Ɛsira 3:11 - ALLALA KUMƐ

¹¹ Anu ya Alla-tanto-bɛtinu bɔ ko, “Alla tanto bawo a kin, ala keninteyɛ ti ban Isirɛla mɔgɛnu bara-la habadan!” Bɛɛ ya a kuli mayɛlɛ anu sɛnbɛ la ka Mari tanto sewɛ la bawo anu bara Bato-Bon-kurukɛ-wɔlɛ laban.

Ɛsira 3:11 Iomraidhean Croise

1 Ko-Kɔrɔta-Karan 16:34

Wo ni baraka bira Mari ye bawo a si nyimayɛ kɛ, ado ala keninteyɛ dan sa mumɛ!

1 Ko-Kɔrɔta-Karan 16:41

Wo kɔma, Mansa Dawuda ya Himan anubɛ Yɛdutun anubɛ mɔgɛ donu tɔgɛ yabɔ ko anu ni mɔgɛ donu dɛnbɛ tantoli-bɛtinu bɔla Mari ye ka a tɛgɛ ata hina-wɛ ma.

2 Ko-Kɔrɔta-Karan 7:3

Isirɛla mɔgɛnu ya tɛ yen bɔla san ma min kɛ, ado Bato-Bon-burɛ lafanɛ wan-takanɛ la, anu ya anu madu dugi ma ka batoli anubɛ tantolɛ di Mari ma ko, “Wo ara a yen Mari kin nya min? Ala keninteyɛ ti ban mumɛ!”

Nihɛmaya 12:24

Hasabaya wo, Sɛrɛbaya wo, Yɛsuwa wo, Binuwai anubɛ Kadamiyɛli, mɔgɔ-dande kɛnu denu ya Lifayinu tatala kurunyɛnu ma. Kurɔn donu tenbi Alla-tanto-bɛti bɔla, kurɔn doi fanan bi a labirala. Anu bi baraka-bira-bɛtinu bɔla a ye iko Allata mɔgɛ Mansa Dawuda, ya anu nabilanɛ to nya min.

Nihɛmaya 12:40

Kurɔn minnu bi baraka-bira-sigi-sɛ la Alla ye, mabɛ wonu dama tara Bato-Bɔn yarɔ kata burɔ. Kun-tiginu bɔnɛ a la,

Yaburi 100:5

Mari nyimayanɛ le. Dan sa ala keninteyɛ la. Ata lanayɛ si to burubukai!

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 106:1

Tantolɛ ni kɛ Mari ye! Baraka bira Mari ye bawo a ye ko-nyimɛ kɛla ma ye. Ala keninteyɛ ti ban mumɛ!

Yaburi 107:1

Baraka bira Mari ye bawo a ye ko-nyimɛ kɛla ma ye. Ala keninteyɛ ti ban mumɛ!

Yaburi 118:1

Baraka bira Mari ye bawo a nyimayanɛ. Ata keninteyɛ ti ban mumɛ!

Yaburi 131:1

E, Mari, n bara n boloka nta wasinteyɛ la. N bara n kan-kɔ sɔ n nyɛrɛ-kɔrɔtɛ la. N ti nyɛrɛ-kɔndɔfili-koe ladan tun. Ko-makawani-wɛnu bɔrɔ sa n ye tun.

Yaburi 135:3

Wo ni Mari tanto ata nyimayɛla ko la. Wo ni bɛti bɔ a ye bawo a si ko-nyimɛ kɛ wo ye.

Yaburi 47:1

Mɔgɛ bɛɛ ni lɛnkɛ gbesi ka sewa. Wo ni Alla-tanto-bɛtinu bɔ wo sɛbɛ-kuna-wɛ la.

Yaburi 47:5

Alla ye tala a mayigila ata mansaya-waganɛ rɔ san ma. Mari tenbi yɛlɛla san ma, buru-kan ye bɔla, mɔgɛnu bi a lawɔyɔla.

Bɔ-Koe-Iyipiti 15:21

Miriyam ya bɛti bɔ Isirɛla mɔgɛnu ye ko, “Ma ni bɛti bɔ Mari ye kamasɔrɔn a ara nɔ-ko sɔrɔn a nyɛrɛta sɛnbɛ la. A ara kɛlɛ-dannu anubɛ anuna soeenu nato kɔgɔ-yi rɔ.”

Aiseya 12:6

Wole minnu siginɛ Yerusalɛm, wo ni wo kan mayɛlɛ bɛti bɔ tinɛ. Isirɛlata Alla makawara. A ye a mayigila ata mɔgɛnu tɛma.”

Aiseya 44:23

Wole san-kolenu, wo ni wo dɛ sa-a-rɔ sewɛ bolo! Denka-rayan-bɛnu ni anu dɛ sa-a-rɔ! Wole kɔnkɛnu, wole gbɔngbɔn-makilannɛ, wo ni wo dɛ sa-a-rɔ sewɛ bolo! Mari ya male ata Isirɛla mɔgɛnu kisi tumɛ min, a ya ata kabana-koe mayira.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Hegayi 2:3

“Mɔgɛ do si taran wo tɛma min si ke ka a miri Bato-Bɔn fɔlɔtɛ sɔ-nya ma tun, wa? Fɔlɔ nun, a kin kosɛbɛ! Kɔnɔ kɛ ye wole yala kama kaka? Kɛ mani de iko fufafuyi wole yala, wa?

Sakaraya 4:7

A ko hali fan minnu kolo iko kɔnkɛ, wo si tunu Mansa Sarababulu yarɔ yen! Wo si ma iko lɛɛ. A ko ale Sarababulu si Bato-Bɔn sɔ-kura-kɛ tun, ado ale ye Bato-Bon-kuri laban sigila tele min ma, mɔgɛnu si a fɔ ko, “Alamɛ Marita duwɛ tora a kuma.”

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Luka 1:50

Ka a bi n benba benbɛnuta wati ma ha ka yigi, min bɛɛ kilannɛ Alla la ka a sako kɛ, a si kinikini wonu ma.

Yasowa 6:16

A wɔrɔnfila nyɔgɛ, saraka-masɔlɛnu ya buri fɛ tumɛ min, Yasowa ya a fɔ mɔgɛnu ye ko, “Wo ni gbele-gbelen. Mari ara soe kɛ nɔ ma ye.”

Yasowa 6:5

Anu ni buri fɛ anu nyɔgɔn fɛ wɛ kɛ. Isirɛla mɔgɛnu ba wo lamɔɛn tumɛ min, anu ni gbele-gbelen wɛ kɛ. Soe tarɛ si bui. Kɛlɛ-dannu si don soe burɔ worɔ.”