Failiman 1:13 - ALLALA KUMƐ

¹³ N bi a fɛ nun ko n tenbi yele la kibara-nyimɛla ko la, n ni a mara n fɛ yan. Woletɔ a si n dɛnbɛ ile gbɛ rɔ.

Failiman 1:13 Iomraidhean Croise

1 Kɔrɛnti 16:17

N bara sewa Sitɛfanasi anubɛ Fɔtunati anubɛ Akayika na-koela ko la. Wole sa yan min kɛ, wole si min kɛ nun, wonu bara wo gbɛ bi.

Ɛfɛsa 3:1

Ka a tɛgɛ wo kɔsɔn ma, nde, Pɔli le ye Alla madiyala wo ye. N bi yele la Kirasiti Yisa ye wole sibolo-gbɛrɛnuna ko la.

Ɛfɛsa 4:1

Woletɔ nde, Pɔli min bi yele la Marita wɔlɛla ko la, n bi wo madiyala ko wo ni tagama iko a bɛnta, Allata mɔgɔ-yabɔnɛnu ni tagama nya min.

Filipai 1:7

Wo ye n yisi le tɔ wati bɛɛ! Woletɔ a bɛnnɛ ka n miri wo ma wo nya le. Alla ara hɛrɛ min di n ma kɛ, wo ara wotɛ sɔrɔn n fɛ wo bɛɛ rɔ. N bi yele la wo, n hɔrɔyanɛ tumɛ min wo, ma nɔrɔta kibara-nyima-fɔɛ ma ka a lasabati bɛrɛkɛ ma fɛ.

Filipai 2:30

bawo a ma a nyɛrɛ niyi lɔn fenfen na. A tora doni, a ni faga Kirasitila wɔlɛla ko la. A ya wo ma alako wota dɛnbɛnɛ dasara kan min, a ni wo dafa n ye.

Failiman 1:1

Nde, Pɔli min bi yele la Yisa Kirasitila ko la anubɛ ma na-kelen-nyɔgɛ Timoti, male le ye kɛdi kɛ sɛbɛla i ma. Ma ye a latala ile Failiman ma, ma diyana-mɔgɛ anubɛ ma wɔli-kɛ-nyɔgɛ, kɔni.

Failiman 1:10

Nba, n bi i madiyala ila yɔɔn, Onɛsimala ko la. Nna dan le ale la Kirasiti rɔ. N mara a fa la Allata Ni-Sɛnimɛ rɔ, wo tumɛ ma filɛ ye biralɛ rɔ.

Failiman 1:12

N bi a lasɛgila i ma kaka, ado ale di n ye kati!