Ɛsira 8:18 - ALLALA KUMƐ

¹⁸ Kilayɛ wonu ke, anu ya kei kelen don ma bolo mata Alla baraka rɔ min ya ata wɔlɛ lɔn. Wo tɔgɛ le Sɛrɛbaya. Lifayi bɔnsɔn-mɔgɛ le ale la ka bɔ Mehali bɔnsɔn rɔ. Ala den-kei anubɛ a na-kelen-nyɔgɛnu bilara a fɛ. Anu yatɛ bɛnta mɔgɔ tan-ni-segin ma.

Ɛsira 8:18 Iomraidhean Croise

1 Ko-Kɔrɔta-Karan 6:1

Yakobala den Lifayi ya den-kei mɔgɔ sawa sɔrɔn, Kɛrisɔn wo, Kohati wo, anubɛ Mɛrari.

1 Ko-Kɔrɔta-Karan 6:19

Lifayila den Mɛrari ya den-kei mɔgɔ fila sɔrɔn, Mahali anubɛ Muhusi.

1 Ko-Kɔrɔta-Karan 6:4

Arunala den Ɛliyasa sɔrɛnu denu bi kɛnu na. Ɛliyasa ya Finihasi sɔrɔn. Finihasi ya Abisuwa sɔrɔn.

2 Ko-Kɔrɔta-Karan 30:22

Mansa Hɛsakaya ya Lifayinu matɔgɔ ka a tɛgɛ anu ya Mari bato nya min ka ladɛn kɛ a kilɛ fɛ. Tele wɔrɔnfila dɛgɛdɛgɛ, Isirɛla mɔgɛnu bi sarakɛnu bɔla anuta Mari Alla ye. Wo kanɛ a la,

Ɛsira 7:28

Ale Mari baraka le wara a ma, n bara diya mansɛ anubɛ a makawandilɛnu anubɛ ala mɔgɔ-ba-sɛnbɛlamɛnu na. Nta Mari Alla ara sɛnbɛ di n ma ka kuma Isirɛla bɔnsɔn kebila-kun-tigi-siyaman ye alako anu ni sɛgi n fɛ Yerusalɛm soe burɔ.”

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Ɛsira 8:16

N ya kilayɛ lata kun-tigi kɔnɔntɔ anubɛ karan-mɔgɔ fila ma ka anu kele. Kun-tigi wonu tɔgɛ le Ɛliyesa anubɛ Ariyɛli anubɛ Sɛmaya anubɛ Ɛlinetan anubɛ Yaribu anubɛ Ɛlinetan doi anubɛ Netan anubɛ Sakaraya anubɛ Mɛsulam. Anu karan-mɔgɛ wonu tɔgɛ le Yoyaribu anubɛ Ɛlinetan.

Ɛsira 8:19

Min sanɛ wo kuma, anu ya Hasabaya anubɛ Yɛsaya lana ka bɔ Mɛrari bɔnsɔn-mɔgɛnu rɔ, wonubɛ anu na-kelen-nyɔgɔ mɔgɔ mogan.

Ɛsira 8:22

N miliyara le ka mansɛ manyinika kɛlɛ-den so-laburilɛnuna ko ma minnu si ma matanka kilɛ la. N miliyara le bawo n bara ban a fɔla a ye nun ko mɔgɔ-wo-mɔgɔ lanɛ mata Alla la, a si wo tigi dɛnbɛ, ado mɔgɔ-wo-mɔgɔ ya a kan-kɔ sɔ a la, a ti sewa wo tigi la fɔ ka a tɔrɔ.

Ɛsira 8:24

Sɛnɛ anubɛ wodi-gbɛ anubɛ miran minnu bɔra mansɛ anubɛ ala makawandilɛnu anubɛ ala mɔgɔ-banu anubɛ Isirɛla mɔgɛnu bolo Alla Bato-Bɔn wara-koe rɔ, n ya wo dama suman. N ban anu sumanna, n ya anu don Sɛrɛbaya anubɛ Hasabaya anubɛ mɔgɔ tan bolo n ya minnu yabɔ ka bɔ saraka-masɔ-kun-tiginu tɔ alako anu ni fan wonu fɛ-bira.

Nihɛmaya 10:12

Sakara wo, Sɛrɛbaya wo, Sɛbanaya wo,

Nihɛmaya 12:24

Hasabaya wo, Sɛrɛbaya wo, Yɛsuwa wo, Binuwai anubɛ Kadamiyɛli, mɔgɔ-dande kɛnu denu ya Lifayinu tatala kurunyɛnu ma. Kurɔn donu tenbi Alla-tanto-bɛti bɔla, kurɔn doi fanan bi a labirala. Anu bi baraka-bira-bɛtinu bɔla a ye iko Allata mɔgɛ Mansa Dawuda, ya anu nabilanɛ to nya min.

Nihɛmaya 2:8

Min sanɛ wo kuma, n ya a manyinika ko a ni kɛdi sɛbɛ Esafi ma min bi ale mansɛla firɛ makandanna alako wo ni a ma, n ni fɛrannu sɔrɔn nyɔ rɔ. N ko n bi fɛran wonu denu bila ka a Bato-Bon-tarɛ don-dɛnu nadan anubɛ soe tarɛnu anubɛ n si sigi bɔn min na. N ya mansɛ manyinika koe min bɛɛsi ma, a ya wo bɛɛ nyinya n ye bawo Alla ye n fɛ.

Nihɛmaya 8:7

Wo kɔma, anu ya anu nasɔ. Yɛsuwa wo, Bani wo, Sɛrɛbaya wo, Yamin wo, Akubu wo, Sabɛtayi wo, Hodaya wo, Meyaseya wo, Kɛlaita wo, Asaraya wo, Yosabadi wo, Henan wo, anubɛ Pɛlaya, Lifayi kɛnu denu ya Allata tɔn wonu natenbi mɔgɛnu ma. Wo kɔma, anu ya tɔn wo fɛsɛfɛsɛ anu ye ka a kɔrɛ fɔ anu ye alako anu ni a nya-yen.

Hɛnkilimaya-Kumɛnu 24:3

Hɛnkilimayɛ anubɛ ko-kɔrɔ-lɔn le mɔgɔla bɔn sɔ-fan la.

Hɛnkilimaya-Kumɛnu 3:6

I ye ko-wo-ko mala, i ni Mari fɔlɔn gbiliya, woletɔ a si kila-telennɛ yira i la.

Yɛrɛmaya 3:15

A ko a si kun-tiginu di wo ma minnu telenta, ado anu yisi kɛndɛ. Wonu si wo mara hɛnkilimayɛ anubɛ ko-lɔn la.

Daniyɛli 1:20

Mansɛ kɛ wa nyinikalɛ sa, ni wo ma, ka hɛnkili nyini tuma-wo-tuma, mɔgɔ nanɛ kɛnu si wo nya-yen ka tenbi nyɔ-bolo-tafɛlɛnnɛnu anubɛ nyɔ-durinu na nyamanɛ wo bɛɛ rɔ pirr!

1 Kɔrɛnti 14:20

N na-kelen-nyɔgɛnu, wo kana ma iko dennɛnu wo miriyanu tɔ. Wo ni ma den-pulan la ko-yogomɛ kɛ-koe rɔ kɔnɔ wo ni ma kinanu na wo miriyanu tɔ.