Ɛsira 7:6 - ALLALA KUMƐ

^6-7 Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Ɛsira 7:6 Iomraidhean Croise

Ko-Dabirɛnu 32:28

Kei wo ya a fɔ a ye ko, “I tɔgɔ ma tun Yakoba. I tɔgɛ le gbɛ Isirɛla bawo wo kɔrɛ le iko mɔgɔ wa a fɔ ko ‘Minnubɛ Alla ya turunɛ kɛ.’ Wobɛ Alla ya turunɛ kɛ anubɛ mɔgɛnu, ado i wara anu nɔ.”

Ɛsira 5:5

Kɔnɔ kɛ bɛɛ rɔ, Alla kolan ye Yahudiyanuna kun-tiginu kumafɛlɛnna. Pasiya mɔgɔ-banu ya a latɛgɛ ko anu kana ko-wo-ko ma fɔ anu ni kɛdi sɛbɛ anuna Mansa Dariyasi ma fɔlɔn. Anu ni a miriya-fɔlɔn lɔn.

Ɛsira 6:22

Tele wɔrɔnfila dɛgɛdɛgɛ, anu bi Biredi-Yɛlɛbɛlɛ-Dɔn-Ladɛn kun na sewɛ rɔ. Anu bi sewɛ rɔ bawo Mari le ya a ma, mansɛ min bi Asiriya nyamanɛ kun na, anuna hinɛ donta wo rɔ. Mansɛ wo tora anu madɛnbɛna Isirɛlata Alla Bato-Bɔn sɔ-koe rɔ.

Ɛsira 7:21

“N bara a fɔ nyamani-fen-namaralɛ bɛɛ ye minnu bi Yufereti bɛ tele-yigi wara la ko anu ni ile Saraka-Masɔla Ɛsira makoe bɛɛ nyinya, ile min ya San-Kole-Allata tɔn lɔn, kɔni.

Ɛsira 7:28

Ale Mari baraka le wara a ma, n bara diya mansɛ anubɛ a makawandilɛnu anubɛ ala mɔgɔ-ba-sɛnbɛlamɛnu na. Nta Mari Alla ara sɛnbɛ di n ma ka kuma Isirɛla bɔnsɔn kebila-kun-tigi-siyaman ye alako anu ni sɛgi n fɛ Yerusalɛm soe burɔ.”

Ɛsira 7:5

Buki wo fa tɔgɛ le Abisuwa. Abisuwa wo fa tɔgɛ le Finihasi. Finihasi wo fa tɔgɛ le Ɛliyesa. Ɛliyesa wo fa le ale Saraka-Masɔla-Kun-Tigi-Wɛ Aruna la.

Ɛsira 8:1

Mansa Atasakasita wati rɔ, mɔgɔ-birani-kɔrɛ minnu sɛgira Yerusalɛm ka bɔ Babilɔn nyamanɛ rɔ, wonuna kebila-kunyɛ tɔgɛ le kɛnu na.

Ɛsira 8:18

Kilayɛ wonu ke, anu ya kei kelen don ma bolo mata Alla baraka rɔ min ya ata wɔlɛ lɔn. Wo tɔgɛ le Sɛrɛbaya. Lifayi bɔnsɔn-mɔgɛ le ale la ka bɔ Mehali bɔnsɔn rɔ. Ala den-kei anubɛ a na-kelen-nyɔgɛnu bilara a fɛ. Anu yatɛ bɛnta mɔgɔ tan-ni-segin ma.

Ɛsira 8:22

N miliyara le ka mansɛ manyinika kɛlɛ-den so-laburilɛnuna ko ma minnu si ma matanka kilɛ la. N miliyara le bawo n bara ban a fɔla a ye nun ko mɔgɔ-wo-mɔgɔ lanɛ mata Alla la, a si wo tigi dɛnbɛ, ado mɔgɔ-wo-mɔgɔ ya a kan-kɔ sɔ a la, a ti sewa wo tigi la fɔ ka a tɔrɔ.

Ɛsira 8:31

Ma wulita Ahefa bɛ dafɛ san wo karɛ fɔlɛ, a tele tan-ni-fila nyɔgɛ le ma. Mata Alla ye ma fɛ nun. A ya ma tanka ma yogenu anubɛ ma lapɛrɛnnɛnu masibɛ ma kilɛ la.

Nihɛmaya 12:26

Mɔgɛ kɛnu denu bi nyɔ Yasowala den Yoyakimta wati rɔ, Yɛhosadaki mamanɛ, kɔni. Wo wati ya a taran, anuna kun-tigi Nihɛmaya ye a kɛndɛ la anubɛ Saraka-Masɔla Ɛsira min ya tɔn wara-koe lɔn bɛrɛkɛ!

Nihɛmaya 12:36

Sakaraya na-kelen-nyɔgɛ minnu bilara a fɛ, wonu tɔgɛ le kɛnu na. Sɛmaya wo, Asarɛli wo, Melalayi wo, Kelalayi wo, Meyeyi wo, Natanɛli wo, Yuda anubɛ Hanani. Wonu bi tala fɔli-fen-su bɛɛ fɔla anu bolo Mansa Dawuda ya tolɔn kɛ min sufa la. Saraka-Masɔla Ɛsira min bi kɛdi-sɛbɛlayɛ la, wo sɔnɛ anu yarɔ.

Nihɛmaya 2:12

Alla ya min sa n sɔndɔmɛ rɔ nyɔla ko la, n ma wo fɔ mɔgɔ-wo-mɔgɔ ye. Suyi tɛma, n ya n ta-nyɔgɔ mɔgɔ-dande bi ka ta soe kɔmɛ lakɔrɔsi. Ma tara sofɛlɛ kelen pe le la ma bolo, nde siginɛ min na, kɔni.

Nihɛmaya 2:18

Wo kɔma, Alla ye n fɛ nya min wo, a ya n dɛnbɛ nya min wo, mansɛ ya min bɛɛ fɔ n ye wo, n ya wo dantɛgɛlɛ sa anu ye. Anu dama ko, “Awa, ma ni wɔlɛ dabira wona.” Anu ya anu mabɛn ka wɔlɛ dabira min si na Alla hɛnɛ.

Nihɛmaya 2:8

Min sanɛ wo kuma, n ya a manyinika ko a ni kɛdi sɛbɛ Esafi ma min bi ale mansɛla firɛ makandanna alako wo ni a ma, n ni fɛrannu sɔrɔn nyɔ rɔ. N ko n bi fɛran wonu denu bila ka a Bato-Bon-tarɛ don-dɛnu nadan anubɛ soe tarɛnu anubɛ n si sigi bɔn min na. N ya mansɛ manyinika koe min bɛɛsi ma, a ya wo bɛɛ nyinya n ye bawo Alla ye n fɛ.

Nihɛmaya 4:15

Ma yogenu ya a lɔn min kɛ ko anuna gbundu bu ara tii, anu ya a yen ko Alla ara anu miriya tinya. Wo kɔma, male dama nara don tara-sɔɛ rɔ tun.

Nihɛmaya 8:1

Karɛ wɔrɔ tenbinɛ, a wɔrɔnfila nyɔgɛ ma, wo ya a taran, Isirɛla mɔgɛ bɛɛ ara anu sigi-bole rabɛn anuna soenu tɔ. Karɛ wo tele fɔlɛ ma, tarɛ don-dɛ min tɔgɛ ko Yi, mɔgɛnu ya anu nadɛn wo lu-kole ma Yerusalɛm soe burɔ. Alla ya tɔn min di Nɛbi Musa ma, anu ya Saraka-Masɔla Ɛsira manyinika ko a ni ta tɔn-buku wo bi bawo a ya tɔn wonu kɔrɛ lɔn a nya ma.

Nihɛmaya 8:13

Wo banda kɛ, a kebila-kun wo, a saraka-masɔla wo, a Lifayi wo, anu dama tara Ɛsira wara ka anu nadɛn tɔn-karan-koe rɔ.

Nihɛmaya 8:4

Ɛsira sɔra bɛndɛ kuma. Wo ladanta wulɔn tele lela ko la. Mɔgɔ wɔrɛ minnu sɔra a bolo-nyimɛ wara la bɛndɛ wo kuma, wonu tɔgɛ le kɛnu na, Matetaya wo, Sɛma wo, Anaya wo, Yuraya wo, Helikaya wo, anubɛ Meyaseya. Mɔgɔ wɔrɔnfilɛ minnu sɔra a bolo-maran wara la bɛndɛ wo kuma, wonu fanan tɔgɛ le kɛnu na, Pɛdaya wo, Misiyɛli wo, Malakiya wo, Hasum wo, Hasibadena wo, Sakaraya wo, anubɛ Mɛsulam.

Nihɛmaya 8:9

Kumɛ min sɛbɛnɛ tɔn wo rɔ, anu ya wonu namɔɛn min kɛ, anu donta diyi-kɛ rɔ bawo kumɛ wonu bara anu sɔn-kunyɛ lamaga. Woletɔ Nihɛmaya min bi anu kun na anubɛ Saraka-Masɔla Ɛsira min bi tɔn-karan-mɔgɔyɛ la, anubɛ Lifayi minnu ya tɔn rakaran anu ye, wonu ya a fɔ mɔgɛnu ye ko, “Tele-sɛnimɛ le bi la mata Mari Alla ye. A ma bɛn, mɔgɔ ni di tele kɛ rɔ.

Nihɛmaya 9:13

I bɔra san ma wulɔn Sinayi kɔnkɛ kuma. I kumara ila mɔgɛnu ye nyɔ. I ya tɔnnu di anu ma nyɔ min kin, ado tonyɛ le anu na.

Yaburi 109:27

N yogenu ni a lɔn yati ko nna kisilɛ le ile le kelan la.

Yaburi 147:19

A ye ala sarakanɛnu natala ala mɔgɛnu ma. A ye ala tɔnnu anubɛ ala sereyanu dila Isirɛla mɔgɛnu ma.

Yaburi 45:1

N bi n mirila bɛti kɛ ma mansɛla ko la tumɛ min, kuma-nyimɛnu ya n sɔndɔmɛ lafa. N nagankuri mara iko sɛbɛli-kalɛ tenbi sɛbɛli-kɛla-nyimɛ bole la.

Yaburi 80:18

Ma ti ma kan-kɔ sɔ i la tun! I ni ni-kura keni ma ye. Wo si a ma, ma ni to i matɔgɔla tolon!

Hɛnkilimaya-Kumɛnu 3:6

I ye ko-wo-ko mala, i ni Mari fɔlɔn gbiliya, woletɔ a si kila-telennɛ yira i la.

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Aiseya 59:1

Wo kana wo miri ko Mari rafaganɛ wo lakanan-koe la. Wo kana wo miri ko a wɔlɔ-gbereni de, a sa wo kan namɔɛnna.

Yɛrɛmaya 8:8

Mari ko wo ye a fɔla wo nyɛrɛ ma ko wo hɛnkili kolo. Wo ko wo ara hɛnkili sɔrɔn ale Marita karan rɔ. Kɔnɔ wola tɔn-sɛbɛlɛnu bi Allata kumɛnu gba-yɛlɛmanna. Wonu fanan bara foninyɛ sɛbɛ anuna kalɛ la.

Matiyu 13:52

Woletɔ a ya a fɔ anu ye ko, “Nba, Alla min bi Arinyɛni tɔ, tɔn-karan-mɔgɛ min bɛɛ ara ma karan-dannu na ata mansayɛ rɔ, wonu mani de iko bon-tigi min bi fen-kurɛnu anubɛ a kɔrɔmɛnu nabɔla ala fen namara tinɛ.”

Matiyu 23:2

A ko, “Sɛnbɛ ye tɔn-karan-mɔgɛnu anubɛ Farisinu bolo ka Nɛbi Musata tɔn rakaran mɔgɛnu ye

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

1 Kɔrɛnti 1:20

Nba, hɛnkilimɛnu anubɛ tɔn-karan-mɔgɛnu anubɛ sɔsɔli-sala-wɛnu, wonu bi kama? Alla ara a lagbɛ ko duninya kɛ hɛnkilimayɛ, yuwaya-koe le wo la!

1 Kɔrɛnti 15:1

Nba, n na-kelen-nyɔgɛnu, n ya kibara-nyimɛ min nake wo ma, n bi a fɛ ka wo hɛnkili bila wo ko, ado wo ara kibara-nyimɛ wo rabira ka la a la gben!

Tɔn-Fɔɛ-Fila-Nyɔgɛ 28:1

Musa ya a fɔ Isirɛla mɔgɛnu ye ko, “Ni wo ya wota Mari Alla kuman-kan latɔnbagaya ka ata tɔnnu bira iko n bara min di wo ma kɛ la bi, a si a ma, wo ni sɛnbɛ sɔrɔn ka tenbi sibolo-toenu na duninya rɔ.

Tɔn-Fɔɛ-Fila-Nyɔgɛ 4:5

“N bara ban wo karanna nta Mari Allata tɔnnu na, a ya min fɔ n ye nun. Wo wa ta nyamanɛ wo mɔgɛnu kɛlɛ tumɛ min ka wo sigi nyɔ, wo ni tɔn kɛnu bira.