Ɛsira 7:26 - ALLALA KUMƐ

²⁶ Ni min ya Allata tɔn kɛ masɔsɔ anubɛ nyamanita tɔnnu, wo ni wo tigi tɔrɔ tiriya! Ni a di i ye, i ni wo tigi faga. Ni wo ma, i ni a gben. Ni wo fanan ma, i ni a bolo-fannu toronde a la. Ni wo fanan ma, i ni a sa yele la.”

Ɛsira 7:26 Iomraidhean Croise

2 Ko-Kɔrɔta-Karan 30:12

Kɔnɔ hali wo, Alla ye wɔlila Yuda bɔnsɔn-mɔgɛnu yisi rɔ alako anu ni to kan kelen tɔ ka mansɛ anubɛ ala mɔgɔ-banu kan to a gbɛ rɔ.

Ɛsira 10:4

A ye wole ma gbɛ! Wo ya ko-wo-ko ma, ma ye wo fɛ, yɔ! Wo ni wo sɛbɛ don ka wo kerinteya.”

Ɛsira 10:8

Ni min ma na yanni tele sawa kɔrɔ, anu si wo bolo-fan bɛɛ toronde a la iko mɔgɔ-banu bara a latɛgɛ nya min. Wo kɔma, wo tigi ma si gboya.

Ɛsira 6:11

Ni min ya n kan kɛ bɔ a gbɛ rɔ, wo si wo tigila bon-kɔn do sagan a rɔ ka a lasulen ka wo sɔrɔngbɔ ale mɔgɛ wo rɔ. Wo wa ka-a-la, wo si ala bɔn wo ma sundu-kunyɛ la.

Ɛsira 6:12

Alla min ya Yerusalɛm kɛ yabɔ a bato-tinayɛ la, min ba a fɔ ko a ye bato tinɛ wo tinyana ka n kuman-kan lafɛya, alamɛ Alla ya wo wara-koe layigi, a mansa wo, a sibolo wo. Nde, Mansa Dariyasi kan le kɛ la, ado wo ni a bira gben!”

Yaburi 52:5

Woletɔ fɔ Alla wa i kasara pɔ! A si i gbɔrɔndo ila bɔn la. A si i wurun mɔgɛnu tɛma.

Daniyɛli 6:26

Min sanɛ wo kuma, n bara ban a latɛgɛla nun nyamanɛ kɛ rɔ, n ko, mɔgɛ bɛɛsi ni kilan Daniyɛlita Alla la ka a gbiliya. Alla-nimɛ le ale la, Aado ale le ye ma lamarala burubukai! Ala mansayɛ ti tinya mumɛ, ado ala fanka dan sa.

Tɔn-Fɔɛ-Fila-Nyɔgɛ 27:26

“ ‘Alamɛ Allata dankɛ taranta wo mɔgɛnu kuma minnu ti sɔn tɔn kɛnu bira-koe ma.’ “Anu si a labira ko, ‘Amina.’ ”