Ɛsira 8:16 - ALLALA KUMƐ

¹⁶ N ya kilayɛ lata kun-tigi kɔnɔntɔ anubɛ karan-mɔgɔ fila ma ka anu kele. Kun-tigi wonu tɔgɛ le Ɛliyesa anubɛ Ariyɛli anubɛ Sɛmaya anubɛ Ɛlinetan anubɛ Yaribu anubɛ Ɛlinetan doi anubɛ Netan anubɛ Sakaraya anubɛ Mɛsulam. Anu karan-mɔgɛ wonu tɔgɛ le Yoyaribu anubɛ Ɛlinetan.

Ɛsira 8:16 Iomraidhean Croise

1 Mansɛnu 3:11

Mari ya a fɔ Mansa Silamɛni ye ko, “N si a ma iko i wara a fɔ nya min kɛ la beli i ya n manyinika hɛnkilimayɛla ko la. I ma n manyinika simayɛla ko la anubɛ nɔnfulu-tigiyɛla ko la i nyɛrɛ ye. I ma n manyinika i yogenu faga-koela ko la, fɔ ka n manyinika ko-nya-yen-koela ko la.

1 Ko-Kɔrɔta-Karan 12:32

Kɛlɛ-dan minnu bɔra Isakari bɔnsɔn rɔ, wonu kun-tiginu yatɛ bɛnta mɔgɔ kɛmɛ fila ma, ado anu nara anuna kɛlɛ-dannu na anu bolo. A bɛnta, Isirɛla mɔgɛnu ni min ma a wati-bɛnnɛ rɔ, wo hɛnkili ye anu denu denu bolo.

1 Ko-Kɔrɔta-Karan 26:14

Korɔn gbɛra Sɛlimaya ma ko ale ni tele-bɔɛ waralɛ-dɛ makandan. Ala den Sakaraya min si to mɔgɔ-makawandi-nyimɛ kɛla, korɔn gbɛra wo ma kantɔ-waralɛ-dɛ ma.

2 Ko-Kɔrɔta-Karan 2:12

Ma si Isirɛlata Mari Alla tanto min ya san-kole anubɛ dugu-kole dan. Wo le ya den hɛnkilimɛ di Mansa Dawuda ma min kunyɛ lafanɛ hɛnkili anubɛ ko-kɔrɔ-lɔn la. A ara wuli Mari Bato-Bɔn anubɛ a nyɛrɛta bolon sɔɛ la kaka.

Ɛsira 10:21

Ka bɔ Harim kebilɛ rɔ, Meyaseya wo, Ilaya wo, Sɛmaya wo, Yɛhiyɛli wo, anubɛ Yusaya, wonu denu ya sibolo-gbɛrɛkɛ-musinu furu.

Ɛsira 10:39

Sɛlimaya wo, Netan wo, Adaya wo,

Ɛsira 8:13

Ilifɛlɛti anubɛ Yuwɛli anubɛ Sɛmaya sɛgira ka bɔ Adonaikam bɔnsɔn rɔ. Mɔgɔ bi-wɔrɔ bɔra Adonaikam bɔnsɔn wo rɔ ka bila mɔgɔ sawɛ kɛnu fɛ. Kɛnu ma na doinu fɛ bawo anu tora gbɛ la.

Ɛsira 8:15

Nde, Ɛsira ya nyama kɛ kundɛn bɛ do fɛ min bi yigila Ahefa soe kɔma. Tele sawa, ma daga makɛnɛ nyɔ. Nyama wo rɔ, n ya saraka-masɔlɛnu yen kɔnɔ n ma Lifayinu yen.

Ɛsira 8:17

N ya anu nata Kasifaya so-tigi warɛ min tɔgɛ Idɔ. N ya anubɛ a ta-nyɔgɛ Bato-Bonna-wɔlilɛnu manyinika ko anu ni Lifayi donu nana min si Bato-Bon-wɔlɛ kɛ.

Ɛsira 8:18

Kilayɛ wonu ke, anu ya kei kelen don ma bolo mata Alla baraka rɔ min ya ata wɔlɛ lɔn. Wo tɔgɛ le Sɛrɛbaya. Lifayi bɔnsɔn-mɔgɛ le ale la ka bɔ Mehali bɔnsɔn rɔ. Ala den-kei anubɛ a na-kelen-nyɔgɛnu bilara a fɛ. Anu yatɛ bɛnta mɔgɔ tan-ni-segin ma.

Hɛnkilimaya-Kumɛnu 2:6

Mari le si hɛnkilimayɛ anubɛ lɔnnɛ di mɔgɛ ma. Wo kɔma, a si a ma, i ni a nya-yen.

Hɛnkilimaya-Kumɛnu 20:5

Mɔgɔ-burɛ lɔn-koe gbɛlɛ iko yi-suri-koe kɔlɔn-yanma-wɛ rɔ kɔnɔ hɛnkilimɛ si ke mɔgɔ-burɛ surila le.

Hɛnkilimaya-Kumɛnu 28:2

Ni nyamanita-mɔgɛnu murutiyanɛ, anu si to anuna kun-tiginu mayɛlɛmana. Kɔnɔ ni hɛnkilimɛ ye nyamanɛ kun na, ala mansayɛ si sɛnbɛ sɔrɔn ka mɛ.

Daniyɛli 2:21

Ale le ye samɛ ladonna. Ale le ye telemɛ labɔla. Ale le ye mɔgɛ mala mansɛ la. Ale le ye mɔgɛ bɔla mansayɛ la. Ale le ye hɛnkili dila mɔgɛ ma, ado ale le ye a mala fanan, mɔgɛ ni ko nya-yen.

2 Timoti 2:7

N bi min fɔla, i miri wo ma bawo Mari si i dɛnbɛn ka koe bɛɛ nya-yen.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.