Ɛsira 8:23 - ALLALA KUMƐ

²³ Woletɔ ma ara sunyɛ don ka Alla matara ma lakanan-koe la, ado a ya ma matarali-kan wo lamɔɛn.

Ɛsira 8:23 Iomraidhean Croise

Ko-Dabirɛnu 25:21

Isiyaka ya Mari madiya ala musi ye kamasɔrɔn gbandɛ le. Mari ya ala madiyali-kan yabi. Ala musi ya buyi bi fɛrannu na.

2 Mansɛnu 13:4

Wo kɔma, Mansa Yɛhowahasi ya a kan nabɔ Mari ma. Mari sɔnta ala kan-nabɔɛ ma bawo a ya Isirɛla mɔgɛnuna tɔrɔya-nya yen Siriya mansɛ bolo.

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

Ɛsira 8:31

Ma wulita Ahefa bɛ dafɛ san wo karɛ fɔlɛ, a tele tan-ni-fila nyɔgɛ le ma. Mata Alla ye ma fɛ nun. A ya ma tanka ma yogenu anubɛ ma lapɛrɛnnɛnu masibɛ ma kilɛ la.

Nihɛmaya 9:1

Karɛ wo nyɛrɛ, a tele mogan-ni-nani nyɔgɛ ma, Isirɛla mɔgɛnu ya anu nadɛn ka sunyɛ don alako anu ni anuta yisi-lafinyɛ yira Mari la. Anu ya kasa-kurɛnu kɛ anu ma ka gbangban kɛ anu kunyɛ rɔ ka diyi-kɛ sɔnsɔn a la. Wo si a yira ko anu nimisanɛ. Wo wati ya a taran, anubɛ sibolo-gbɛrɛnu sa gbundu kelen tɔ tun. Anu bara anu fara wonuta gbundi la nun. Wo kɔma, anu ya anu sɔ anu hakɛ la anubɛ anu benbanu bara min tinya.

Ɛsita 4:16

“Yahudiya min bɛɛ ye Susa soe kɛ burɔ, i ni wonu kundɛn kan-tina-kelen. Wo ni sunyɛ don ka Alla matara n ye tele sawa su sawa kɔrɔ. Malebɛ nna bonna-wɔli-kɛla-musinu si sunyɛ don ka matarali kɛ fanan. Wo kɔma, n si ta mansɛ taran hali n ya tɔn tinya. Ni n kunyɛ tora-a-rɔ, ale le wo la.”

Hɛnkilimaya-Kumɛnu 3:5

I ni la Mari la i yisi bɛɛ la. I kana la i nyɛrɛta hɛnkili la.

Aiseya 19:22

Mari si Iyipiti kɛnu tɔrɔ. Wo kɔma, a ni anu dandan. Anu si anu kɔ-sɛgi a ma, wo kɔma, Mari si a wɔlɔ matɔlɔ anu na ka anu dandan.

Yɛrɛmaya 33:3

ni n ya a rakele, a si n denkun. A si kabana-koe donu takaran n ye, n ma min lɔn kɔrɔma la.

Daniyɛli 9:3

Woletɔ n ya kasa-kurɛ don n kan na ka n sigi ta-gbangban rɔ bawo n yisi ara tinya Isirɛla mɔgɛnu hakɛla ko la. N ya sunyɛ don ka n Tigi Alla matara n sɛbɛ-kuna-wɛ la. Nta mataralɛ wo rɔ, n ko, “E, n Tigi Alla, ma si i gbiliya bawo i makawara. I sarata min na mabɛ ile tɛma, i ye wo latɔnbagayala. Mɔgɛ min si i keni ka ita tɔnnu bira, ile si wo tigi keni burubukai!

Kɛwɔlɛnu 10:30

Kɔniliyasi ko, “A tele-nani-nyɔgɛ le bi, kɛ-nyɔgɔn-wati le nun gben, n bi madiyali kɛla nna bɔn la tele-makima-wati kɛ rɔ. Kei do nara minna kurɛ ye malan-malanna a ma, wo sɔra n yakɔrɔ.

Tɔn-Fɔɛ-Fila-Nyɔgɛ 4:29

Wo wati rɔ, ni wo tora wo yɛ lakalanna wota Mari Alla ma ka a nyini wo yisi bɛɛ la, wo si a yen yati!