Ɛsira 3:9 - ALLALA KUMƐ

⁹ Lifayi min tɔgɛ Yɛsuwa anubɛ ala dannu anubɛ a na-kelen-nyɔgɛnu, wonubɛ Kadamiyɛli anubɛ ala dannu, wonu denu mara kun-tiginu na Bato-Bon-sɔ-ko-wɔlɛ rɔ. Kadamiyɛli kɛ bɔra Hodafaya kebilɛ rɔ. Hɛnadadi kebilɛ fanan ya Lifayi wonu dɛnbɛ.

Ɛsira 3:9 Iomraidhean Croise

1 Ko-Kɔrɔta-Karan 23:4

Mansa Dawuda ya mɔgɔ waga mogan-ni-nani (24,000) bi wonu tɔ alako wonu ni Bato-Bon-kurɛ wo bato-ko-wɔlɛ kɛ. A ya mɔgɔ waga wɔrɔ (6,000) bi kɛnu tɔ tun alako wonu ni ma sɛbɛli-kɛlɛnu anubɛ kiti-salɛnu na.

2 Ko-Kɔrɔta-Karan 34:12

Wɔli-kunyɛ wonu natelenta. Hali mɔgɔ ma anu manyinika wodi wo lawɔli-nya ma. Lifayi mɔgɔ-ba nani bi nyɔ fanan min bi wɔli-kun mɔgɔ sawɛ kɛnu makawandila. Mɔgɔ-ba nanɛ wonu tɔgɛ le kɛnu na, Yehati anubɛ Obadaya ka bɔ Mɛrari kebila-mɔgɛnu tɔ anubɛ Sakaraya anubɛ Mɛsulam ka bɔ Kohati kebila-mɔgɛnu tɔ. Lifayi bɔnsɔn-mɔgɛ min damasi kusan fɔli kɛla,

Ɛsira 2:40

Lifayi kebilɛ minnu sɛgira ka bɔ biralɛ rɔ, wonu de kɛnu na. Yɛsuwa anubɛ Kadamiyɛli minnu bɔra Lifayi bɔnsɔn-mɔgɛnu rɔ, wonu benba tɔgɛ le Hodafaya. Yɛsuwa anubɛ Kadamiyɛli wonu kebilɛ minnu sɛgira, wonu yatɛ bɛnta mɔgɔ bi-wɔrɔnfila ani mɔgɔ nani (74) ma.

Ɛsira 3:8

Isirɛla mɔgɛnu ke Yerusalɛm wo san kelen karɛ kelen tenbinɛ, a karɛ fila nyɔgɛ ma, anu ya Bato-Bon-sɔɛ dabira. Silatiyɛlila den Sarababulu wo, Yɛhosadakila den Yasowa wo, saraka-masɔlɛnu wo, Lifayinu wo, anubɛ mɔgɔ-birani-kɔrɔ-toe minnu nara Yerusalɛm soe burɔ, anu dama ya wɔlɛ dabira. Lifayi kei min bɛɛsi sɔrɔn ara ke san mogan rɔ ka tenbi wo la, anu ya wonu ma Mari Bato-Bon-kumafɛlɛnnɛnu na.

Nihɛmaya 3:24

Hɛnadadila den Binuwai, wo le ya nyɔ-tatugunnɛ sɔ ka a bi Asarayatɛ dan ma ha tarɛ tonke.

Nihɛmaya 7:43

Yɛsuwa anubɛ Kadamiyɛli minnu bɔra Lifayi bɔnsɔn rɔ, wonu benba tɔgɛ le Hodafaya. Yɛsuwa anubɛ Kadamiyɛli, wonubɛ anu kebilɛ minnu sɛgira, wonu yatɛ bɛnta mɔgɔ bi-wɔrɔnfila ani mɔgɔ nani (74) ma.