Bɔ-Koe-Iyipiti 8:6 - ALLALA KUMƐ

⁶ Woletɔ Aruna ya sewuri wo rasagan Iyipiti yinu kuma. Nba, turukɔɔkɔnu yɛlɛta ka Iyipiti nyamanɛ lafa pen!

Bɔ-Koe-Iyipiti 8:6 Iomraidhean Croise

2 Samuwɛli 7:22

E, n Tigi Mari, i makawara. I nyɔgɔn sa! Ka a dabira fɔlɔ ma ha ka a sigi kaka la, ma ya i kelen pe le lɔn Alla la.

2 Ko-Kɔrɔta-Karan 6:14

A ya Alla matara, a ko, “E, Isirɛlata Mari Alla, i nyɔgɔn sa san-kole rɔ anubɛ dugu-kole ma! Minnu bi tagamana ila kilɛ fɛ anu yisi-gbɛnɛ la, i ya ila lanyiri latɔnbagaya anu ye ka ila keninteyɛ yira anu na.

Yaburi 105:30

A ya anuna nyamanɛ basan turukɔɔkɔnu denu gbansan na. Hali mansɛta bolɔn, anu bi nyɔ duk!

Yaburi 78:45

A ya yɔlɛnu nana anu yakɔrɔ-mamɔ tinɛ. A ya turukɔɔkɔnu natuntun anu ma min ya a ma, anuna nyamanɛ tinyanta.

Yaburi 86:8

E, n tigi, i rakɛn sa, ado i kolo bɛsɛ bɛɛ ko. Ha bi, mɔgɔ ma ko ma wɛ iko ile.

Yaburi 90:2

Yanni i ni duninya dan anubɛ kɔnkɛ minnu bi a rɔ, ile ye habadan-Allayɛ la, ado habadan-Alla le ile la.

Bɔ-Koe-Iyipiti 10:2

N bara ko-gbɛlɛmɛ minnu nana Iyipiti mɔgɛnu kuma ka anu kumakɔ nya min, wole si to wo fɔla wola dannu anubɛ wo mamanɛnu ye. Woletɔ wo damasi ni a lɔn ko Mari le nde la.”

Bɔ-Koe-Iyipiti 15:11

“E, Mari, nfen sifa ye duninya rɔ mɔgɛnu si min bato iko ile Mari. Yon sɛninyanɛ iko ile? Ma si i tanto ila kɛwɔli-makilannɛnuna ko la. Yon si ke kabana-koenu kɛla iko ile?

Bɔ-Koe-Iyipiti 7:19

Mari ya a fɔ Musa ye tun ko, “A fɔ Aruna ye ko a ni ala sewuri wo bi ka a rasagan Iyipiti yinu kuma, anuta bɛnu wo, yi-bolɔnnu wo, anuta dalɛnu wo, anubɛ yi minnu bi yi-dagɛnu tɔ, wonu si ma yele la. Yi siginɛ kan-bo-kan, hali a taranta yi-dagɛ le tɔ, wo bɛɛ si yɛlɛma yele la.”

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Bɔ-Koe-Iyipiti 9:29

Musa ya a fɔ a ye ko, “N ba ta soe kɔma tumɛ min, n si n bole sigi Mari ye ka a madiya. San-sɛran si ban, banda-kole ti na tun alako ile mansɛ ni a lɔn ko duninya-tigi le maleta Mari la.

Aiseya 43:10

Alla ko a sere le male Isirɛla mɔgɛnu na. A ko a ya ma yabɔ ka ma ma ata wɔli-kɛlɛnu na. Woletɔ ma si a lɔn ka la a la. Wo si a lɔn wo rɔ ko ale le kelen pe le Alla la. Alla-gbɛrɛ fenfen sa ale kɔma. Dogbɛrɛ sa nyɔ nun, ado dogbɛrɛ sa nala mala a la.

Tɔn-Fɔɛ-Fila-Nyɔgɛ 32:31

Wo yogenu ya a lɔn ko fanka sa anuta bɛsɛnu na. Anuta farɛnu mani ma iko wota Fara-Kole Mari ye nya min.

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.

Tɔn-Fɔɛ-Fila-Nyɔgɛ 4:35

Mari ya wo bɛɛsi yira wo la ka a ragbɛ wo ye alako wo ni la a la ko a kelan le Alla la. Alla-gbɛrɛkɛ sa duninya rɔ fɔ ale kelen pe.

Lankɛnimayɛ 16:13

Wo kɔma, n ya nyina-kɔsɔni sawa yen. Anu manɛ iko turugbɔfɔrɛnu. Anu bi bɔla ninkinankɛ wo, sogo-feremɛ wo, anubɛ foninya-nɛbi wonu dɛnu tɔ.