Ɛsira 3:2 - ALLALA KUMƐ

² Yɛhosadakila den Yasowa wo, a ta-nyɔgɔ-saraka-masɔlɛnu wo, Siyatiyɛlila den Sarababulu wo, Sarababulu na-kelen-nyɔgɛnu wo, wonu ya Isirɛlata Allata saraka-mintan-tinɛ ladan. Anu ya wo ladan alako anu ni ke saraka mintanna a kuma iko Allata mɔgɛ Nɛbi Musa ya a sɛbɛ tɔn-buku rɔ nya min nun.

Ɛsira 3:2 Iomraidhean Croise

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

1 Ko-Kɔrɔta-Karan 23:14

Allata mɔgɛ ye Musa min na, wo fananta dannu bi Lifayi bɔnsɔn kɛnu tɛma.)

1 Ko-Kɔrɔta-Karan 3:17

Mansa Yɛhoyasin kɛ, Babilɔn kɛlɛ-dannu tara ale le la anu barɛ. Yɛhoyasin ya den-kei mɔgɔ wɔrɔnfila sɔrɔn, Siyalitiyɛli wo,

1 Ko-Kɔrɔta-Karan 3:19

Yɛhoyasinla den Pɛdaya ya den-kei mɔgɔ fila sɔrɔn, Sarababulu anubɛ Simayi. Sarababulu ya den-kei mɔgɔ fila sɔrɔn, Mɛsulam anubɛ Hananaya. Dunmusi fanan taranta a bolo. Wo tɔgɛ le Sɛlomiti.

2 Ko-Kɔrɔta-Karan 6:6

Kɔnɔ kaka, a ara Yerusalɛm soe yabɔ, wo si a bato kan min. Wo kɔma, a ya n fa Mansa Dawuda yabɔ ka a sigi mansayɛ la ata mɔgɛnu kun na.”

Ɛsira 10:18

Sibolo-gbɛrɛkɛ-musi ye saraka-masɔlɛ minnu bolo, wonu tɔgɛ le kɛnu na. Yɛhosadakila den Saraka-Masɔla Yɛsuwa wo, anubɛ a na-kelen-nyɔgɔ mɔgɔ nanɛ, Meyaseya anubɛ Ɛliyesa anubɛ Yaribu anubɛ Kɛdalaya.

Ɛsira 10:20

Ka bɔ Imɛri kebilɛ rɔ, Hanani anubɛ Sebadaya, wonu denu ya sibolo-gbɛrɛkɛ-musinu furu.

Ɛsira 10:21

Ka bɔ Harim kebilɛ rɔ, Meyaseya wo, Ilaya wo, Sɛmaya wo, Yɛhiyɛli wo, anubɛ Yusaya, wonu denu ya sibolo-gbɛrɛkɛ-musinu furu.

Ɛsira 10:22

Ka bɔ Pasura kebilɛ rɔ, Ɛleyowenayi wo, Meyaseya wo, Sumanyila wo, Natanɛli wo, Yosabadi wo, anubɛ Elesa, wonu denu ya sibolo-gbɛrɛkɛ-musinu furu.

Ɛsira 2:2

Minnu sɛgira, wonuna kun-tiginu tɔgɛ le kɛnu na, Sarababulu wo, Yɛsuwa wo, Nihɛmaya wo, Sɛraya wo, Riyɛlaya wo, Mɔdekɛyai wo, Belesan wo, Misipari wo, Begifeyai wo, Rihum wo, anubɛ Beyana. Kebilɛ minnu sɛgira ka bɔ biralɛ rɔ anubɛ min bɔra kebila kelen-kelan bɛɛ rɔ, wo yatɛ le kɛnu na tala.

Ɛsira 3:8

Isirɛla mɔgɛnu ke Yerusalɛm wo san kelen karɛ kelen tenbinɛ, a karɛ fila nyɔgɛ ma, anu ya Bato-Bon-sɔɛ dabira. Silatiyɛlila den Sarababulu wo, Yɛhosadakila den Yasowa wo, saraka-masɔlɛnu wo, Lifayinu wo, anubɛ mɔgɔ-birani-kɔrɔ-toe minnu nara Yerusalɛm soe burɔ, anu dama ya wɔlɛ dabira. Lifayi kei min bɛɛsi sɔrɔn ara ke san mogan rɔ ka tenbi wo la, anu ya wonu ma Mari Bato-Bon-kumafɛlɛnnɛnu na.

Ɛsira 5:2

Silatiyɛlila den Sarababulu anubɛ Yɛhosadakila den Yasowa ya anuna kumɛ lamɔɛn tumɛ min, anu donta Bato-Bon-sɔɛ rɔ tun. Nɛbi mɔgɔ filɛ wonu fanan tugunta anu na wɔlɛ wo rɔ.

Nihɛmaya 12:1

Saraka-masɔlɛ anubɛ Lifayi minnu sɛgira Siyalitiyɛlila den Sarababulu anubɛ Saraka-Masɔla-Kun-Tigi-Wɛ Yasowa fɛ ka bɔ biralɛ rɔ, wonu tɔgɛ le kɛnu na. Sɛraya wo, Yɛrɛmaya wo, Ɛsira wo,

Nihɛmaya 12:8

Lifayi minnu bi baraka-bira-bɛti bɔ koe kun na, wonu tɔgɛ le kɛnu na, Yɛsuwa wo, Binuwai wo, Kadamiyɛli wo, Sɛrɛbaya wo, Yuda anubɛ Matanaya.

Yaburi 78:68

A ya Yuda bɔnsɔn yabɔ, a diyana-so Yerusalɛm ye kan min, kɔni.

Bɔ-Koe-Iyipiti 27:1

“Wo ni saraka-mintan-tinɛ ladan akasiya kɔlɔma la. A sɔɛ ni ma nunkan-nya sawa la. Ala yanyɛ ni ma nunkan-nya loli la, a kɔnɛ ni ma nunkan-nya loli la. A tɔnkɔn nanɛ bɛɛsi ra ni kɛnya bɛrɛtɛ!

Hegayi 1:1

Pasiya nyamanɛ donta Mansa Dariyasi bolo, wo san kelen a fila nyɔgɛ, a karɛ wɔrɛ, tele fɔlɛ ma, Mari ya sarakanɛ kɛ don nde Nɛbi Hegayi bolo wo wati rɔ ka a fɔ Yuda nyamani-tigi anubɛ saraka-masɔla-kun-tigi-wɛ ye. Nyamani-tigi wo tɔgɛ le Sarababulu. A fa tɔgɛ le Siyalitiyɛli. Saraka-masɔla-kun-tigi-wɛ wo fanan tɔgɛ le Yasowa. A fa tɔgɛ le Yɛhosadaki.

Hegayi 1:12

Nyamani-Tigi Sarababulu anubɛ Saraka-Masɔla-Kun-Tigi-Wɛ Yasowa anubɛ Isirɛla mɔgɛ toenu damasi ya Mari gbiliya ka Nɛbi Hegayita kuman-kan bira iko Mari ya a fɔ a ye nya min.

Hegayi 1:14

Mari ya nyamani-tigi anubɛ saraka-masɔla-kun-tigi-wɛ anubɛ Isirɛla mɔgɛ toe bɛɛ lakerinteya a Bato-Bon-wɔlɛ ma. Dariyasila mansayɛ san fila, a karɛ wɔrɛ, tele mogan-ni-nanɛ ma, Isirɛla mɔgɛnu ya anuta Mari Alla Sɛnbɛ-Bɛɛ-Tigita Bato-Bon-sɔɛ dabira wulɔn.

Hegayi 2:21

“A fɔ Yuda Nyamani-Tigi Sarababulu ye ko n si san-kole anubɛ dugu-kole layɛrɛyɛrɛn!

Hegayi 2:23

Wo tele wa ke tumɛ min, nta wɔli-kɛlɛ Sarababulu si ma nta mansa-yabɔnɛ la. Ale le si ma wo kun-tigi la nde, Mari ya ale min yabɔ.” Wo kɔma, Nɛbi Hegayi ya Mari kuman-kan wo latenbi Isirɛla mɔgɛnu ma.

Sakaraya 3:1

Ko-rayirɛ do fanan tɔ tun, Mari ya Saraka-Masɔla-Kun-Tigi-Wɛ Yasowa yira n na. A sɔnɛ Mari yakɔrɔ melikala muninyɛ rɔ. Setanɛ sɔnɛ ale Yasowa bolo nyimɛ wara la. Yasowa tɔgɔ-tinya-sɔgɛ ye a la anu bolo.

Sakaraya 3:8

Ile Yasowa min bi saraka-masɔla-kun-tigi-wayɛ la anubɛ i ta-nyɔgɔ-saraka-masɔlɛnu, wo ni wo tole masɔ. Ko-nyimɛ min bi nala mala yarɔ, wole le wo tamasere la. N si nta Mansa-yabɔnɛ lawuli worɔ, nta wɔli-kɛlɛ, kɔni.

Sakaraya 6:11

Anu ya sɛnɛ anubɛ wodi-gbɛ minnu ma kɔ-fan la, a ko n ni wonu nadan mansaya-fulɛ la. N ni ta wo don Saraka-Masɔla-Kun-Tigi-Wɛ Yasowa kunyɛ la, Yɛhosadakila dan, kɔni.

Yilan-Yilan Koe 28:2

“I ni Isirɛla mɔgɛnu nabila saraka-bɔ-nya la. Anu si sarakɛ bɔ nde, Mari ye a wati-latɛgɛnɛ rɔ. Ni anu ya minnu mintan nde ye, wo sumɛ si a diya don n tɔ.” Musa ya sarakanɛ kɛ latenbi Isirɛla mɔgɛnu ma iko Mari ya a fɔ a ye nya min. A ko,

Luka 3:27

Yoda fanan fa le Yowana la, Yowana fanan fa le Risa la, Risa fanan fa le Sarababulu la, Sarababulu fanan fa le Siyalitiyɛli la, Siyalitiyɛli fanan fa le Nirayi la,

Kɛlɛ-Kurugbɛnu 6:24

Kidiyɔn ya saraka-bɔ-tinɛ sɔ Mari ye. A ya a tɔgɔ sa “Yisi-kimɛ le Mari la.” (Ha bi, saraka-mintan-tinɛ wo ye Abiyɛsa bɔnsɔnnu bolo Ɔfara soe burɔ.)