Ɛsira 3:10 - ALLALA KUMƐ

¹⁰ Wɔli-kɛlɛnu ya Bato-Bɔn kurukɛ wati min, saraka-masɔlɛnu ya anu sɔ anu sɔ tinɛnu tɔ. Anuna burinu bi anu bolo. Anu mabɛnnɛ anuna saraka-masɔ-durukinu tɔ. Esafi kebilɛ Lifayi minnu bi nyɔ, wonu sɔnɛ anuna karanyanu na anu bolo. Anu ya Mari tanto iko Mansa Dawuda ya anu nabila nya min fɔlɔn.

Ɛsira 3:10 Iomraidhean Croise

1 Ko-Kɔrɔta-Karan 15:27

Mansa Dawuda wo, tolonnɛla kun-tigi Kɛnɛnaya wo, tolonnɛ wonu wo, anubɛ Lifayi bɔnsɔn-mɔgɛ minnu bi tɔn-kenkirɛ bila, anu dama ya duruku-ba-wɛ don anu kan na minnu nadannɛ linɛn-kura-hakikɛ la. Mansa Dawuda fanan ya linɛn fɔlɔnfalan don duruku-ba-wɛ wo kuma.

1 Ko-Kɔrɔta-Karan 16:37

Mansa Dawuda ya Esafi yabɔ anubɛ a ta-nyɔgɛ Lifayi bɔnsɔn-mɔgɛ donu alako wonu ni sɔ mɔgɛnu yakɔrɔ bato tinɛ tɔn-kenkirɛ wo siginɛ kan min. Anu si to wɔlɛ wo mala tuma-wo-tuma.

1 Ko-Kɔrɔta-Karan 16:42

Isirɛla mɔgɛnu si fɔli-fan minnu fɔ, anu tenbi tantoli-bɛtinu bɔla Mari ye, a buru wo, a karanya wo, a fɔli-fen-to wo, Himan anubɛ Yɛdutun le wonu namarala. Yɛdutunla den-keinu, wonu denu bi nyɔ-da makandan la.

1 Ko-Kɔrɔta-Karan 23:5

A ya mɔgɔ waga nani (4,000) bi alako wonu ni to kan tinɛ wo makandanna. A ya a nyɔgɔn waga nani (4,000) bi tun alako wonu ni to Mari tantola tolon-fannu na Mansa Dawuda ya minnu nadan bato-ko-wɔlɛ wola ko la.

1 Ko-Kɔrɔta-Karan 25:25

A tan-ni-segin nyɔgɛ ye Hanani kɔrɔ.

2 Ko-Kɔrɔta-Karan 35:14

Lifayinu ban soge wonu tatalala mɔgɛnu na, anu ya anuta niyi bi anubɛ saraka-masɔlɛ minnu bɔra Aruna kegeyɛ rɔ, ado ka a bi sɔgɔma ha wurɛ la, saraka-masɔlɛnu nyagbanɛ telenta sarakɛnu anubɛ saraka-soge wonu kɛɛnnu mintan la.

2 Ko-Kɔrɔta-Karan 35:15

Fɔli-kɛlɛ minnu bɔra Esafi kebilɛ rɔ, wonu ya anuta sɔ tinɛnu bi iko Mansa Dawuda ya a fɔ anu ye nya min nun, Esafi anubɛ Himan anubɛ Yɛdutun, kɔni.

Ɛsira 2:41

Bato-Bɔn fɔli-kɛlɛ minnu sɛgira, wonu yatɛ bɛnta mɔgɔ kɛmɛ ani mɔgɔ mogan-ni-segin (128) ma. Anu benba tɔgɛ le Esafi.

Ɛsira 5:16

Anu ko woletɔ Sɛsabasa nara Bato-Bɔn kurukɛ. Ka a bi wulɔn ma ha kaka, anu bi Bato-Bon-sɔ-ko-wɔlɛ la kɔnɔ a ma ban bɛ.

Yaburi 150:5

Wo ni karanya-dɔgɔmɛ bi a tanto tinɛ. Wo ni karanya-kinamɛ bi a tanto tinɛ.

Hegayi 2:15

Mari ko, “Ha bi, wo ma a nya-yen bɛ, wa? Yanni wo ni don Mari Bato-Bɔn kɛ sɔɛ rɔ,

Sakaraya 4:10

A ko hali mɔgɛnu yisi tinyanta Bato-Bon-ko-wɔlɛla ko la bawo a sa tala yarɔ tiriya kɔnɔ anu ba a yen, a kun bara don Sarababulu bolo, anu si sewa dɔgɔma-ma-de!

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Sakaraya 4:7

A ko hali fan minnu kolo iko kɔnkɛ, wo si tunu Mansa Sarababulu yarɔ yen! Wo si ma iko lɛɛ. A ko ale Sarababulu si Bato-Bɔn sɔ-kura-kɛ tun, ado ale ye Bato-Bon-kuri laban sigila tele min ma, mɔgɛnu si a fɔ ko, “Alamɛ Marita duwɛ tora a kuma.”

Sakaraya 6:12

A ko n ni ale Mari Sɛnbɛ-Bɛɛ-Tigita kumɛ latenbi Yasowa ma ko mɔgɔ kelen bi nala anu bi min kelela ko Kɔlɔma-Bolɔn. Wo si a matii ka Bato-Bɔn sɔ ale Mari ye.

1 Samuwɛli 22:18

Woletɔ Mansa Sɔli ya a fɔ Dowɛgi ye ko, “Nba, ile ni anu faga.” Idɔm kɛ Dowɛgi, wo ya a ya-lamunun anu na ka anu dama faga. Wulɔn tele rɔ, Dowɛgi ya saraka-masɔla mɔgɔ bi-segin ani mɔgɔ loli (85) faga a bɛnnɛ minnu ni saraka-masɔ-fɔlɔnfalan wo don.