Ɛsira 2:70 - ALLALA KUMƐ

⁷⁰ Saraka-masɔlɛnu wo, Lifayinu wo, anubɛ a mɔgɛ toe donu sigira Yerusalɛm soe anubɛ ala foolɛ rɔ. A fɔli-kɛla wo, a Bato-Bon-kandanni wo, a Bato-Bonna-wɔlila wo, wonu sigira so-gbɛrɛkɛnu tɔ nyɔla foolɛ rɔ. Isirɛla mɔgɛ toenu sigira anu benba so-kɔrɛnu tɔ.

Ɛsira 2:70 Iomraidhean Croise

2 Mansɛnu 7:10

Anu bɔra nyɔ ka sɛgi Samariya. Anu ke soe tarɛ-don-dɛ ma, anu ya anu kan nakɛ tara-kandannɛnu ma. Anu ya a fɔ wonu ye ko, “Ma bɔ-san le Siriyanuna dagɛ rɔ. Ma ma mɔgɛ yen nyɔ, ado ma ma mɔgɔ kan namɔɛn nyɔ. Anuna soeenu anubɛ anuna sofɛlɛnu, anu ma wonu denu fan fulen. Anuna fani-bɔnnu bi anu gbɛ rɔ yiri, iko anu ya anu to nya min.”

1 Ko-Kɔrɔta-Karan 11:2

Kebi Mansa Sɔli ye a kɛndɛ la wati min, ile le sɔnɛ ma yarɔ kɛlɛ rɔ, ado mata Mari Alla ara ban lanyiri kirila i ye ko ile le ye sɔla male yarɔ ka ma mala mansɛ la.”

1 Ko-Kɔrɔta-Karan 9:2

Mɔgɔ fɔlɔtɛ minnu fɔlɔn sɛgira anu halala-dugi anubɛ anuna soenu tɔ, wo le saraka-masɔlɛnu anubɛ Lifayinu anubɛ Bato-Bon-wɔli-kɛlɛ donu anubɛ Isirɛla mɔgɛ donu.

Ɛsira 2:1

Kebi Mansa Nɛbukanasa tara mɔgɛ kɛnu na Babilɔn nyamanɛ rɔ, anu tora biralɛ le tɔ ha Mansa Sairasi ya anu hɔrɔya wati min. Anu mɔgɔ-siyaman nara to sɛgila wati wo le tɔ Yerusalɛm soe burɔ anubɛ Yuda nyamani-toe rɔ. Bɛɛ tara a halala-so rɔ.

Nihɛmaya 7:73

A saraka-masɔla wo, a Lifayi wo, a Bato Bon makandanna wo, a sigi-sala wo, a Bato-Bonna-wɔlila wo, a mɔgɔ-gbɛrɛ wo, a Isirɛla mɔgɛ toenu wo, a bɛɛ tara ata so rɔ Yuda nyamanɛ rɔ.