Bɔ-Koe-Iyipiti 7:2 - ALLALA KUMƐ

² N ba min fɔ i ye, i si wo fɔ Aruna ye. Wo si i kuman-kan latenbi mansɛ wo ma alako a ni Isirɛla mɔgɛnu nabɔ ata nyamanɛ rɔ.

Bɔ-Koe-Iyipiti 7:2 Iomraidhean Croise

1 Mansɛnu 22:14

Kɔnɔ Nɛbi Mɛkaya ya a fɔ a ye ko, “A ye malebɛ Mari-nimɛ tɛma, a ye min fɔla n ye, n bi wo le latenbila mansɛ ma.”

Bɔ-Koe-Iyipiti 4:15

N ba kumɛ min fɔ ile ye, i si wo fɔ ale Aruna ye. A si ma ile dɛ la kuma tinɛ. N si wo mɔgɔ filɛ dɛnbɛ kuma tinɛ. A bɛnta, wo ni minnu ma, n si wo karan wonu na.

Bɔ-Koe-Iyipiti 4:16

A si ma ila kuma-lakelɛ la mɔgɛ wonu ma. A si ma i dɛ la. Ile si to nde, Alla gbɛ rɔ. N ba min fɔ ile Musa ye, i si wo latenbi Aruna ma.

Bɔ-Koe-Iyipiti 5:1

Wo kɔma, Musa anubɛ Aruna tara ka Isirɛlata Mari Alla kan latenbi ale Iyipiti mansɛ ma ko, “I ni ale Marita mɔgɛnu boloka alako anu ni ta a bato tinɛ wulɛ rɔ ka ladiyɛ kɛ a ye.”

Bɔ-Koe-Iyipiti 7:6

Musa anubɛ Aruna ya Marita kuman-kan latɔnbagaya iko a ya a fɔ anu ye nya min.

Yɛrɛmaya 1:17

Mari ko, “I ni wuli ka kuma mɔgɛnu na. N ba min fɔ i ye, i ni wo bɛɛ latenbi anu ma. I kana kilan mɔgɛnu na kaka. Ni i kilanta anu na kaka, i tenbi anu tɛma, wo kilan si tenbi kakatɛ la.

Yɛrɛmaya 1:7

Ale Mari ya a fɔ n ye ko n kana a fɔ ko dennɛ le nde la. A ko a wa n nata kan-bo-kan, n ni ta nyɔ. A ko a wa fenfen fɔ n ye, n ni wo rakaran nyɔ-mɔgɛnu ye.

Isikiyɛli 3:10

“Ile hadama-dan, i tole masɔ a kin na! I ni i hɛnkili to kumɛ kɛ damasi ko.

Isikiyɛli 3:17

“Ile hadama-dan, n bi i sigila Isirɛla mɔgɛnu kuma ka anu fɛ-bira. N ba min fɔ i ye, i ye anu makawandila wo le la.

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Kɛwɔlɛnu 20:27

bawo n ma Alla sako fenfen to a fɔbɛlɛ la wo ye.

Tɔn-Fɔɛ-Fila-Nyɔgɛ 4:2

N bi nala min fɔla wo ye, wo kana fenfen sa tɔn wo kuma, ado wo ka fen bɔ a la. N bi nala ma Mari Allata kumɛ minnu fɔla wo ye kɛ la, wo ni wo bira gben!