Ɛsira 2:68 - ALLALA KUMƐ

⁶⁸ Mɔgɔ-birani-kɔrɛ wonu kenɛ Yerusalɛm, Mari Bato-Bɔn sɔnɛ kan min nun, anu kebila-kunyɛ donu ya hɛniki-sarakɛ bɔ alako anu ni Bato-Bɔn sɔ-kurɛ-kɛ tun a sɔ-gba-kɔrɛ rɔ.

Ɛsira 2:68 Iomraidhean Croise

1 Ko-Kɔrɔta-Karan 21:18

Melika ya a fɔ Nɛbi Kadi ye ko a ni ta a fɔ Mansa Dawuda ye ko a ni ta saraka-mintan-tinɛ ladan Mari ye Arɔnala gbere-kole ma.

1 Ko-Kɔrɔta-Karan 22:1

Woletɔ Mansa Dawuda ya a fɔ ko, “Gbere-kole kɛ si ma Mari Alla Bato-Bɔn sɔ tinɛ la anubɛ Isirɛla mɔgɛnuna saraka-mintan-tinɛ.”

2 Ko-Kɔrɔta-Karan 3:1

Mansa Silamɛni fa Mansa Dawuda ara Bato-Bɔn sɔ tinɛ rabɛn nun. Nyɔ ye gbere-koloyɛ le la Yɛbusi do bolo min tɔgɛ Arɔna. Kan tinɛ kɛ ye Muraya kɔnkɛ le kuma Yerusalɛm soe burɔ, ado Mari ya a nyɛrɛ yira Mansa Dawuda la nyɔ le. Mansa Silamɛni ya Bato-Bon-sɔɛ dabira

Ɛsira 2:67

Anu tara nyomɛ minnu na anu bolo, wonu yatɛ bɛnta kɛmɛ nani, bi-sawa ani loli (435) ma. Anu tara sofɛlɛ minnu na, wonu yatɛ bɛnta waga wɔrɔ, kɛmɛ wɔrɔnfila ani mogan (6,720) ma.

Ɛsira 2:69

Anu ya anu se koe kɛ wɔlɛ kɛla ko la. Anu ya sɛnɛ min bɔ wɔlɛ wola ko la, wola gbiliyɛ anubɛ fui-fan bɔrɔ wɔrɔnfilata gbiliyɛ rakɛn de! Anu ya wodi-gbɛ min bɔ, wola gbiliyɛ anubɛ fui-fan bɔrɔ bi-nanita gbiliyɛ rakɛn de! Anu ya duruku-ba kɛmɛ labɔ saraka-masɔlɛnuna ko la.

Ɛsira 3:3

Isirɛla mɔgɛnu ya mɔgɛ minnu taran sigini nyɔ, hali anu kilannɛ mɔgɛ wonu na, anu ya saraka-mintan-tinɛ ladan Mari ye a gba-kɔrɛ rɔ. Anu ban wo sɔla, anu ya sɔgɔma ani wurala-saraka-mintantɛnu-bɔɛ dabira.

Ɛsira 9:9

Hali ma ye yɔɔnyɛ rɔ, i ma nyina ma ko. I ya a ma, ma diyara Pasiya mansɛnu ye kɔikɔi! Anu ya ma to ma niyi la ka ma masara alako ma si ke i Bato-Bɔn sɔla nya min, ado Bɔn wo ara tii nun mɛmɛ! I ya a ma, ma sigira Yuda anubɛ Yerusalɛm ma fanbolo fanan.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Bɔ-Koe-Iyipiti 25:2

“A fɔ Isirɛla mɔgɛnu ye ko anu ni na n kɔ-fannu na n ye. Mɔgɛnu ba minnu di n ma anu yisi-sewanɛ la, i si wonu bira anu bolo nde ye.

Bɔ-Koe-Iyipiti 35:21

ka ta anuna kɔ-fannu bi tinɛ, Mari kɔ-sɔgɛ ya minnu bira, kɔni. Anu nara wonu na Marita Fani-Bɔn-wɔlɛla ko la anubɛ saraka-masɔlɛnuna makiri-fannu.

Bɔ-Koe-Iyipiti 35:29

Mari ya min bɛɛsi fɔ ata wɔlɛla ko la Musa ye, Isirɛla mɔgɛnu nara wonu na. Kei wo, musi wo, anu ya anuna fen-bɔɛ kɛ anu yisi-sewanɛ la Mari ye.

Bɔ-Koe-Iyipiti 36:3

Isirɛla mɔgɛnu nara Fani-Bon-miran minnu na, Musa ya wonu don boloma-wɔli-kɛlɛ wonu bolo. Hali wo, Isirɛla mɔgɛnu tora tala anuna kɔ-fannu na Musa wara sɔgɔma-wo-sɔgɔma.

2 Kɔrɛnti 8:12

Ni fen bi wo bolo min ni-sɔgɛ ye wo la, Alla si sɔn wola kɔ-fan wo la iko wo bole danta kan min. Fan min sa wo bolo, wo sɛ sa wo ye.

2 Kɔrɛnti 8:3

Tonyɛ le. Anu ya nilɛ kɛ iko anu sɛnbɛ ye nya min, hali min tenbira wo la. Mɔgɔ ma anu fɔrɔsɛ. Anu ya wo kɛ anu nyɛrɛ ma le.

2 Kɔrɛnti 9:7

Bɛɛ ni kɔlɛ kɛ worɔ iko a ara a miri a burɔ nya min. A kana kɔli kɛ yisi-magboyɛ la. A kana kɔli kɛ bawo anu bi i lagbengbenna. Mɔgɛ min bi fan dila a sewanɛ, wo le di Alla ye.