Ɛsira 3:6 - ALLALA KUMƐ

⁶ Anuna karɛ wɔrɔnfilɛ tele fɔlɛ ma, anu ya saraka-bɔɛ dabira Mari ye kɔnɔ wo ya a taran, anu ma Bato-Bon-sɔɛ dabira wɛ.

Ɛsira 3:6 Iomraidhean Croise

Ɛsira 3:5

Min sanɛ wo kuma, anu bi saraka-mintantɛ minnu mintanna, anu ya wonu bɔ. Anu bi Karɛ-Kura-Sarakɛ minnu bɔla, anu ya wonu bɔ. Anu si ladiyɛ min bɛɛ kɛ Mari ye, anu ya wonu sarakɛ bɔ. Wo kɔma fanan, anu ya hɛniki-sarakɛnu bɔ.

Ɛsira 3:7

Isirɛla mɔgɛnu ya wodi bɔ ka kuru-lɛsɛlɛnu anubɛ bon-tuwalɛnu sara wo la. Anu ya dɔn-fan anubɛ minni-fan anubɛ ɔlifi-tulinu nata Lɛbanan nyamanɛ rɔ kɔlɔma-hakikɛnu sɔnkɔyɛ la. Anu ya fan wonu nata Taya soe anubɛ Saidon soe burɔ. Lɛbanan kɛnu ya kɔlɔma wonu nata yi kuma ha ka ke Yapa soe ma. Pasiya Mansa Sairasi sɔnta anu miriya kɛ dama ma.

Saraka-Masɔlɛnuta Tɔnnu 23:25

Ma tenbi tala ladɛn wo rɔ, ma si na mala sarakɛnu na ma bolo.

Yilan-Yilan Koe 29:1

“San-bo-san, a karɛ wɔrɔnfilɛ tele fɔlɛ ma, wo si wola wɔlɛnu boloka ka wo ladɛn wo nyɔgɔn fɛ ka Mari bato. Tele wo nyɛrɛ rɔ, saraka-masɔlɛ si buri fɛ.

Yilan-Yilan Koe 29:2

Wo ni tura-bulun kelen bi anubɛ saga-kɔndɔn kelen anubɛ san-kelen-saga-yigi wɔrɔnfila, fɛɛ sa minnu na. Wo ni wonu ma saraka-mintantɛ la Mari ye. Wo sumɛ si diya Mari ye bɛrɛkɛ!