Ɛsira 10:4 - ALLALA KUMƐ

⁴ A ye wole ma gbɛ! Wo ya ko-wo-ko ma, ma ye wo fɛ, yɔ! Wo ni wo sɛbɛ don ka wo kerinteya.”

Ɛsira 10:4 Iomraidhean Croise

1 Ko-Kɔrɔta-Karan 22:19

Wo ni wota Mari Allata wɔlɛ kɛ wo yisi bɛɛ la. Wo ni Bato-Bon-sɔɛ dabira. Wo wa wo laban tumɛ min, wo si Marita tɔn-kenkirɛ anubɛ fen-sɛnima-toenu nadon a burɔ wo ye a batola minnu na.”

1 Ko-Kɔrɔta-Karan 28:10

Wo le, ile ni a lɔn ko Alla le nyɛrɛ-nyɛrɛ ya ile yabɔ ko i ni ata Bato-Bon-sɛnimɛ sɔ a ye. Woletɔ kaka, i ni i sɛbɛ don ka i wakila wɔlɛ kɛ ma.”

1 Ko-Kɔrɔta-Karan 28:20

Mansa Dawuda ya a fɔ ala den Silamɛni ye ko, “I kerinteya ka i yisi gbɛlɛya. I ni wɔlɛ dabira. Fenfen kana ila wɔlɛ tinya. Nde ye nta Mari Alla min sako kɛla, wo si to i fɛ, ado a ti i boloka muk! Ka tenbi wo la, a ti bɔ i fɛ Bato-Bɔn sɔ-ko-wɔlɛ kɛ rɔ.”

1 Ko-Kɔrɔta-Karan 28:21

Saraka-masɔlɛ anubɛ Lifayi bɔnsɔn-mɔgɛ toenu sɔnta anuta wɔlɛ ma Alla Bato-Bɔn burɔ. Boloma-wɔli-kɛlɛ minnu kusan, wonu tabɛnnɛ i dɛnbɛn-koe ma. Nyamanita-mɔgɛnu anubɛ anuna kun-tiginu tabɛnnɛ ka ita kumɛ bira Bɔn sɔ-koe kɛ rɔ.

Ɛsira 10:5

Woletɔ a saraka-masɔ-kun-tigi wo, a Lifayi wo, anubɛ Isirɛla mɔgɔ-to wo, nde, Ɛsira ya a ma, anu dama ya anu keli Alla ye ko anu si a ma iko Sɛkanaya ya a fɔ nya min nun.

Makawandili Kumɛnu 9:10

Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Maraka 13:34

A si ma iko kei min bɔra a warɛ ka ta tagama rɔ. Wo ya ala wɔli-kɛlɛnu to ala bɔn kun na. A ya wɔlɛ to anu kelen-kelennamɛ-bɛɛ bolo. A ya a fɔ da-kandannɛ ye ko a ni a yɛ lakalan.

Hiburunu 10:24

Ma ni ma hɛnkili lamiri ma si ke ma nyɔgɔn kenina nya min anubɛ ma si ma nyɔgɔn dɛnbɛ nya min ko-nyima-kɛ-tinɛ.