Bɔ-Koe-Iyipiti 9:16 - ALLALA KUMƐ

¹⁶ N bara a to a niyi la alako n ni nna sɛnbɛ mayira, woletɔ duninya-mɔgɛ bɛɛ si n tɔgɛ lɔn.

Bɔ-Koe-Iyipiti 9:16 Iomraidhean Croise

2 Samuwɛli 7:23

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn, ka ke duninya tɔnkɔn nani bɛɛ rɔ. Ila mɔgɛnu taranta tala yarɔ nya min, i tara anu yogenu gbenna anu yarɔ wo nya na le anubɛ wonuna bɛsɛnu. Ita mɔgɛ le male la, i ya minnu kunyɛ bɔ gbaran rɔ Iyipiti kɛnu bolo, kɔni.

2 Mansɛnu 19:35

Wulɔn-suyi-nyɛrɛ rɔ, Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli (185,000) faga Asiriyanu tɔ. Bandɛ kanɛ, wonu furi taranta nyɔ.

1 Ko-Kɔrɔta-Karan 16:24

Alla gbiliyanɛ nya min anubɛ a ye kabana-koe minnu mala, wo ni wonu fɔ duninya-mɔgɛ bɛɛ ye.

Nihɛmaya 9:10

I ya kabana-koenu nadan Iyipiti mansɛ kan ma ka wonu nadan Iyipiti kun-tiginu anubɛ nyamanita-mɔgɛnu kan ma. I ya wo ma le bawo i wara ila mɔgɛnuna tɔrɔya-nya yen anu bolo. I kɛ-nya le ya a ma, i ya tɔgɛ sɔrɔn, ado ha bi, i mankan ye nyɔ.

Yaburi 106:8

Kɔnɔ hali wo, a ya anu nakanan iko a ya anu yili-madiya nya min, alako a ni ata sɛnbɛ-wɛ yira anu na.

Yaburi 64:9

Anu si kilan dɔgɔma-ma-de! Anu si anu miri Alla kɛ-nya ma ka a wara-koe rakaran.

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Bɔ-Koe-Iyipiti 14:17

N si Iyipiti kɛnu yisi gbɛlɛya. Anu si wo sagaran kirindi la yi-worɔn wo la. N si gbiliyɛ sɔrɔn ale mansɛ anubɛ ala kɛlɛ-dannuta halakiyi fɛ. Iyipiti kɛnu si a lɔn yati ko nde le Mari la.”

Bɔ-Koe-Iyipiti 14:4

N si ale mansɛ yisi gbɛlɛya tun gbon! A si wo sagaran. N ba a nɔ tumɛ min, nde, Mari si gbiliyɛ sɔrɔn mansɛ anubɛ ala kɛlɛ-dannuna ko la woletɔ Iyipiti kɛnu si a lɔn ko nde le Mari la.” Isirɛla mɔgɛnu ya a ma iko Alla ya a fɔ anu ye nya min.

Bɔ-Koe-Iyipiti 18:11

N ya a lɔn kaka ko Mari kolo bɛsɛ bɛɛ ko bawo Iyipiti kɛ minnu tɛgɛnɛ Isirɛla mɔgɛnu tɔ, a ara wonu tɔrɔ kosɛbɛ!”

Bɔ-Koe-Iyipiti 9:15

A fɔ ale mansɛ ye ko n si ke n bole rasaganna le ale anubɛ ala mɔgɛnu kan ma ka kiraya-fitinɛ lagbɛlɛya anu kuma. Anu na ni to dogbe!

Bɔ-Koe-Iyipiti 9:17

Kɔnɔ ha bi, ale mansɛ wasinɛ, a sa sɔnna nna mɔgɛnu boloka-koe ma.

Hɛnkilimaya-Kumɛnu 16:4

Mari ya ko-wo-ko ma, wo ma-kɔrɛ ye nyɔ. Hali karagbɛlɛnu, a ye wonu namarala kiti-tɛgɛ-telela ko la.

Yɛrɛmaya 32:20

Kebi fɔlɔ, i taranta kabana-koenu mala Iyipiti, ado ha bi, i ye i gbɛ wo latugunna Isirɛla mɔgɛnu anubɛ sibole doinu tɛma. Wo ara a ma, mɔgɛnu bara i lɔn kan-tinɛ bɛɛ rɔ.

Isikiyɛli 39:21

Mari ya a fɔ n ye ko, “N si a ma, sibolenu ni nna gbiliyɛ yen. N si nna telenbagayɛ lata yarɔ nya min nta sɛnbɛ la, n si wo yira anu na.

Malakayi 1:11

Ka bɔ tele bɔɛ ha tele-yigi, mɔgɛnu bi ale Mari gbiliyala. A ko mɔgɛnu bi isɛnti mintanna a ye ka saraka-bɛrɛnu bɔ a gbiliya-koe la.

Malakayi 1:14

Kensuntenu bi yili-madiyɛ kɛla ko anu si na saraka-hakikɛ la ka bɔ anuna wɔrɛnu tɔ kɔnɔ yaga, anu sa nala fenfen na fɔ saraka-manyimanɛnu. Alla ko a si wo danka wola ko la. Mari ko mansa-makawanɛ le ale la. Duninya mumɛ bɛɛ ye kilanna ale le la.

Yilan-Yilan Koe 14:21

Iko n bara n keli n nyɛrɛ ma anubɛ nta gbiliyɛ min bi kan tinɛ kɛ bɛɛ rɔ nya min,

Romu 9:17

Alla ya a fɔ Iyipiti mansɛ ye ala kitabu rɔ ko a ara a ma mansɛ la alako a si ata sɛnbɛ yira a la nya min. A ya wo ma fanan alako duninya-mɔgɛ bɛɛ ni ale Alla mankan lamɔɛn.

Romu 9:22

Alla wa min ma, a ye wo nya na le. A si ala diminyɛ anubɛ ala sɛnbɛ labɔ gbɛ ma. A bɛnta, a ni minnu halaki, ni a diyara a ye, a si a mun wonu kɔrɔ.

Yasowa 4:24

Mari ya kɛ ma alako mɔgɛ bɛɛsi ni a lɔn ko sɛnbɛ-bɛɛ-tigi le ale Mari la. Woletɔ anu fanan ni to Mari Alla gbiliyala habadan!”

1 Pita 2:19

Wo ye tɔrɔyɛ min sɔrɔnna iko telenbɛlɛnu, ni wo ya wo munyu wo kɔrɔ Alla sako fɛ, a si ata duwɛ layigi wo kuma.

1 Pita 2:8

A sɛbɛnɛ Allala kitabu kan tinɛ do rɔ ko, “Mɔgɔ kin-natugu-kuri le kɛ la. Kuri kɛ si mɔgɛnu nabui.” Anu ya anu kian latugu bawo anu ma la Allala kumɛ la, ado Alla sako le wo la anu ye nun.

Yude 1:4

ado Alla-lɔnbɛlɛ donu bara basan ma la kewuyɛ la anu bolo. Anu bi a fɔla ko kinikinɛ ye Alla rɔ min kɛ, anu ba ko-sufa-bɛɛ ladan, Alla ti anu yiliki. Anu ya anu ban Yisa Kirasiti la, ma tigi anubɛ Mari kelen pe, kɔni. Anu bara yilikiyi min sɔrɔn, Allala kitabu ya wola koe fɔ kebi fɔlɔ.

1 Samuwɛli 4:8

Yon si ke male lakisila anuta Alla-makawanɛ kɛnu bolo gbɛ? Alla kɛnu denu ya tɔrɔya-fitinɛnu sigi Iyipiti kɛnu ma ka anu faga wulɛ rɔ.