Ɛsira 6:12 - ALLALA KUMƐ

¹² Alla min ya Yerusalɛm kɛ yabɔ a bato-tinayɛ la, min ba a fɔ ko a ye bato tinɛ wo tinyana ka n kuman-kan lafɛya, alamɛ Alla ya wo wara-koe layigi, a mansa wo, a sibolo wo. Nde, Mansa Dariyasi kan le kɛ la, ado wo ni a bira gben!”

Ɛsira 6:12 Iomraidhean Croise

1 Mansɛnu 9:3

Mari ya a fɔ a ye ko, “N bara ila matarali-kan lamɔɛn. I wara bɔn min sɔ ka a dantɛgɛ n ma, n bara sɔn ka wo ma n halalɛ la. Wo si to n batola nyɔ burubukai! N si a mafɛlɛn ka a kandan habadan!

2 Ko-Kɔrɔta-Karan 7:16

bawo n bara nyɔ yabɔ ka a ma kan-tina-dantɛgɛnɛ la. Mɔgɛnu si to n batola nyɔ burubukai!

Ɛsira 6:13

Wo kɔma, Tatenayi min bi Yufereti bɛ tele-yigi waralɛ kun na wo, ala kandɛ Setari-Bɔsɛnayi wo, anubɛ nyɔ-mɔgɔ-banu, wonu ya a ma iko Mansa Dariyasi ya a fɔ anu ye nya min.

Ɛsira 6:14

Yahudiya mɔgɔ-banu tora tala yarɔ Bato-Bɔn sɔ tinɛ. Nɛbi Hegayi anubɛ Sakaraya tora anu yisi-kima-kumɛ fɔla. Anu ya Bato-Bon-wɔlɛ wo kundon iko Isirɛlata Alla anubɛ Pasiya mansa kɛnu ya a fɔ anu ye nya min, Mansa Sairasi wo, Mansa Dariyasi wo, anubɛ Mansa Atasakasi.

Ɛsira 7:15

Mabɛ nta mɔgɔ-banu bi sɛnɛ anubɛ wodi-gbɛ minnu bɔla ka a di Isirɛlata Alla ma, minta Bato-Bɔn ye Yerusalɛm, kɔni, a sɔgɛ ye ma la, i ni ta wonu na i bolo.

Ɛsira 7:17

“I si wodi wo lawɔli i hɛnkili la ka sarakɛnu san a la. I ye min sanna sarakayɛ la, wo le kɛ la, tura-bulun-hakikɛnu wo, saga-yiginu wo, saga-dannu wo, anubɛ fui-fen-sarakɛnu anubɛ minni-sarakɛnu. I wa ke anu na nyɔ, i si anu mintan saraka-mintan-tinɛ kuma Bato-Bɔn la Yerusalɛm.

Ɛsira 7:26

Ni min ya Allata tɔn kɛ masɔsɔ anubɛ nyamanita tɔnnu, wo ni wo tigi tɔrɔ tiriya! Ni a di i ye, i ni wo tigi faga. Ni wo ma, i ni a gben. Ni wo fanan ma, i ni a bolo-fannu toronde a la. Ni wo fanan ma, i ni a sa yele la.”

Ɛsita 8:14

A fɔɛ mansɛ bolo, “Wo ta gbɛ,” so-laburilɛnu yɛlɛta mansɛla so-buri-kɛla-wɛ wonu na tiriyante wo rɔ ka ta kɛdi wonu to tinɛnu tɔ. Anu ya kɛdi wo do fanan karan Susa so-karantan burɔ.

Yaburi 5:10

E, Alla, mɔgɔ sufa wonu bira ka anu tɔrɔ anu hakɛla ko la. A ma, anuna yanfanteyɛ wonu ni sɛgi anu denu kɔgɔ rɔ. Anu tɔrɔ ka a tɛgɛ anu hakɛ anubɛ anuna murutiyɛ ma. I ni anu bɔ i yakɔrɔ.

Bɔ-Koe-Iyipiti 20:24

“Ni anu bi saraka-mintan-tinɛ sɔla n ye, anu ni a sɔ bɔnkɛ la. Anu ni anuna sagɛnu anubɛ anuna baanu anubɛ anuna ninkinu ma sarakɛnu na saraka-mintan-tinɛ wo kuma ka saraka-mintantɛnu bɔ nyɔ anubɛ yisi-kima-sarakɛnu. N ba n bato tinɛ yira anu na kan-bo-kan, n si anu taran nyɔ ka duwa anu ye.

Makawandili Kumɛnu 9:10

Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Aiseya 60:12

A ko ni sibole min ma wɔli i ye, wonu si kasara pɔ!

Hɔbadaya 1:10

Mari ko tɔrɔyɛ bɛɛ si na wo kuma kamasɔrɔn wo ara wo na-kelen-nyɔgɛnu Yakoba kegeyɛnu kankan ka anu faga. Woletɔ a ko wole Idɔm mɔgɛnu si yarabiyi sɔrɔn ka halaki pɔɔ!

Kɛwɔlɛnu 9:5

Sɔli ya nyinikalɛ kɛ ko, “N fa, yon bi ile la?” Kuman-kan wo ko, “Yisa le nde la, i ye min tɔrɔla.

Tɔn-Fɔɛ-Fila-Nyɔgɛ 12:11

Wo wati rɔ, wota Mari Alla si kan-tina-kelen pe yabɔ wo si a bato kan min. Wo si na fan wonu di a ma nyɔ le iko n bara a fɔ wo ye nya min, saraka-mintanta wo, yaka wo, dato-saraka wo, anubɛ a saraka-toenu, wo si wonu di a ma nyɔ.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 16:2

San-bo-san, Abibu karɛ kɛ la, wo si ta kan-tina-kelan wo rɔ min yabɔnɛ Mari bolo. Wo si wola kolo-fannu kan natɛgɛ nyɔ ka wo ma wola Kanan-Ko-Ladiyɛ dɔn-fen-sarakɛnu na.