Ɛsira 2:61 - ALLALA KUMƐ

^61-62 Saraka-Masɔla Habaya wo, Saraka-Masɔla Hakɔsi wo, anubɛ Saraka-Masɔla Basilayi, anu kegeyɛnu bakuri sɛbɛnɛ kan min, anu ma ke wo yenna. (Basilayi kɛ wo ya musi do furu Basilayi kebilɛ rɔ. Musi wo benba bɔra Kaliyadi nyamanɛ rɔ. A ya ala musi wo kebila tɔgɛ bi ko Basilayi. Wo le tɔgɔma ye saraka-masɔya-kebilɛ kɛ la.) Anu ma anu bakuri lɔn min kɛ, anu ma sɔn mɔgɔ sawɛ kɛnu kegeyɛ ni saraka-masɔ-wɔlɛ kɛ.

Ɛsira 2:61 Iomraidhean Croise

2 Samuwɛli 17:27

Mansa Dawuda kera Mahanayim soe burɔ tumɛ min, anu ya Nɛhasila den Amon Mansa Sobi taran nyɔ min bɔra Raba soe burɔ. Anu bɛnta Amiyɛlila den Makiri la min bɔra Lodiba soe burɔ. Anu bɛnta Basilayi fanan na min bɔra Rokɛlim soe burɔ Kaliyadi nyamanɛ rɔ.

1 Mansɛnu 2:7

“Kɔnɔ i ni ila keninteyɛ yira Basilayila dannu na minnu siginɛ Kaliyadi nyamanɛ rɔ. N ya n buri i kɔrɔ Abasalɔm kɔrɔ tumɛ min, wonu denu ya n tabira a kilɛ fɛ. Woletɔ i ni i hɛnkili to wonu ko.

1 Ko-Kɔrɔta-Karan 24:10

A wɔrɔnfila nyɔgɛ le Hakɔsi la. A segin nyɔgɛ le Abaya la.

Nihɛmaya 3:4

Yurayala den Mɛrɛmoti, Hakɔsi mamanɛ, kɔni, wo le ya nyɔ-tatugunnɛ sɔ. Bɛrɛkayala den Mɛsulam, Mɛsɛsabɛli mamanɛ, kɔni, wo le ya nyɔ-tatugunnɛ sɔ. Beyanala den Sedoki ya nyɔ-tatugunnɛ sɔ.