Ɛsira 4:8 - ALLALA KUMƐ

⁸ Wo kɔma, Rihum min bi kun-tigiyɛ la Yufereti bɛ tele-yigi wara la anubɛ ala kɛdi-sɛbɛlɛ Simisayi, wonu ya kɛdi sɛbɛ Mansa Atasakasi ma Yerusalɛm so-burɔ-mɔgɛnu kan ma. Min sɛbɛnɛ kɛdi wo rɔ, wo le kɛ la ko,

Ɛsira 4:8 Iomraidhean Croise

2 Samuwɛli 20:25

Mansɛla kɛdi-sɛbɛlɛ le Sifa la. Saraka-masɔla-wɛ le Sedoki anubɛ Abiyatari la.

2 Samuwɛli 8:17

Ahitubala den Sedoki wo, anubɛ Abiyatarila den Ahimɛlɛki, saraka-masɔlɛ le wonu na. Ala kɛdi-sɛbɛlɛ le Seraya la.

2 Mansɛnu 18:18

Anu ya Mansa Hɛsakaya kele nyɔ rɔ. Helikayala den Ilayakim min bi mansɛla bolon-mafɛlɛnna wo, anubɛ Sɛbana min bi ala kɛdi-sɛbɛla wo, anubɛ Esafila den Yowa min bi kɛdi-sɛbɛnɛnu-namarala, ale Mansa Hɛsakaya ya ala mɔgɔ-ba sawɛ wonu nata anu ma.

Ɛsira 4:17

Mansɛ ya anuna kɛdi karan ka a kɔfili ko, “N bara wo dama kɔndɔn, wola kun-tigi Rihum, anubɛ ala kɛdi-sɛbɛlɛ anubɛ kun-tigi minnu bi Samariya, hali mɔgɔ-ba-toe minnu bi Yufereti bɛ tele-yigi warala-toe rɔ.

Ɛsira 4:7

Pasiya Mansa Atasakasita wati fanan tɔ, Bisilam anubɛ Mitirɛdati anubɛ Tabiyɛli anubɛ anu diyana-mɔgɛnu, wonu fanan ya kɛdi sɛbɛ Mansa Atasakasi ma Isirɛla mɔgɛnu kan ma. Kɛdi wo sɛbɛnɛ Aramaki kan le tɔ anubɛ a sɛbɛ-nya.

Ɛsira 4:9

“Minnu bi kɛdi kɛ sɛbɛla, wo le nde, Rihum wo, nna kɛdi-sɛbɛla Simisayi wo, ma makawandilɛnu wo, kiti-tɛgɛlɛnu wo, anubɛ a mɔgɔ-ba-toe minnu siginɛ Samariya soe kɛ burɔ. Mɔgɔ-ba donu kofura ma ma ka bɔ nyamani-gbɛrɛkɛnu tɔ Yufereti bɛ tele-yigi wara la. Fɔlɔ nun, ma dama siginɛ Ɛreki anubɛ Babilɔn anubɛ Susa soenu tɔ nun Ilam nyamanɛ rɔ anubɛ nyamani-gbɛrɛkɛnu tɔ. Mansa-makawanɛ Asibanipuli ya ma labɔ mala soenu tɔ ka ma sigi Samariya soe kɛ burɔ anubɛ nyamani-gbɛrɛkɛnu tɔ Yufereti bɛ tele-yigi wara la.