Ɛsira 9:5 - ALLALA KUMƐ

⁵ Wurala-saraka-bɔ-wati kenɛ, n ya n nasɔ n gbɛ rɔ, n bi dila kan min nun, ado wati wo bɛɛ ya a taran, nna duruki rafaranɛ n kan na. N ya n kunbelan gbangban dugi ma ka n bolo filɛ rasagan nta Mari Alla ye san ma.

Ɛsira 9:5 Iomraidhean Croise

1 Mansɛnu 8:22

A ban wo fɔla, ale Mansa Silamɛni sɔra Marita saraka-mintan-tinɛ yarɔ Isirɛla mɔgɛ bɛɛ yakɔrɔ. A ya a bole rasigi san ma.

1 Mansɛnu 8:38

Ni min nara bɔn kɛ yakɔrɔ ka nimisa a sɔn-yogomɛla ko la ka a bole sigi san ma bɔn kɛ telen tɔ, i ni wo tigi kan lamɔɛn ka wo makoto bawo ile le kelen pe ya mɔgɔ-burɛ lɔn. A bɛnta, i ni min ma mɔgɛ wo la, i si wo ma.

1 Mansɛnu 8:54

Kɛ dama rɔ, Mansa Silamɛni nyɛnkinnɛ Marita saraka-mintan-tinɛ yakɔrɔ, a bole rasiginɛ san ma Alla ye. A banta mataralɛ kundonna tumɛ min, a ya a lakɔɛnma

2 Ko-Kɔrɔta-Karan 6:13

(Mansa Silamɛni ya bɛndɛ do ladan silɛɛ la nun ka wo sɔ kata-kɔmatɛ burɔ. Bɛndɛ wo lɔngbɔn nunkan-nya loli, a kɔnɛ nunkan-nya loli, a sɔɛ nunkan-nya sawa. A yɛlɛta bɛndɛ wo kuma, a ya a nyɛnkin mɔgɛ bɛɛ yala nyɔ. A ya a bolo filɛ sigi san ma.)

Nihɛmaya 1:4

N ya wo lamɔɛn nkɛkuna, n ya n sigi ka don diyi-kɛ rɔ. Tele siyaman, n bi diyi kɛ kun na, ado fen-dɔn-sɔgɔ ma n bira. N ya Arinyɛnɛ-Tigi-Alla matara, n ko,

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Yaburi 143:6

N bi n bole sigila i ye ka i madiya bawo i sɔgɛ ara n tabɔ kosɛbɛ, iko yi-sɔgɛ si dugu-ragbalanɛ bira nya min!

Yaburi 95:6

Wo na, ma ni ma madu ka a bato. Ma ni ma nyɛnkin ma Dali-Mari ye.

Bɔ-Koe-Iyipiti 9:29

Musa ya a fɔ a ye ko, “N ba ta soe kɔma tumɛ min, n si n bole sigi Mari ye ka a madiya. San-sɛran si ban, banda-kole ti na tun alako ile mansɛ ni a lɔn ko duninya-tigi le maleta Mari la.

Bɔ-Koe-Iyipiti 9:33

Musa bɔra mansɛ dafɛ ka ta soe kɔma. A ya a bolo filɛ sigi Mari ye. San-sɛran anubɛ banda-kole ratora.

Aiseya 1:15

Wo tenbi wo bolenu sigila a tɛrɛna madiyali-kɛ-tinɛ tumɛ min, Mari ko a ti wo mafɛlɛn defan! A ti a wɔlɔ matɔlɔ wo la bawo mɔgɔ-yele ye wo bole ma.

Daniyɛli 10:2

Wati wo ya n taran, n bi diyi kɛ kun na lɔgɔkun sawa kɔrɔ.

Luka 22:41

Yisa ya a masɛgi anu na doni ka ta a dan na. A ya a nyɛnkin madiyali-kɛ-tinɛ.

Kɛwɔlɛnu 21:5

Ma ya lɔgɔkun kelen ban anu fɛ tumɛ min, ma tara kulun bi tinɛ. Anu dama tara ma bila-silala kilɛ fɛ, hali anuna musinu anubɛ anuna dannu. Ma dama ya ma nyɛnkin gbele ma ka Alla matara.

Ɛfɛsa 3:14

Ka a tɛgɛ wo kɔsɔn ma, n bi n nyɛnkinna ma Fa Alla kɔrɔ