wo don n bolo, ni n ma sarɛ sɔrɔn, n bara sɔn wo ma.

1 Kɔrɛnti 9:7

Yon bara a lamɔɛn ko kɛlɛ-dan ye a nyɛrɛta balu sarala? Nako-tigi don, wo ti a nyɛrɛta ki-fen-gbɔɛnu dɔn, wa? Ninki-tigi ti nonɛ min ka bɔ ata ninkinu tɔ, wa?

2 Kɔrɛnti 1:24

Male sa kun-tigiyɛ kɛla ka a fɔ wo ye wo si dɛnkɛninya min ma! Ma ye wɔlila ma nyɔgɔn fɛ wo nyɛrɛta sewɛla ko la bawo ma ya a lɔn ko wo sɔnɛ dɛnkɛninyɛ rɔ yiri!

2 Kɔrɛnti 8:12

Ni fen bi wo bolo min ni-sɔgɛ ye wo la, Alla si sɔn wola kɔ-fan wo la iko wo bole danta kan min. Fan min sa wo bolo, wo sɛ sa wo ye.

2 Kɔrɛnti 9:5

Woletɔ n ya n miri ko a bɛnnɛ n na-kelen-nyɔgɛ kɛnu ni sɔ ma yarɔ. Wo ya lanyiri kiri kɔ-fan minna ko la, yanni n ni ke nyɔ, wo ni wonu nadɛn. Woletɔ, n ba ke tumɛ min, n si koe bɛɛ rabɛnnɛ taran. Wo si a yira ko wo bolenu fulenta bawo a di wo ye. Wo ye a bɔla wo yisi bɛɛ la. Mɔgɔ ma wo fɔrɔsɛ.

2 Kɔrɛnti 9:7

Bɛɛ ni kɔlɛ kɛ worɔ iko a ara a miri a burɔ nya min. A kana kɔli kɛ yisi-magboyɛ la. A kana kɔli kɛ bawo anu bi i lagbengbenna. Mɔgɛ min bi fan dila a sewanɛ, wo le di Alla ye.