Ɛsira 10:1 - ALLALA KUMƐ

¹ Nde, Ɛsira ye mataralɛ anubɛ diyi-kɛ kun na ka n sɔ mɔgɛ wonuna hakɛ la tumɛ min Bato-Bɔn don-dɛ la, Isirɛla mɔgɔ-siyaman nara a kinki nyɔ la, kei wo, musu wo, dennɛ wo. Wonu fanan donta diyi-kɛ rɔ anu sɛbɛ-kuna-wɛ la.

Ɛsira 10:1 Iomraidhean Croise

1 Mansɛnu 8:30

Isirɛla mɔgɛnu fanan ba anu ya-lamunun bɔn kɛ la tumɛ min, i yandi, i ni i wɔlɔ matɔlɔ anuta matarali-kɛ-kan la. I ni ma kan lamɔɛn i warɛ san-kole rɔ ka ma makoto ma hakɛ la.

1 Mansɛnu 9:3

Mari ya a fɔ a ye ko, “N bara ila matarali-kan lamɔɛn. I wara bɔn min sɔ ka a dantɛgɛ n ma, n bara sɔn ka wo ma n halalɛ la. Wo si to n batola nyɔ burubukai! N si a mafɛlɛn ka a kandan habadan!

2 Ko-Kɔrɔta-Karan 20:13

Yuda nyamanita-mɔgɛnu, a keimɛ wo, a musumɛ wo, anubɛ dennɛnu, anu bɛɛ sɔra Bato-Bɔn yarɔ.

2 Ko-Kɔrɔta-Karan 20:9

Anu ya a lɔn ko kɛlɛ wo, kiraya-fitinɛ wo, kɔnkɔ-fitinɛ wo, anubɛ ni tɔrɔya-wo-tɔrɔya ya anu taran, anu si na anu sɔ Bato-Bɔn kɛ yarɔ ka i matara, i si anuna matarali-kan lamɔɛn ka anu dɛnbɛ.

Ɛsira 10:6

Nde, Ɛsira ya n bɔ Bato-Bɔn dafɛ nyɔ ka ta ki Ilayasibala den Yɛhohanan barɛ. N ma sɔn fenfen na. Hali yi, n ma a min bawo n yisi kɔrɔtɔnɛ mɔgɔ-birani-kɔrɛ wonu sɔn-yogomɛla ko la.

Nihɛmaya 1:4

N ya wo lamɔɛn nkɛkuna, n ya n sigi ka don diyi-kɛ rɔ. Tele siyaman, n bi diyi kɛ kun na, ado fen-dɔn-sɔgɔ ma n bira. N ya Arinyɛnɛ-Tigi-Alla matara, n ko,

Nihɛmaya 1:6

I yandi, n mafɛlɛn i kolan la ka i wɔlɔ matɔlɔ nna matarali-kan la. N bi mataralɛ kɛla Isirɛla mɔgɛnu ye su-ni-tele. N bara n sɔ a la ko mabɛ Isirɛla mɔgɛnu bara hakɛ kɛ. Min sanɛ wo kuma, wo le n fata kebilɛtɛ la.

Nihɛmaya 10:28

Male Isirɛla mɔgɛ bɛɛ ara sɔn ko-dande ma. A saraka-masɔla wo, a Lifayi wo, a Bato-Bon-makandanna wo, a Bato-Bon-sigi-sala wo, a Bato-Bonna-wɔlila wo, a mɔgɛ toenu wo, ma dama ara Allala tɔn bira ka a tɛgɛ ma basan-koe la sibolo-gbɛrɛnu na. Ma ara ma fara anu na. Male keinu wo, anubɛ mala musinu, anubɛ mala dannu min bara anu hɛnkili sɔrɔn, ma damasi ara kun kan kelen ma

Nihɛmaya 8:9

Kumɛ min sɛbɛnɛ tɔn wo rɔ, anu ya wonu namɔɛn min kɛ, anu donta diyi-kɛ rɔ bawo kumɛ wonu bara anu sɔn-kunyɛ lamaga. Woletɔ Nihɛmaya min bi anu kun na anubɛ Saraka-Masɔla Ɛsira min bi tɔn-karan-mɔgɔyɛ la, anubɛ Lifayi minnu ya tɔn rakaran anu ye, wonu ya a fɔ mɔgɛnu ye ko, “Tele-sɛnimɛ le bi la mata Mari Alla ye. A ma bɛn, mɔgɔ ni di tele kɛ rɔ.

Yaburi 119:136

N ya-yi ye yigila iko bɛ bawo mɔgɛnu sa sɔnna ita tɔnnu bira-koe ma.

Yaburi 32:5

Wo kɔma, n ya n sɔ n hakɛ la i ye. N bara ko-yogomɛ minnu ma, n ma wonu dogon. N bara a latɛgɛ n burɔ ka n sɔ a bɛɛ la i ye, ado i ya n hakɛ bɛɛ makoto.

Yɛrɛmaya 13:17

Ni wo ma ale Mari kan bira, n si to dila n yisi rɔ wola wasinteyɛla ko la. N si di biribiri! N ya-yi si n ya-denkɛ lafa bawo wole, Marita mɔgɛnu si taran biralɛ rɔ.

Yɛrɛmaya 9:1

Alamɛ n kunyɛ mara iko tenke woletɔ n ya-denkɛ ra ti gbala. Ka a tɛgɛ nna mɔgɛnuna sayɛ ma, n bi diyi le kun na su-ni-tele.

Daniyɛli 9:20

N tora matarali-kɛla ka n sɔ mabɛ Isirɛla mɔgɛnu hakɛ la. N bi nta Mari Alla matarala ko a ni ata Bato-Bɔn sɔ-kurɛ-kɛ.

Hoseya 14:2

Wo sɛgi Mari ma. Wo ni matarali-su-kɛ kɛ ko, “Ma makoto ma hakɛ la ka mala matarali-kan labira. Wo kɔma, ma si i matɔgɔ iko ma ara lanyiri kiri i ye nya min.”

Sakaraya 12:10

A ko a si kinikinɛ anubɛ madiyalɛ ladon Mansa Dawuda kegeyɛnu anubɛ Yerusalɛm kɛnu yisi rɔ. Anu ya min tasɔgɔ-sɔgɔ ka a faga, anu ba wo yen anu yɛ la, anu ni na to kinikinina mɔgɛ wo ma ka di wola ko la biribiri iko anuna den kelan wa faga. Anu si di iko mɔgɔ wa foo a sarɛ la.

Matiyu 3:6

Anu ya anu sɔ anu hakɛnu na tumɛ min, a ya anu batasi Yorodan bɛ rɔ.

Luka 19:41

Yisa gbɛrɛnta Yerusalɛm soe ma tumɛ min, a ya a yen nkɛkuna, a dira ala ko la.

Kɛwɔlɛnu 10:30

Kɔniliyasi ko, “A tele-nani-nyɔgɛ le bi, kɛ-nyɔgɔn-wati le nun gben, n bi madiyali kɛla nna bɔn la tele-makima-wati kɛ rɔ. Kei do nara minna kurɛ ye malan-malanna a ma, wo sɔra n yakɔrɔ.

Kɛwɔlɛnu 21:5

Ma ya lɔgɔkun kelen ban anu fɛ tumɛ min, ma tara kulun bi tinɛ. Anu dama tara ma bila-silala kilɛ fɛ, hali anuna musinu anubɛ anuna dannu. Ma dama ya ma nyɛnkin gbele ma ka Alla matara.

Tɔn-Fɔɛ-Fila-Nyɔgɛ 31:12

Wo ni mɔgɛ bɛɛ kele kan-tina-kelen, kei wo, musi wo, dennɛnu wo, anubɛ sundan minnu siginɛ wo tɛma. Mɔgɛ bɛɛsi ni bɛn a karan rɔ woletɔ anu si wota Mari Alla gbiliya ka ata kumɛ bira.

Yasowa 7:6

Yasowa anubɛ Isirɛla mɔgɔ-banu ya anuna durukinu tafara yisi-tinyɛ bolo. Anu ya anu nyɛrɛ fɛrɛn dugu la Marila tɔn-kenkirɛ yakɔrɔ. Anu ya gbangban kɛ anu kunyɛ rɔ ka a yira ko anu bara nimisa. Anu telenta sani dugu ma gbɛn!

Yasowa 8:35

Yasowa ya tɔn wo bɛɛ karan min sɛbɛnɛ Musa bolo mɔgɛ bɛɛ yala, hali musinu anubɛ dennɛnu anubɛ anuna sundan minnu bi anu tɛma.