Ɛsira 4:7 - ALLALA KUMƐ

⁷ Pasiya Mansa Atasakasita wati fanan tɔ, Bisilam anubɛ Mitirɛdati anubɛ Tabiyɛli anubɛ anu diyana-mɔgɛnu, wonu fanan ya kɛdi sɛbɛ Mansa Atasakasi ma Isirɛla mɔgɛnu kan ma. Kɛdi wo sɛbɛnɛ Aramaki kan le tɔ anubɛ a sɛbɛ-nya.

Ɛsira 4:7 Iomraidhean Croise

2 Mansɛnu 18:26

Wo kɔma, Ilayakim anubɛ Sɛbana anubɛ Yowa ya a fɔ Asiriya mansɛla kandɛ wo ye ko, “I yandi, kuma ma ye Aramaki kan rɔ. Ma si wo ragbɛ le. I kana kuma ma ye mata Hiburu-kan rɔ alako mɔgɛ minnu bi tarɛ kuma san ma, wonu kana na ma kan ragbɛ.”

Ɛsira 4:1

Yuda bɔnsɔn anubɛ Bɛnyamɛ bɔnsɔn yogenu ya a lamɔɛn ko mɔgɔ-birani-kɔrɛnu bi Isirɛlata Mari Alla Bato-Bon-sɔɛ kun na tumɛ min,

Ɛsira 4:17

Mansɛ ya anuna kɛdi karan ka a kɔfili ko, “N bara wo dama kɔndɔn, wola kun-tigi Rihum, anubɛ ala kɛdi-sɛbɛlɛ anubɛ kun-tigi minnu bi Samariya, hali mɔgɔ-ba-toe minnu bi Yufereti bɛ tele-yigi warala-toe rɔ.

Ɛsira 4:8

Wo kɔma, Rihum min bi kun-tigiyɛ la Yufereti bɛ tele-yigi wara la anubɛ ala kɛdi-sɛbɛlɛ Simisayi, wonu ya kɛdi sɛbɛ Mansa Atasakasi ma Yerusalɛm so-burɔ-mɔgɛnu kan ma. Min sɛbɛnɛ kɛdi wo rɔ, wo le kɛ la ko,

Ɛsira 4:9

“Minnu bi kɛdi kɛ sɛbɛla, wo le nde, Rihum wo, nna kɛdi-sɛbɛla Simisayi wo, ma makawandilɛnu wo, kiti-tɛgɛlɛnu wo, anubɛ a mɔgɔ-ba-toe minnu siginɛ Samariya soe kɛ burɔ. Mɔgɔ-ba donu kofura ma ma ka bɔ nyamani-gbɛrɛkɛnu tɔ Yufereti bɛ tele-yigi wara la. Fɔlɔ nun, ma dama siginɛ Ɛreki anubɛ Babilɔn anubɛ Susa soenu tɔ nun Ilam nyamanɛ rɔ anubɛ nyamani-gbɛrɛkɛnu tɔ. Mansa-makawanɛ Asibanipuli ya ma labɔ mala soenu tɔ ka ma sigi Samariya soe kɛ burɔ anubɛ nyamani-gbɛrɛkɛnu tɔ Yufereti bɛ tele-yigi wara la.

Ɛsira 5:6

Mɔgɔ-ba minnu bi Yufereti bɛ tele-yigi waralɛ kun na, wonu ya kɛdi min sɛbɛ Mansa Dariyasi ma, wo le kɛ la.

Ɛsira 7:1

San-siyaman tenbinɛ, wo tumɛ Atasakasi ye mansayɛ la Pasiya nyamanɛ rɔ, kei do ye nyɔ nun min tɔgɛ Ɛsira. Saraka-Masɔla-Kun-Tigi-Wɛ Aruna matiyi le ale la. Ale Ɛsira fa tɔgɛ le Sɛraya. Sɛraya wo fa tɔgɛ le Asaraya. Asaraya wo fa tɔgɛ le Helikaya.

Ɛsira 8:36

Mansɛ ya kɛdi min don anu bolo, anu tara wo yira Yufereti bɛ tele-yigi waralɛ kun-tiginu anubɛ nyɔ-mɔgɔ-banu na. Wonu dama ya anu dɛnbɛ Bato-Bon-ko-wɔlɛ wo rɔ.

Nihɛmaya 2:1

Karɛ nani tenbinɛ kɛ kɔma, karɛ min tɔgɛ Nisan, lunyɛ do, Mansa Atasakasi ye fen dɔn kun na, n nara ala baan la a ma. Kɔnɔ bawo a ma n yisi-magboyanɛ yen bɛ lun-kelen-bɛrɛni,

Aiseya 36:11

Wo kɔma, Ilayakim anubɛ Sɛbana anubɛ Yowa ya a fɔ Asiriyanu mansɛla kandɛ wo ye ko, “I yandi, kuma ma ye Aramaki-kan rɔ. Ma si wo ragbɛ le. I kana kuma ma ye mata Hiburu-kan rɔ alako minnu bi tarɛ kuma san ma, wonu kana na ma kan ragbɛ.”

Daniyɛli 11:2

Nba, melika min sɔnɛ n dafɛ, wo ko fanan, “Min sɛbɛnɛ Allata Tonya-Buku rɔ, n bi nala wo fɔla i ye, ado tonyɛ le wo la. Mansa-nani-gbɛrɛ si na mansayɛ kɛ Pasiya nyamanɛ kun na kelen-kelenyɛ ma kɔnɔ a nani-nyɔgɛ si ma nɔnfulu-tigi la ka tenbi a to sawɛ kɛnu na. Ala nɔnfulu-tigiyɛ wo si a ma, a ni wuli Kirisi mansɛ kan ma.

Daniyɛli 2:4

Mɔgɛ wonu ya mansɛ wo yabi Aram-kan rɔ. Anu ko, “Ma tigi, alamɛ i ya simayɛ sɔrɔn. Alamɛ i kɛndɛyara. Ila kiyo wo rakaran ma ye tun. Male si a kɔrɛ fɔ i ye.”