Bɔ-Koe-Iyipiti 7:16 - ALLALA KUMƐ

¹⁶ I ni a fɔ ale mansɛ ye ko nde, Hiburunuta Mari Alla ara i sɔ nun ale wara nta mɔgɛnu boloka-koe rɔ alako anu ni ta n bato wulɛ rɔ. Kɔnɔ ha bi, ale mansɛ ma a yisi yɛlɛma.”

Bɔ-Koe-Iyipiti 7:16 Iomraidhean Croise

Bɔ-Koe-Iyipiti 10:3

Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.

Bɔ-Koe-Iyipiti 13:15

Mansɛ ma sɔn ma bolokala min kɛ, woletɔ Mari ya Iyipiti mɔgɛnuna den-kei-sarɛnu faga, hali anuna kolo-fannu, a keimɛnu, kɔni. Woletɔ ma ye kolo-fannu den fɔlɔtɛnu mala sarakɛnu na Mari ye, a keimɛnu, kɔni. Kɔnɔ ma si mala den-kei-sarɛ bɛɛsi kunka mata Mari ma.’ ”

Bɔ-Koe-Iyipiti 14:5

A lamɔɛn ale Iyipiti mansɛ bolo ko Isirɛla mɔgɛnu bara ban tala, ale mansɛ anubɛ ala mɔgɔ-banu ya anu miriya yɛlɛma anuna ko la. Anu ko, “Ma ara nfen ma kɛ? Ma ara nfen yuwaya-ko ladan kɛ la ka Isirɛla mɔgɛ kɛnu boloka. Ma ara foo mala yɔɔnnu na filili!”

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Bɔ-Koe-Iyipiti 3:13

Musa ya a fɔ Alla ye ko, “Kɔnɔ n ba ke Isirɛla mɔgɛnu ma tumɛ min ka a fɔ anu ye ko anu benbanuta Alla ara n kilaya anu ma, anu si i tɔgɛ manyinika nde la. Nba, nde si nfen fɔ wo rɔ?”

Bɔ-Koe-Iyipiti 3:18

Alla ya a fɔ tun ko, “Isirɛla mɔgɔ-banu si i kuman-kan bira yɔ! Wobɛ wonu ni ta ke Iyipiti mansɛ ma. Wo ni a fɔ a ye ko nde, Hiburunuta Mari Alla ko n nara n nyɛrɛ yira wo la. Wo ni a madiya ko a ni wo boloka alako wo ni tele sawa tagama kɛ wulɛ rɔ woletɔ wo si ke ka sarakɛnu bɔ nde, Mari ye.

Bɔ-Koe-Iyipiti 4:22

I ni a fɔ mansɛ ye ko ale Mari ko, ‘Ata den-kei fɔlɔtɛ le Isirɛla mɔgɛnu na.’

Bɔ-Koe-Iyipiti 4:23

Ale mansɛ ni anu boloka alako anu ni n bato kɔnɔ a wa a ban anu boloka-koe ma tumɛ min, n si ala den-kei fɔlɔtɛ faga.”

Bɔ-Koe-Iyipiti 7:4

Kɔnɔ ale mansɛ ti a tole masɔ wola kumɛ la. N si n bole fara Iyipiti nyamanɛ la. N si nna mɔgɛnu nabɔ Iyipiti nyamanɛ rɔ kabana-koenu fɛ.

Bɔ-Koe-Iyipiti 8:1

Mari ya a fɔ Musa ye ko, “Ta a fɔ mansɛ ye ko a ni nna mɔgɛnu boloka. Anu ni ta n bato tinɛ wulɛ rɔ.

Bɔ-Koe-Iyipiti 8:20

Mari ya a fɔ Musa ye ko, “Mansɛ tenbi tala yi dɛ la tumɛ min sinan subaga ma, i ni suri ka ta a taran kilɛ la. I ni a fɔ a ye ko nde, Mari kan le kɛ la ko a ni nta mɔgɛnu boloka alako anu ni ta n bato tinɛ.”

Bɔ-Koe-Iyipiti 9:1

Mari ya a fɔ Musa ye ko, “Ta a fɔ mansɛ ye ko nde, Hiburunuta Mari Alla kan le kɛ la ko a ni nta mɔgɛnu boloka alako anu ni ta n bato tinɛ.

Bɔ-Koe-Iyipiti 9:13

Mari ya a fɔ Musa ye ko, “I ni suri tala a fɔla mansɛ ye ko nde, Hiburunuta Mari Alla le ya a fɔ ko a ni nna mɔgɛnu boloka alako anu ni ta n bato tinɛ.

Aiseya 45:13

A ko ale le nyɛrɛ-nyɛrɛ ya Sairasi lawuli ko a ni ale Marita wɔlɛ kɛ anubɛ ka koenu natelen. Mari si kilɛnu matelen Sairasi yarɔ. A si sɔn Mansa Sairasi ni Yerusalɛm sɔ tun a kurɛ la. Wo kɔma, ale Sairasi ni ata mɔgɛnu kunyɛ bɔ birɛ rɔ. A ko mɔgɔ ma wodi di Sairasi ma wola ko la, mɔgɔ ma dogonta-fan di a ma. Mari Sɛnbɛ-Bɛɛ-Tigi kan le kɛ la.

Yɛrɛmaya 50:33

Mari Sɛnbɛ-Bɛɛ-Tigi ko Isirɛla mɔgɛnu anubɛ Yuda mɔgɛnu niyi ra ara gbɛrɛn anu ma. Anu maranɛ minnu bolo, anu buru-kunya sa ka bɔ wo bolo.