Ɛsira 9:7 - ALLALA KUMƐ

⁷ Ka a bi ma benbanuta wati ma ha kaka, male, ita mɔgɛnu, ma hakɛ dan na ara tenbi. Ka a tɛgɛ ma hakɛnuna ko ma, mabɛ mala mansɛnu anubɛ mala saraka-masɔlɛnu kunyɛ ara don sibolo-gbɛrɛnu bolo. Anu bara ma mafaga ka ta mabɛ ma bolo-fannu na biralɛ rɔ pon! Anu bara ma layarabi kosɛbɛ, ado ha bi, ma ye yarabi kelan wo le kɔrɔ.

Ɛsira 9:7 Iomraidhean Croise

1 Mansɛnu 8:47

Kɔnɔ tɔ-a-la, ni anu ya anu yisi yɛlɛma nyɔ, anu ni tubi worɔ ka a fɔ ko anu bara bila ile Alla la,

2 Ko-Kɔrɔta-Karan 29:6

Ma benbanu ma anu telen mata Mari Alla ye. Anu ya minnu ma, wonu ma ale Mari hɛnɛ. Anu ya Mari boloka ka anu kan-kɔ sɔ ata Bato-Bɔn la.

2 Ko-Kɔrɔta-Karan 30:7

Wo kana ma iko wo benbanu anubɛ wo ta-nyɔgɛ Isirɛla mɔgɛ minnu ma anu telen anuta Mari Alla ye. Wo ya a yen, a ya anu tɔrɔ boloko-yogomɛ-kɛ nya min.

Ɛsira 9:13

Hali tɔrɔyɛ min bɛɛ ara sigi ma la ka a tɛgɛ mala hakɛla ko ma, wo ma a bɔ iko a bɛnta, ma ni tɔrɔ nya min. I wara sɔn alako do ni to anu niyi la ma tɛma.

Nihɛmaya 9:30

San-bo-san, i ye i munyuna anu kɔrɔ ka to anu makawandila tolon! I tora kumɛ donna ila nɛbinu da rɔ ka wo latenbi anu ma kɔnɔ mɔgɛnu tole gberenɛ gben! Woletɔ i ya a ma, sibolo-gbɛrɛnu ya anu nɔ tun.

Aiseya 64:4

Kebi fɔlɔ, mɔgɔ ma Alla wara-koe lamɔɛn min makawara iko ile, ado mɔgɛ yɛ la ma tii Alla-gbɛrɛ ma ile kɔma. Minnu lanɛ ile la, i ye wonu dɛnbɛna.

Yɛrɛmaya 25:18

N ya do di wole, Yerusalɛm kɛnu ma anubɛ Yuda nyamanita-mɔgɛ toenu, a mansa wo, a mɔgɔ-ba wo. N ya wo ma le alako yan kasaranɛ ni to. Mɔgɛnu ba anu tinya-bole mafɛlɛn, anu kuma si tɛgɛ. Wo si a ma, mɔgɛnu ni anu mamɔɛn ka anu tɔgɛ ratɛgɛ dankali-kɛ-tinɛ, ado a ye wo nya na le ha bi.

Yɛrɛmaya 3:25

“Fɔ ni ma ya ma sa miliyɛ bolo gbɛ! Ma ni yarabiyi burun ma ma. Ma ara hakɛ kɛ ile mata Mari Alla la. Mabɛ ma fanu bara hakɛ kɛ. Ka a bi ma dennɛ ma ha kaka, ma sa ile mata Mari Alla sako kɛla.”

Yɛrɛmaya 32:23

Nyamanɛ kɛ sɔrɔn anu bolo, anu ma ita tɔnnu bira. Anu ma i kan-wo-kan bira. Wo le ya a ma, i ya kasarɛ latugun anu ma.

Yɛrɛmaya 32:32

bawo anu bara karagbɛlɛyɛ dan-natenbi soe kɛ burɔ. A Yerusalɛm ka wo, hali a Yuda ka to wo, a mansa wo, a mɔgɔ-ba wo, a saraka-masɔla wo, a nɛbi wo, a bɛɛ wunduyogo.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Yɛrɛmaya 44:9

Wo benbanu wo, Yuda mansɛnu anubɛ anuna musinu wo, wolebɛ wola musinu wo, wo ara nyina wola karagbɛlɛya-koenu ko, wa? Wo taranta minnu kun na Yerusalɛm anubɛ Yuda soe nyamanɛ toe rɔ, wo ara nyina wonu ko, wa?

Nimisa Koe 5:7

Ma benba minnu bara faga, wonu ya hakɛ min kɛ, male ye wo le tɔrɔyɛ kun na kɛ la kaka.

Isikiyɛli 11:9

A ko a si wo labɔ soe kɛ burɔ ka wo don sibolo-gbɛrɛnu bolo. A ara wo faga-koe latɛgɛ,

Isikiyɛli 39:23

Sibolenu bi a lɔnna wo le ma ko Isirɛla mɔgɛnu ya hakɛ min kɛ, wo le ya anu don biralɛ rɔ. N ya n kan-kɔ sɔ anu na. N sɔnta anu yogenu ni anu nɔ ka anu faga kɛlɛ rɔ.

Yilan-Yilan Koe 32:14

Kaka, a sɔgɛ ye wole la, wo ni wo sanka wo fanu ma iko anu ya hakɛ kɛ nya min, wa? A sɔgɛ ye wole la, Mari ni diminya Isirɛla mɔgɛnu ma tun ka tenbi a fɔlɔtɛ la?

1 Samuwɛli 12:15

Kɔnɔ ni wo ma sɔn wo tole masɔla Mari la, wo ni wo ban ala tɔn birala, a si taran wobɛ wola mansɛ kan ma.