Ɛsira 7:10 - ALLALA KUMƐ

¹⁰ Ɛsira ara a nyɛrɛ to Marita tɔn karan anubɛ ka a bira anubɛ ka Isirɛla mɔgɛnu karan a la.

Ɛsira 7:10 Iomraidhean Croise

1 Ko-Kɔrɔta-Karan 29:18

Ma benba Iburayima anubɛ Isiyaka anubɛ Yakobata Mari Alla, alamɛ i ya a ma, ita mɔgɛnu ni to anu sɛbɛ donna i wara-koe ma. Anu kana bɔ i kɔma mumɛ!

2 Ko-Kɔrɔta-Karan 12:14

A ya ko-yogomɛ kɛ bawo a ma a sɛbɛ don Mari wara-koe rɔ.

2 Ko-Kɔrɔta-Karan 19:3

Kɔnɔ hali wo, ko-nyimɛ donu bi i bolo ma bawo mɔgɛnu bi Asura bɛsɛ minnu kɔla nun, i wara wonu tinya. I wara i karan ka Mari sako kɛ.”

2 Ko-Kɔrɔta-Karan 30:22

Mansa Hɛsakaya ya Lifayinu matɔgɔ ka a tɛgɛ anu ya Mari bato nya min ka ladɛn kɛ a kilɛ fɛ. Tele wɔrɔnfila dɛgɛdɛgɛ, Isirɛla mɔgɛnu bi sarakɛnu bɔla anuta Mari Alla ye. Wo kanɛ a la,

Ɛsira 7:11

Saraka-Masɔla Ɛsira wo min ya Isirɛlata Marita tɔn lɔn a nya-bɛrɛbɛrɛ ma, Mansa Atasakasi ya kɛdi do di ale ma. Min sanɛ kɛdi wo rɔ, wo le kɛ la. A ko,

Ɛsira 7:25

“Alla ara hɛnkili min di ile Ɛsira ma, i si wo lawɔli. Minnu bi ita Allata tɔn birala Yufereti bɛ tele-yigi wara la, ile Ɛsira si kun-tiginu anubɛ kiti-tɛgɛlɛnu yabɔ wonu tɔ, ado ni minnu ma Allata tɔn lɔn, i si wonu karan a la.

Ɛsira 7:6

Ɛsira kɛ, karan-mɔgɔ le ale la, ado Isirɛlata Mari Alla ya tɔn minnu di Musa ma, a ya wo lɔn dɔgɔma-ma-de! Ɛsira ya Pasiya mansɛ manyinika fenfen ma, a si wo di a ma bawo a ye ata Mari Allata duwɛ kɔrɔ. Atasakasila mansayɛ san wɔrɔnfila nyɔgɛ ma, Ɛsira anubɛ nyama ya Babilɔn boloka ka ta Yerusalɛm. Minnu tara a fɛ, wo le kɛnu na, saraka-masɔlɛnu wo, Lifayinu wo, Bato-Bon-sigi-salɛnu wo, Bato-Bon-makandannɛnu wo, anubɛ Bato-Bonna-wɔli-kɛlɛnu.

Yobu 11:13

Nba Yobu, ni i ya i nyɛrɛ latenbi Alla ma ka i bole rasagan Alla ye,

Yaburi 1:2

Ale le si sewa Marita tɔnnu birɛ la. A ye ala kumɛ karanna su-ni-tele ka to a mirila a ma.

Yaburi 10:17

E, Mari, i si i wɔlɔ matɔlɔ mɔgɔ-famayiginɛnuna madiyalɛ la. I si anu yigi sigi.

Yaburi 119:112

N bara ban a latɛgɛla, n ko, “Fenfen ti n bɔ ila tɔnnu kɔrɔ fɔ saya.”

Yaburi 119:45

N si to lafɛrɛ rɔ wo rɔ bawo n bara ita karan bira.

Yaburi 19:7

Fɛɛ sa Marita karan la. A si sɛnbɛ-kurɛ di ma ma. Mari wa koe minnu ma-koe fɔ ma ye, sika ti ma bira wonu ma-tinɛ. Ni min bi nyinina hɛnkili ma, Tɔn-birɛ si wo di a ma.

Yaburi 57:7

E, Alla, nde ara lanaya-ba sa i rɔ. N si tantoli-bɛti bɔ i ye.

Malakayi 2:7

A ko ka mɔgɛnu karan ale Alla lɔn-koe ma, wole saraka-masɔlɛnuta wɔlɛ le wo la. A bɛnta, mɔgɛnu ni ta saraka-masɔlɛnu bara, ale Alla sako-lɔn-koe rɔ bawo ale Mari Sɛnbɛ-Bɛɛ-Tigita kilayɛ le wole la.

Matiyu 5:19

Woletɔ hali tɔn dɔgɔmanɛ, ni min ba a ban wo bira-koe ma ka donu karan wo ma fanan, Alla min bi Arinyɛni tɔ, wo tigi si ma mɔgɔ-dɔgɔmanɛ la ata mansayɛ rɔ. Kɔnɔ ni min si tɔn bira ka donu karan a bira-koe ma, wo tigi si ma mɔgɔ-ba la Allala mansayɛ rɔ.

Matiyu 7:24

“Nba, mɔgɛ min bɛɛ ye nna kumɛ kɛ lamɔɛnna ka a bira, wo si ma iko kei-hɛnkilimɛ min ya ala bɔn sɔ fara-kole kuma.

Yɔni 13:17

Nba kaka, wo ara tonyɛ kɛ lɔn min kɛ, ni wo tora a kɛla, wo si ma mɔgɔ-sewanɛ la!

Kɛwɔlɛnu 1:1

N bi kɛ sɛbɛla ile Tiyofilasi ma. Yanni Yisa ni yɛlɛ Arinyɛni tɔ tumɛ min, a ya ata wɔlɛ anubɛ ata karan min bɛɛ dabira, n bara wo bɛɛ sɛbɛ nna buku fɔlɔtɛ rɔ. Yisa ya kilayɛ minnu yabɔ, a ya hɛnkili di wonu ma Allala Ni-Sɛnimɛ baraka rɔ.

Tɔn-Fɔɛ-Fila-Nyɔgɛ 16:12

Wo ni tɔn kɛnu bira de bawo wo ni la a la ko wole fanan bi yɔɔnyɛ rɔ Iyipiti nyamanɛ rɔ nun.”

Tɔn-Fɔɛ-Fila-Nyɔgɛ 33:10

Anu si Isirɛla mɔgɛnu karan tɔn-bira-koe ma ka anuna sarakɛnu masɔ anu ye ile Marita saraka-mintan-tinɛ kuma.

1 Timoti 3:2

Fɛɛ-wo-fɛɛ kana taran chɔchi-mɔgɔ-ba la. A ni a telen ala musi ye. A ni ma sɛbɛna-mɔgɛ la koe bɛɛ rɔ. A ni ma nyɛrɛ-mara-mɔgɛ la anubɛ ala ko-ladan-nya ni telen. A ni sundannu tabira a kin na! A ni kusanya mɔgɛnu karanna.

2 Timoti 4:2

ko ile Timoti ni Allala kumɛ lake ka i kiri a fɔɛ ma. Ni mɔgɛnu ya a bira, ni anu ma a bira, ile ni to a fɔla anu ye tun! I ni mɔgɛnu makuma ka anu makawandi. Kɔnɔ i ni anu karan dinyɛ rɔ

Taita 2:1

Alla ye nyinina, hadama-dannu ni ko ladan nya min, i si to mɔgɛnu karanna koe wonu na.

Taita 2:15

I ni mɔgɛnu karan koe kɛnu na. I ni anu makawandi ka anu makuma sɛnbɛ la. I kana ko ladan min si a ma, anu ni i lafɛya.

Lankɛnimayɛ 22:14

Mɔgɔ-sewanɛ le wo mɔgɛnu na minnu bi anuna durukinu kula ka anu sɛninyanɛ mara. Anu si sɛnbɛ sɔrɔn ka nimaya-kɔlɔma-gbɔɛ dɔn anubɛ ka don soe wo burɔ a dɛnu na.

1 Samuwɛli 7:3

Samuwɛli ya a fɔ Isirɛla mɔgɛnu ye ko, “Ni wole ya wo ya-lamunun Mari la wo yisi bɛɛ la, fɔ ni wo ya wola bɛsɛnu nakɛ a rɔ katarala wola bɛsɛ ma min nadannɛ musila muninyɛ rɔ min tɔgɛ Asitɔra. Wo ni wo nyɛrɛ dantɛgɛ Mari kelen pe le ma ka ale kelen pe bato. Ni wo ya wo ma, ale si wo tanka Filisitinu masibɛ ma.”