Bɔ-Koe-Iyipiti 8:18 - ALLALA KUMƐ

¹⁸ Mansɛla kofo-dannu ya anu taya ka muruntu-mɛrɛntɛnu nabɔ anuta kofo-denyɛ rɔ kɔnɔ anu ma ke wo mala. Muruntu-mɛrɛntɛ wonu tora mɔgɛnu anubɛ anuna kolo-fannu tɔrɔla.

Bɔ-Koe-Iyipiti 8:18 Iomraidhean Croise

Ko-Dabirɛnu 41:8

Kiyo wonu ya mansɛ lafili pirikali! Wo wulun sɔgɔma, mansɛ wo ya kilayɛnu tanyɛnsɛn ala nyamanɛ rɔ ka hɛnkilimɛnu anubɛ nya-nyini-kɛlɛnu kele. Ale Iyipiti mansɛ ya ala kiyo rakaran anu ye kɔnɔ ala nyamanita-mɔgɛ wonu fenfen ma ke ala kiyo wonu kɔrɛ fɔla a ye.

Bɔ-Koe-Iyipiti 10:23

Anu ma ke anu nyɔgɔn yenna mumɛ! Tele sawa, anu fen-bo-fen ma ke bɔla da la. Kɔnɔ Isirɛla mɔgɛnu siginɛ kan min, pinpi ma dun nyɔ muk!

Bɔ-Koe-Iyipiti 7:11

Mansɛ ya ala hɛnkilimɛnu anubɛ kofo-dannu kele. Ale mansɛla kofo-dannu fanan ya a ma wo nya na le anuta kofo-denyɛ rɔ.

Bɔ-Koe-Iyipiti 7:12

Kofo-dan wonu ya anuta sewurinu nakɛ dugi ma. Wonu fanan yɛlɛmanta duguma-fannu na. Kɔnɔ Arunata sewuri min yɛlɛmanta duguma-fan la, wo ya anutɛnu makunu.

Bɔ-Koe-Iyipiti 8:7

Mansɛla kofo-dan wonu fanan ya anu sanka Aruna ma anuta kofo-denyɛ rɔ ka turukɔɔkɔ donu nana Iyipiti nyamanɛ rɔ.

Bɔ-Koe-Iyipiti 9:11

Mansɛla kofo-dan wonu ma ke anu sɔla Musa yakɔrɔ sumunɛ wonuna ko la kamasɔrɔn sumunɛ sigira kofo-dan wonu ma anubɛ Iyipiti mɔgɛ bɛɛ.

Aiseya 19:12

Ile Iyipiti mansɛ, i makawandila hɛnkilimɛnu bi mintɔ? Miriya min bi Mari Sɛnbɛ-Bɛɛ-Tigi la ka a bɛn Iyipiti ma, tumado anu denu si wo yira i la.

Daniyɛli 4:7

Durinu anubɛ bolo-tafɛlɛnnɛnu anubɛ hɛnkilimɛnu nara. N ya nna kiyo rakaran anu ye min kɛ, anu ma ke a kɔrɛ fɔla n ye.

Daniyɛli 5:8

A hɛnkilimɛnu ya anu taya kɔnɔ mɔgɔ-wo-mɔgɔ ma taran wonu tɔ min si ke sɛbɛli wo rakaranna anubɛ ka a kɔrɛ fɔ.

Luka 10:18

Yisa ya anu yabi ko, “N bara Setanɛ yen buila ka bɔ Arinyɛni tɔ iko san-gbalamɛ.