Ɛsira 9:3 - ALLALA KUMƐ

³ Kuma sufa kɛ lamɔɛn n bolo, n ya nna duruki rafara n kan na ka n kun-sigi anubɛ n buyɛ mawurun yisi-tinya bolo. N yisi-tinyanɛ ya n sigi dugi ma.

Ɛsira 9:3 Iomraidhean Croise

2 Samuwɛli 1:11

Dawuda anubɛ ala kɛlɛ-dannu ya anuna durukinu tafara yisi-tinya bolo.

2 Mansɛnu 18:37

Ilayakim anubɛ Sɛbana anubɛ Yowa ya anuna durukinu tafara yisi-tinyɛ bolo. Kandɛ wo ya kumɛ min bɛɛsi fɔ anu ma, anu tara wonu takaran Mansa Hɛsakaya ye.

Nihɛmaya 1:4

N ya wo lamɔɛn nkɛkuna, n ya n sigi ka don diyi-kɛ rɔ. Tele siyaman, n bi diyi kɛ kun na, ado fen-dɔn-sɔgɔ ma n bira. N ya Arinyɛnɛ-Tigi-Alla matara, n ko,

Nihɛmaya 13:25

N ya musi tigi wonu makuma. N ya anu danka ka anu gbesi ka anu kun-sigi mawurun. Wo kɔma, n ya a ma, anu ya anu keli Alla ye ko anu denu wo, anuna dannu wo, furu-nyɔgɔnya ti don anubɛ sibolo-gbɛrɛnu tɛma tun.

Yobu 1:20

Yobu ya wonu namɔɛn tumɛ min, a ya ala duruki rafara yisi-tinya bolo. A ya a kunyɛ sii. A ya a laburun dugu ma ka Alla bato.

Yaburi 119:53

N ba karagbɛlɛnu yen ila tɔnnu tinyana. Wo si ma n bolo yisi-bɔɛ la.

Yaburi 143:4

N yigi ara tɛgɛ son! N kun ma ara kɔ yisi-tinya bolo.

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Aiseya 15:2

Dibon so-burɔ-mɔgɛnu ye tala anuna bɛsi-kɔ-tinɛ kɔnkɛ kuma kesi-koe la. Mohabu kɛnu ya Nibɔ anubɛ Midaba so-tinyanɛ yen min kɛ, anu donta anu sɔnsɔn rɔ diyi-kɛ bolo. Anu ya anu kunyɛ gbanna ka anu dɛ masii ka a yira ko anu yisi tinyanɛ.

Yɛrɛmaya 36:24

Ale mansɛ anubɛ ala mɔgɔ-banu ya kɛ lamɔɛn min kɛ, anu yisi ma tɔrɔ. Anu ma kilan defan!

Yɛrɛmaya 7:29

Mari ko wole, Yuda kɛnu ni wo kunyɛ gbana ka wo kun-sigi lakɛ a rɔ. A ko wo ni ta kɔnkɔ-makolɔn kun tɛma ka saya-sigi sa. Wo ni wo ma bawo ale Mari nyɛrɛ ara a ban wole la. A ko a ara a kan-kɔ sɔ wo la. A ye wo tɔrɔla ata fondo-bɔɛ la.

Isikiyɛli 3:15

N tara fɔɔ Abibu kɔnkɔ-kuma so-burɔ-mɔgɔ-biranɛnu siginɛ kan min Kiba bɛ fɛ. Ka a tɛgɛ n bara min tayen ko-rayirɛ kɛ rɔ, tele wɔrɔnfila, n mankulan bɔnɛ n ma nyɔ kilan bolo.

Isikiyɛli 7:18

Anu si kasa-kurɛnu don anu kan na yakɔrɔ-mamɔɛ bolo. Anu si yɛrɛyɛrɛn kilan bolo ka anu kunyɛnu gbana miliyɛ bolo.

Daniyɛli 4:19

Mansɛ ya a fɔ tun ko, “Daniyɛli min tɔgɛ fanan Bɛlitisasa, wo ya kiyo wo kɔrɛ lɔn tumɛ min, a kilanta. A ma ke fenfen fɔla wati-kundi wo kɔrɔ. Nde, mansɛ ya a fɔ a ye ko a kana kilan kiyo wo kɔrɛ rakaranna n ye. “Ale Daniyɛli ya a fɔ n ye ko a fisa nun, kiyo kɛ kɔrɛ ni sigi n yogenu denu na.

Daniyɛli 8:27

Ka a tɛgɛ nde, Daniyɛlita ko-rayen kɛnu ma, a ya tele-siyaman bɔ n mankulan bɔnɛ n ma. Wo kɔma, Mansa Bɛlisasa wo ya n sɔ wɔli min na, n tara wo kɛ tinɛ. Kɔnɔ hali wo, ko-rayen wo ya n kɔndɔfili. N ma ban nun a nya-yenna.

Saraka-Masɔlɛnuta Tɔnnu 21:5

Mari ya a fɔ tun ko, “Ni min bi saraka-masɔ-wɔlɛ kɛla, wo kana a kunyɛ masii, ni wo ma, ka a buyɛ matɛgɛ, ni wo ma, ka a fɛrɛ matɛgɛ ko i ye san-di-kɛ le la.”

Maika 1:16

“Wole Yerusalɛm so-burɔ-mɔgɛnu, wo ni wo kunyɛ gbana di-kɛ-tinɛ iko dogɛ ka a tɛgɛ wola dannuna ko ma, kɛlɛ ye tala minnu na.”

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!