Ɛsira 9:2 - ALLALA KUMƐ

² Isirɛla keinu bi musinu furula sibolo-gbɛrɛ kɛnu tɔ. Anu ya wo ma min kɛ, wo le wara a ma, male Allata mɔgɛnu na ara tinya, ado kun-tiginu anubɛ mɔgɔ-banu denu fɔlɔn ya ko-yogomɛ-kɛ dabira.”

Ɛsira 9:2 Iomraidhean Croise

1 Mansɛnu 11:1

Hali Iyipiti mansɛla dunmusi bɔnɛ a la, nyamani-gbɛrɛkɛ-dunmusinu diyara Mansa Silamɛni ye. Woletɔ a ya dunmusi donu furu ka bɔ Mohabu anubɛ Saidon anubɛ Amon anubɛ Idɔm nyamanɛnu tɔ. A ya Hɛtinuna dunmusi donu furu fanan.

Ɛsira 10:2

Wo kɔma, Yehiyɛlila den Sɛkanaya min bɔra Ilam kebilɛ rɔ, wo ya a fɔ nde, Ɛsira ye ko, “Lanayɛ min bi male Isirɛla mɔgɛnubɛ Alla tɛma, ma ara wo tinya bawo furu-nyɔgɔnyɛ ara don mabɛ sibolo-gbɛrɛnu tɛma. Kɔnɔ hali wo, fɛrɛ ye ma bolo fɔlɔn.

Ɛsira 9:12

Nɛbi wonu ya a fɔ ma ye ko furu-nyɔgɔnya kana don mabɛ mɔgɛ kɛnu tɛma. Anu ko, ni a sɔgɛ ye ma la, ma ni nyamanɛ kɛ diya bɔ, ma kana mɔgɛ kɛnu dɛnbɛ yarɔma-tɛ rɔ. Anu ko ni ma ma wo ma, ma ti ke nyamanɛ kɛ mala ma kegeyɛnutɛ la.

Ɛsira 9:14

Wo rɔ, a ma bɛn, ma ni tɔn kɛnu boloka tun ka furu-nyɔgɔnyɛ ladon mabɛ mɔgɔ-yogomɛ kɛnu tɛma. Ni ma ya ma tui ka wo ma, i si ma lato dogbe! Hali mɔgɔ-den-kelan, a ti to a niyi la.

Nihɛmaya 13:17

N ya Yuda kun-tiginu makuma wola ko la ka a fɔ anu ye ko, “I yɛ lata wo ye ko-yogoma-sufa min kun na. Wo ara a ma, Sulen-Tele sɛninyani ma ma bolo tun.

Nihɛmaya 13:28

Saraka-Masɔla-Kun-Tigi-Wɛ Ilayasibula dan le Yoyada la. Yoyada kɛla den-keminɛ ya Sanbalatila dunmusi do furu Bɛti-Hɔrɔn soe burɔ. N ya Yoyadala dan gben Yerusalɛm soe burɔ bawo Sanbalati anubɛ ala dunmusi, Yahudiya ma wonu na.

Bɔ-Koe-Iyipiti 19:6

Wo si ma saraka-masɔlɛnu anubɛ sibolo-sɛnimɛnu na n ye. I si ta kumɛ kɛ fɔ Isirɛla mɔgɛnu ye.’ ”

Bɔ-Koe-Iyipiti 22:31

“Sogo-feremɛnu bi soge minnu fagala, wo kana wonu dɔn. Wo ni anu nafili wulinu kɔrɔ bawo nta mɔgɔ-sɛnimɛ le wole la.”

Bɔ-Koe-Iyipiti 34:16

Wo ni a ma wo fɛrɛma. Wo kana sɔn anuna dunmusinu furula wola den-keinu ye kamasɔrɔn wonu ba don anuna bɛsi-kɔɛ rɔ tumɛ min, anu kana wola den-keinu kɔndɔfili ka anu nadon anuna bɛsi-kɔ-koe rɔ.

Aiseya 6:13

Mɔgɔ-kɔnɔntɔ wo mɔgɔ-kɔnɔntɔ, hali a tan nyɔgɛ min tora, n si wo fanan kasara. Nta mɔgɔ-yabɔnɛ minnu tonɛ kɛ, wonu si ma iko kɔlɔma-kuru-wɛ min tɛgɛnɛ dugi rɔ. Kɔnɔ kɔn-kundi min tonɛ wo la, wo si a matii ka ma Allata mɔgɛnu tamasere la.”

Saraka-Masɔlɛnuta Tɔnnu 21:15

Kɔnɔ ni a ya musi sufa kɛnu furu, anu bi dan min sɔrɔnna, wonu ti sɛninya Mari yala. A bɛnta, anu ni ma mɔgɔ-sɛnimɛnu na Mari yala. Mari le ya ale yabɔ ka a sɛninya a nyɛrɛ ye ka ma saraka-masɔla-kun-tigi-wɛ la.

Malakayi 2:11

Wole Yuda kɛnu bara lanyiri tinya Alla wara la ka ko-yogoma-belebele do ma Yerusalɛm soe burɔ. Wo ma a ma nyɔ dɔrɔn tɔ. Wo ya a ma wola nyamanɛ mumɛ le tɔ! Wole Yuda kɛnu bara Bato-Bɔn wo latinya bawo wo ara sibolo-gbɛrɛ-musinu furu, ado musi wonu bi bɛsɛnu kɔla. Bato-Bɔn wo di ale Mari ye de!

Malakayi 2:15

Alla ma wobɛ wola musinu ma fen kelen de la, wa? Nfenna Alla ya kɛ ma? A ya kɛ ma le alako wo ye dan minnu sɔrɔnna, wonu ni ma ale Alla-halalɛ la. Wo do-wo-do kana lanyiri kɛ tinya wola musinu bara la.

1 Kɔrɛnti 7:14

N bi wo fɔla bawo dɛnkɛninya-musi si sɛninyɛ lana ala kei-wara-sigi rɔ. Dɛnkɛninya-kei fanan si sɛninyɛ lana ala furi rɔ. Ni a sa wo nya, anuna dannu si ma iko Alla-lɔnbɛlɛnuta dannu. Ka a tɛgɛ dɛnkɛninya-mɔgɛ wo ma, dan wonu bara dantɛgɛ Alla ma worɔ.

2 Kɔrɛnti 6:14

Wobɛ dɛnkɛninyabɛlɛnu kana ko-lakiri wo nyɔgɔn tɛma. Telenbagɛ anubɛ telenbɛlɛ si diya kama? Waan anubɛ pinpi si to anu nyɔgɔn fɛ kama?

Tɔn-Fɔɛ-Fila-Nyɔgɛ 14:2

Mari Allatɛ le wole la. A ya wole yabɔ ka wo ma ata mɔgɛnu na duninya-mɔgɛnu tɛma.

Tɔn-Fɔɛ-Fila-Nyɔgɛ 7:6

Wo ye wo damasi mala bawo Mari Allatɛ le wole la. A ya wole ma mɔgɔ-yabɔnɛnu na duninya-mɔgɛnu tɛma ka wole ma a halala-mɔgɛnu na.

Yasowa 22:15

Anu kera Kaliyadi nyamanɛ rɔ Rubɛn bɔnsɔn anubɛ Kadi bɔnsɔn anubɛ Manasa bɔnsɔn-talɛ warɛ tumɛ min, anu ya a fɔ anu ye ko, “Nfenna wo ara kɛ nyɔgɔn ko-yogomɛ ma ma benba Isirɛlata Alla la ka saraka-mintan-tinɛ ladan wo nyɛrɛ ma? Wo ye bilala Mari fɛ tun, ba?

Yasowa 23:12

“Kɔnɔ ni wo ya wo bɔ wota Mari fɛ ka kofu sibole wonu ma minnu bara to wo tɛma ka anu ma wo furu-nyɔgɛnu na,