Ɛsira 10:18 - ALLALA KUMƐ

¹⁸ Sibolo-gbɛrɛkɛ-musi ye saraka-masɔlɛ minnu bolo, wonu tɔgɛ le kɛnu na. Yɛhosadakila den Saraka-Masɔla Yɛsuwa wo, anubɛ a na-kelen-nyɔgɔ mɔgɔ nanɛ, Meyaseya anubɛ Ɛliyesa anubɛ Yaribu anubɛ Kɛdalaya.

Ɛsira 10:18 Iomraidhean Croise

Ɛsira 10:17

Yanni karɛ sawɛ ni ban tumɛ min, sibolo-gbɛrɛkɛ-musi ye minnu bolo, anu bara ban wonu fɛ-gbengbenna.

Ɛsira 2:2

Minnu sɛgira, wonuna kun-tiginu tɔgɛ le kɛnu na, Sarababulu wo, Yɛsuwa wo, Nihɛmaya wo, Sɛraya wo, Riyɛlaya wo, Mɔdekɛyai wo, Belesan wo, Misipari wo, Begifeyai wo, Rihum wo, anubɛ Beyana. Kebilɛ minnu sɛgira ka bɔ biralɛ rɔ anubɛ min bɔra kebila kelen-kelan bɛɛ rɔ, wo yatɛ le kɛnu na tala.

Ɛsira 2:36

Saraka-masɔlɛnuta kebilɛ minnu nara ka bɔ biralɛ rɔ, wonu yatɛ le kɛ la tala. Saraka-Masɔla Yɛdaya min bɔra Yɛsuwa bɔnsɔn rɔ, wo kebilɛ minnu sɛgira, wonu yatɛ bɛnta mɔgɔ kɛmɛ kɔnɔntɔ, mɔgɔ bi-wɔrɔnfila ani mɔgɔ sawa (973) ma.

Ɛsira 3:2

Yɛhosadakila den Yasowa wo, a ta-nyɔgɔ-saraka-masɔlɛnu wo, Siyatiyɛlila den Sarababulu wo, Sarababulu na-kelen-nyɔgɛnu wo, wonu ya Isirɛlata Allata saraka-mintan-tinɛ ladan. Anu ya wo ladan alako anu ni ke saraka mintanna a kuma iko Allata mɔgɛ Nɛbi Musa ya a sɛbɛ tɔn-buku rɔ nya min nun.

Ɛsira 3:8

Isirɛla mɔgɛnu ke Yerusalɛm wo san kelen karɛ kelen tenbinɛ, a karɛ fila nyɔgɛ ma, anu ya Bato-Bon-sɔɛ dabira. Silatiyɛlila den Sarababulu wo, Yɛhosadakila den Yasowa wo, saraka-masɔlɛnu wo, Lifayinu wo, anubɛ mɔgɔ-birani-kɔrɔ-toe minnu nara Yerusalɛm soe burɔ, anu dama ya wɔlɛ dabira. Lifayi kei min bɛɛsi sɔrɔn ara ke san mogan rɔ ka tenbi wo la, anu ya wonu ma Mari Bato-Bon-kumafɛlɛnnɛnu na.

Ɛsira 5:2

Silatiyɛlila den Sarababulu anubɛ Yɛhosadakila den Yasowa ya anuna kumɛ lamɔɛn tumɛ min, anu donta Bato-Bon-sɔɛ rɔ tun. Nɛbi mɔgɔ filɛ wonu fanan tugunta anu na wɔlɛ wo rɔ.

Ɛsira 9:1

Kɛ dama kanɛ a la, Isirɛla mɔgɔ-ba donu nara a fɔ n ye ko, “A saraka-masɔla wo, a Lifayi wo, a Isirɛla mɔgɔ wo, anu do-wo-do ma sɔn sibolo-gbɛrɛnu masangbala minnu bi mala foolɛ rɔ. Anu taranta basanna Amon kɛnu anubɛ Mohabu kɛnu anubɛ Iyipiti kɛnu na. Kenannu wo, Hɛtinu wo, Perasanu wo, Yɛbusinu wo, anubɛ Amoranu, anu taranta basanni wonu na, ado anu bi kisimiriya-koenu mala iko mɔgɛ wonu bi a mala nya min.

Ɛsira 9:2

Isirɛla keinu bi musinu furula sibolo-gbɛrɛ kɛnu tɔ. Anu ya wo ma min kɛ, wo le wara a ma, male Allata mɔgɛnu na ara tinya, ado kun-tiginu anubɛ mɔgɔ-banu denu fɔlɔn ya ko-yogomɛ-kɛ dabira.”

Nihɛmaya 12:10

Yasowa ya Yoyakim sɔrɔn. Yoyakim ya Ilayasibu sɔrɔn. Ilayasibu ya Yoyada sɔrɔn.

Nihɛmaya 13:28

Saraka-Masɔla-Kun-Tigi-Wɛ Ilayasibula dan le Yoyada la. Yoyada kɛla den-keminɛ ya Sanbalatila dunmusi do furu Bɛti-Hɔrɔn soe burɔ. N ya Yoyadala dan gben Yerusalɛm soe burɔ bawo Sanbalati anubɛ ala dunmusi, Yahudiya ma wonu na.

Nihɛmaya 8:4

Ɛsira sɔra bɛndɛ kuma. Wo ladanta wulɔn tele lela ko la. Mɔgɔ wɔrɛ minnu sɔra a bolo-nyimɛ wara la bɛndɛ wo kuma, wonu tɔgɛ le kɛnu na, Matetaya wo, Sɛma wo, Anaya wo, Yuraya wo, Helikaya wo, anubɛ Meyaseya. Mɔgɔ wɔrɔnfilɛ minnu sɔra a bolo-maran wara la bɛndɛ wo kuma, wonu fanan tɔgɛ le kɛnu na, Pɛdaya wo, Misiyɛli wo, Malakiya wo, Hasum wo, Hasibadena wo, Sakaraya wo, anubɛ Mɛsulam.

Nihɛmaya 8:7

Wo kɔma, anu ya anu nasɔ. Yɛsuwa wo, Bani wo, Sɛrɛbaya wo, Yamin wo, Akubu wo, Sabɛtayi wo, Hodaya wo, Meyaseya wo, Kɛlaita wo, Asaraya wo, Yosabadi wo, Henan wo, anubɛ Pɛlaya, Lifayi kɛnu denu ya Allata tɔn wonu natenbi mɔgɛnu ma. Wo kɔma, anu ya tɔn wo fɛsɛfɛsɛ anu ye ka a kɔrɛ fɔ anu ye alako anu ni a nya-yen.

Yɛrɛmaya 23:10

Minnu telenni ma Mari ye, mala nyamanɛ lafanɛ wonu denu na pen! Anu bi karagbɛlɛyɛ le kun na tolon! Anu bara anuna sɛnbɛnu bɔrɔbɔ. Ka a tɛgɛ Marita dankɛ ma, dugi ye kurunna. Kolo-fen de-nyini-tinɛnu bara gbala.

Yɛrɛmaya 23:11

Mari ko nɛbinu anubɛ saraka-masɔlɛnu bara kisimiriya-koe dan-natenbi. A ko hali a nyɛrɛta Bato-Bɔn, a ara anu bira sɔn-yogoyɛ la nyɔ.

Yɛrɛmaya 23:14

Kɔnɔ nɛbi minnu bi Yerusalɛm, wonuna sɔn-yogoyɛ tenbira Samariya kɛnutɛ la. Anu sa fenfen kun na fɔ yɛlɛnyɛ anubɛ foninya-fɔɛ. Anu sa fenfen kun na fɔ ka mɔgɛnu nadon ko-yogoma-kɛ rɔ. Mɔgɔ-wo-mɔgɔ sa nyɔ min si a fara ko-yogoma-kɛ la. Mari ko anu yogo a yala iko mɔgɛ minnu siginɛ Sɔdɔm anubɛ Kɔmɔra soenu burɔ nun.

Isikiyɛli 44:22

Saraka-masɔla fenfen kana musi furu min bara bɔ kei-gbɛrɛkɛ bolo. Fɔ a ni Isirɛla sunkurun-nasolonɛ furu, ni wo ma, saraka-masɔlɛ dola musu-tonɛ.

Saraka-Masɔlɛnuta Tɔnnu 21:7

Mari ko saraka-masɔla wo saraka-masɔla kana musi-yɛlan furu, ni wo ma, musi min bara kei-koe lɔn, anubɛ yili-bɔ-musi bawo wole saraka-masɔlɛnu sɛninyanɛ de!

Hegayi 1:1

Pasiya nyamanɛ donta Mansa Dariyasi bolo, wo san kelen a fila nyɔgɛ, a karɛ wɔrɛ, tele fɔlɛ ma, Mari ya sarakanɛ kɛ don nde Nɛbi Hegayi bolo wo wati rɔ ka a fɔ Yuda nyamani-tigi anubɛ saraka-masɔla-kun-tigi-wɛ ye. Nyamani-tigi wo tɔgɛ le Sarababulu. A fa tɔgɛ le Siyalitiyɛli. Saraka-masɔla-kun-tigi-wɛ wo fanan tɔgɛ le Yasowa. A fa tɔgɛ le Yɛhosadaki.

Hegayi 1:12

Nyamani-Tigi Sarababulu anubɛ Saraka-Masɔla-Kun-Tigi-Wɛ Yasowa anubɛ Isirɛla mɔgɛ toenu damasi ya Mari gbiliya ka Nɛbi Hegayita kuman-kan bira iko Mari ya a fɔ a ye nya min.

Hegayi 2:4

Ile Sarababulu, i kana hɔn. N bi i fɛ. Saraka-Masɔla-Kun-Tigi-Wɛ Yasowa, i sɛbɛ don. Wole Isirɛla mɔgɛ bɛɛsi, wo ni wo sɛbɛ don ka wo raya.

Sakaraya 3:1

Ko-rayirɛ do fanan tɔ tun, Mari ya Saraka-Masɔla-Kun-Tigi-Wɛ Yasowa yira n na. A sɔnɛ Mari yakɔrɔ melikala muninyɛ rɔ. Setanɛ sɔnɛ ale Yasowa bolo nyimɛ wara la. Yasowa tɔgɔ-tinya-sɔgɛ ye a la anu bolo.

Sakaraya 6:11

Anu ya sɛnɛ anubɛ wodi-gbɛ minnu ma kɔ-fan la, a ko n ni wonu nadan mansaya-fulɛ la. N ni ta wo don Saraka-Masɔla-Kun-Tigi-Wɛ Yasowa kunyɛ la, Yɛhosadakila dan, kɔni.

1 Timoti 3:11

Anuna musinu fanan ni ma sɔn-nyima-tiginu na. Anu kana ma mɔgɔ-dan-tinyanɛnu na. Anu ni ma sɛbɛna-mɔgɛnu na ka lanayɛ kɛ koe bɛɛ rɔ.