Bɔ-Koe-Iyipiti 7:11 - ALLALA KUMƐ

¹¹ Mansɛ ya ala hɛnkilimɛnu anubɛ kofo-dannu kele. Ale mansɛla kofo-dannu fanan ya a ma wo nya na le anuta kofo-denyɛ rɔ.

Bɔ-Koe-Iyipiti 7:11 Iomraidhean Croise

Ko-Dabirɛnu 41:8

Kiyo wonu ya mansɛ lafili pirikali! Wo wulun sɔgɔma, mansɛ wo ya kilayɛnu tanyɛnsɛn ala nyamanɛ rɔ ka hɛnkilimɛnu anubɛ nya-nyini-kɛlɛnu kele. Ale Iyipiti mansɛ ya ala kiyo rakaran anu ye kɔnɔ ala nyamanita-mɔgɛ wonu fenfen ma ke ala kiyo wonu kɔrɛ fɔla a ye.

Bɔ-Koe-Iyipiti 7:12

Kofo-dan wonu ya anuta sewurinu nakɛ dugi ma. Wonu fanan yɛlɛmanta duguma-fannu na. Kɔnɔ Arunata sewuri min yɛlɛmanta duguma-fan la, wo ya anutɛnu makunu.

Bɔ-Koe-Iyipiti 7:22

Ale mansɛla kofo-dannu fanan ya a ma wo nya anuta kofo-denyɛ rɔ. Hali wo, mansɛ yisi gbɛlɛyara ka tenbi a fila nyɔgɛ la. A ma sɔn Musa anubɛ Arunata kumɛ birala. Iko Mari ya a fɔ nya min, Mari kuman-kan bɔra-a-la.

Bɔ-Koe-Iyipiti 8:18

Mansɛla kofo-dannu ya anu taya ka muruntu-mɛrɛntɛnu nabɔ anuta kofo-denyɛ rɔ kɔnɔ anu ma ke wo mala. Muruntu-mɛrɛntɛ wonu tora mɔgɛnu anubɛ anuna kolo-fannu tɔrɔla.

Bɔ-Koe-Iyipiti 8:3

Turukɔɔkɔ wonu si Nayɛli bɛ lafa. Wonu si bɔ bɛ rɔ ka ta ale mansɛla bolɔn la. Anu si taran a sa tinɛ rɔ anubɛ ala mɔgɔ-banuna bɔnnu na anubɛ ala nyamanita-mɔgɛnuna bɔnnu na anubɛ ala biredi mintan tinɛnu burɔ, hali ala biredi-gbesi-mirannu burɔ, anu si wo bɛɛsi lafa.

Bɔ-Koe-Iyipiti 8:7

Mansɛla kofo-dan wonu fanan ya anu sanka Aruna ma anuta kofo-denyɛ rɔ ka turukɔɔkɔ donu nana Iyipiti nyamanɛ rɔ.

Daniyɛli 2:2

A ya kilayɛ lata ala durinu anubɛ ala bolo-tafɛlɛnnɛnu anubɛ ala ko-rayennɛnu anubɛ ala hɛnkilimɛnu ma ka anu kele alako anu ni ala kiyo wo kɔrɛ rakaran a ye. Anu sɔra mansɛ yarɔ tumɛ min,

Daniyɛli 2:27

Daniyɛli ko, “A hɛnkilima wo, a duru wo, a bolo-tafɛlɛnna wo, wo fenfen sa nyɔ min si ke n tigita kiyo wonubɛ a kɔrɛ fɔla a ye

Daniyɛli 4:6

Wo kɔma, n ya n hɛnkilimɛ bɛɛsi kele minnu bi Babilɔn nyamanɛ kɛ rɔ alako wonu ni nna kiyo wo kɔrɛ fɔ n ye.

Daniyɛli 5:11

Mɔgɛ do ye ila nyamanɛ kɛ rɔ, ale Allata sɛnbɛ anubɛ nyinɛnutɛ ye min fɛ. I fa ye mansayɛ la tumɛ min, kei wo ya hɛnkili-nyimɛ labɔ. Ala ko-lɔn mani de iko ale Allata sɛnbɛ anubɛ nyinɛnutɛ ye nya min. I fa Nɛbukanasa ya ale kei ma a durinu anubɛ a bolo-tafɛlɛnnɛnu anubɛ a hɛnkilimɛnuna kun-tigi la.

Daniyɛli 5:7

A ya a kuli mayɛlɛ a fɔ tinɛ ko anu ni ta ala durinu kele anubɛ a bolo-tafɛlɛnnɛnu anubɛ a hɛnkilimɛnu. Wonu nanɛ, mansɛ ya a fɔ anu ye ko, “Ni min kera sɛbɛli kɛ rakaranna ka a kɔrɛ fɔ n ye, n si ko sawa ma wo tigi ye. N si duruki-ba-hakikɛnu di a ma. Wo kɔma, n si sɛnɛ-yɔlɔkɛ bila a tigi kan na. A laban, ale si tugun nna kandɛ la nyamanɛ kɛ rɔ.”

Matiyu 24:24

ado minnu ya anu nyɛrɛ ma Allata-Mɔgɔ-Yabɔnɛ la anubɛ foninya-nɛbinu, wonu si bɔ gbɛ rɔ wulɔn. Anu si kabana-ko-belebele-wɛnu kɛ Allala mɔgɔ-yabɔnɛnu yanfa-koe la, ni a si ke mala, kɔni.

Kalesiya 3:1

Wole Kalesiya kɛnu, kuntan le wole la! Nfen bara don wo rɔ? Yisa Kirasiti fagara kɔlɔma ma nya min, n bara wo labɔ gbɛ ma wo ye feu!

Ɛfɛsa 4:14

Nba, wo kana ma dennɛnu na tun ka to finki-fankala. Wo kana ma iko fɔnyɔ ye kulɔn latonko-tankala nya min. Woletɔ hallitorenu ba anu taya ka wo yanfa karan-kurɛ la tumɛ min, anu kana wo lasama kilɛ ma.

2 Tɛsalonaika 2:9

“Kirasiti-yogo-finma-wɛ” wo si na Setanɛta sɛnbɛ rɔ ka foninya-tamaserenu anubɛ foninya-kabana-ko-su-bɛɛ kɛ.

2 Timoti 3:8

Mɔgɛ kɛnu fanan bi tonyɛ kan ma iko Yanisi anubɛ Yanbarisi minnu ya Nɛbi Musa sɔsɔ wulɔn. Mɔgɛ wonu hɛnkili rabasannɛ, ado anuna dɛnkɛninyɛ ma mɔnɔ bɔ!

2 Timoti 3:9

I kana hami anuna ko la bawo anuna ko ti ta yarɔ. Mɔgɛ bɛɛ si anuna hɛnkilibɔninyɛ yen iko a mara Yanisi anubɛ Yanbarisi la nya min.

Lankɛnimayɛ 19:20

Anu ya sogo-feremɛ wo bira anubɛ foninya-nɛbi min ya kabana-ko-siyaman kɛ sogo-feremɛ wo yala. (Sogo-feremɛ wola mandan ye mɔgɛ minnu ma anubɛ minnu ya sogo-feremɛ wola muninyɛ kɔ, a ya wonu yanfa ala kabana-koe wonu fɛ.) Sogo-feremɛ wonubɛ foninya-nɛbi, wonu filɛ bɛɛ kɛndɛ lafilita ta-dalɛ rɔ min bi mintanna tɛ anubɛ munku-gbɛ la.

1 Samuwɛli 6:2

anu ya anuna bɛsi Degɔnta saraka-masɔlɛnu anubɛ anuna bolo-tafɛlɛnnɛnu kele. Wonu nanɛ, anu ya a fɔ wonu ye ko, “Ma si nfen ma Marila tɔn-kenkirɛ kɛ la? Ni ma ye a lasɛgila a tiginu ma, ma si nfen sa a kuma?”