Ɛsira 5:3 - ALLALA KUMƐ

³ A ma mɛ, Tatenayi min bi Yufereti bɛ tele-yigi wara la kun-tigiyɛ la wo, anubɛ ala kandɛ Setari-Bɔsɛnayi wo, anubɛ mɔgɔ-ba doinu, anu tara Yerusalɛm soe burɔ. Wonu ya a fɔ Yahudiyanu ye ko, “Yon ya a fɔ wo ye ko wo ni Bato-Bɔn kɛ sɔ ka a rabɛn a kilɛ fɛ?”

Ɛsira 5:3 Iomraidhean Croise

Ɛsira 1:3

Wole Allata mɔgɛnu, alamɛ Alla tora wo fɛ. Wo ta Yerusalɛm ka Mari Bato-Bɔn sɔ a kurɛ la Isirɛlata Alla ye nyɔ, anu bi Alla min batola Yerusalɛm soe burɔ, kɔni.

Ɛsira 4:12

“Ma tigi, a sɔgɛ ye ma la, i ni a lɔn ko Yahudiya minnu nara ka bɔ ila nyamanɛ tonke do rɔ, anu bara sigi Yerusalɛm soe burɔ, ado anu bi anuna karagbɛlɛya-so-karantan wo sɔla tun min nafanɛ murutiyɛ la. Anu bara wuli soe wo tarɛ sɔla, ado anu sa mɛla a labanna.

Ɛsira 4:9

“Minnu bi kɛdi kɛ sɛbɛla, wo le nde, Rihum wo, nna kɛdi-sɛbɛla Simisayi wo, ma makawandilɛnu wo, kiti-tɛgɛlɛnu wo, anubɛ a mɔgɔ-ba-toe minnu siginɛ Samariya soe kɛ burɔ. Mɔgɔ-ba donu kofura ma ma ka bɔ nyamani-gbɛrɛkɛnu tɔ Yufereti bɛ tele-yigi wara la. Fɔlɔ nun, ma dama siginɛ Ɛreki anubɛ Babilɔn anubɛ Susa soenu tɔ nun Ilam nyamanɛ rɔ anubɛ nyamani-gbɛrɛkɛnu tɔ. Mansa-makawanɛ Asibanipuli ya ma labɔ mala soenu tɔ ka ma sigi Samariya soe kɛ burɔ anubɛ nyamani-gbɛrɛkɛnu tɔ Yufereti bɛ tele-yigi wara la.

Ɛsira 5:6

Mɔgɔ-ba minnu bi Yufereti bɛ tele-yigi waralɛ kun na, wonu ya kɛdi min sɛbɛ Mansa Dariyasi ma, wo le kɛ la.

Ɛsira 5:9

“Ma ya anuna kun-tiginu manyinika ni min ya anu sɔ Bato-Bɔn sɔla ka a rabɛn a kilɛ fɛ.

Ɛsira 6:13

Wo kɔma, Tatenayi min bi Yufereti bɛ tele-yigi waralɛ kun na wo, ala kandɛ Setari-Bɔsɛnayi wo, anubɛ nyɔ-mɔgɔ-banu, wonu ya a ma iko Mansa Dariyasi ya a fɔ anu ye nya min.

Ɛsira 6:6

Mansa Dariyasi ya kala sɔrɔn kɛ ma min kɛ, a ya mɔgɔ-ba wonuna kɛdi kɔfili. A ko, “Ile Tatenayi min bi Yufereti bɛ tele-yigi waralɛ kun na wo, ila kandɛ Setari-Bɔsɛnayi wo, anubɛ nyɔ-mɔgɔ-banu, n bara wo dama kɔndɔn. “Wo ni wo masɛgi Bato-Bɔn wo la.

Ɛsira 7:21

“N bara a fɔ nyamani-fen-namaralɛ bɛɛ ye minnu bi Yufereti bɛ tele-yigi wara la ko anu ni ile Saraka-Masɔla Ɛsira makoe bɛɛ nyinya, ile min ya San-Kole-Allata tɔn lɔn, kɔni.

Hegayi 1:1

Pasiya nyamanɛ donta Mansa Dariyasi bolo, wo san kelen a fila nyɔgɛ, a karɛ wɔrɛ, tele fɔlɛ ma, Mari ya sarakanɛ kɛ don nde Nɛbi Hegayi bolo wo wati rɔ ka a fɔ Yuda nyamani-tigi anubɛ saraka-masɔla-kun-tigi-wɛ ye. Nyamani-tigi wo tɔgɛ le Sarababulu. A fa tɔgɛ le Siyalitiyɛli. Saraka-masɔla-kun-tigi-wɛ wo fanan tɔgɛ le Yasowa. A fa tɔgɛ le Yɛhosadaki.

Matiyu 21:23

Yisa tara Alla-Bato-Bɔn la tun. A ye mɔgɛnu karanna tumɛ min, saraka-masɔla-wɛnu anubɛ Yahudiya-kɛmɔgɛnu nara a wara ka a manyinika ko, “I ye koe kɛnu kɛla nfen sɛnbɛ la? Yon ya sɛnbɛ kɛ di i ma?”

Kɛwɔlɛnu 4:7

Anu ya Pita anubɛ Yɔni lasɔ anu yakɔrɔ ka anu manyinika ko, “Wo ya kɛ ma kama? Nfen sɛnbɛ ye wo bolo kɛ? Wo ya a ma yon tɔgɛ rɔ?”