Ɛsira 10:9 - ALLALA KUMƐ

⁹ Yanni tele sawa wo ni ban, san wo karɛ kɔnɔntɛ, a tele mogan ma, kei min bɛɛsi ye Yuda anubɛ Bɛnyamɛ nyamanɛnu tɔ, wonu dama nara bɛn Bato-Bon-kata burɔ. Bandɛ ye nala biribiri! Mɔgɛ wonu tora yɛrɛyɛrɛnna kimɛ bolo, ado anu bi yɛrɛyɛrɛnna fanan ka a tɛgɛ ladɛn wo mankan ma.

Ɛsira 10:9 Iomraidhean Croise

Ɛsira 10:10

Saraka-Masɔla Ɛsira ya a sɔ ka a fɔ ko, “Wo ara ma telenbɛlɛnu na Alla yala ka a tɛgɛ wola furu-nyɔgɔnyɛ ma wobɛ sibolo-gbɛrɛnu tɛma. Wo ara a ma, Isirɛla mɔgɛ bɛɛ ara yulumu sɔrɔn.

Ɛsira 10:3

Ma dama ni lanyiri kiri Alla ye gben ko ma si ma ban musi kɛnubɛ anuna dannu na ka anu gben. Ma si a ma iko ile Ɛsira anubɛ i ta-nyɔgɛ Allata-tɔn-lɔnnɛnu bi a fɔla ma ye nya min. Ma si a ma iko Allata tɔn ye a fɔla ma ye nya min.

Ɛsira 10:8

Ni min ma na yanni tele sawa kɔrɔ, anu si wo bolo-fan bɛɛ toronde a la iko mɔgɔ-banu bara a latɛgɛ nya min. Wo kɔma, wo tigi ma si gboya.

Ɛsira 9:4

N tora sigini nyɔ ha wurala-saraka-bɔ-wati. Mɔgɛnu nara anu kinki n na, katarala minnu bara kilan ka a tɛgɛ Alla ara min fɔ mɔgɔ-birani-kɔrɛ wonuna hakɛla ko rɔ.

Ɛsita 2:16

Sakasila mansayɛ san wɔrɔnfila nyɔgɛ, karɛ tan ma, anu tara Ɛsita to Mansa Sakasi ma karɛ wo le la. Karɛ wo tɔgɛ le Tibɛti.

Yɛrɛmaya 10:10

Kɔnɔ a tora ile Mari le kelen petɛ ma, ile Alla kelen pe le ye min bi mansayɛ la tolon! I wa diminya, duninya mumɛ ra si maga. Mɔgɔ-wo-mɔgɔ ti ke ila fondo-bɔɛ rakɔnɔna.

Yɛrɛmaya 10:13

A nɛn-naban kumala, bandɛ si tugu. A si a ma, banda-yi la ni dɛn dagɛ rɔ ka bɔ duninya kan-tinɛ bɛɛ rɔ. A si san-sɛran anubɛ bandɛ lana. A si fɔnyɔ labɔ ala fɔn-barɛnu tɔ.

Yɛrɛmaya 36:22

Wo bɛnta dafere-kimɛ le ma. Mansɛ siginɛ tɛ fɛ, a ye a gbalala.