Bɔ-Koe-Iyipiti 7:10 - ALLALA KUMƐ

¹⁰ Musa anubɛ Aruna sɔra Mansɛ yakɔrɔ ka wo ma iko Mari ya anu sɔ nya min. Aruna ya ala sewuri wo bi ka a lakɛ dugi ma mansɛ anubɛ ala mɔgɔ-banu yakɔrɔ. Sewuri wo mara duguma-fan la anu yala.

Bɔ-Koe-Iyipiti 7:10 Iomraidhean Croise

Yaburi 135:9

A ya kabana-ko-siyaman ma Iyipiti nyamanɛ rɔ. A ya tɛ ragbɔngbɔn Iyipiti mansɛ anubɛ ala nyamanita-mɔgɛnu ma.

Bɔ-Koe-Iyipiti 12:28

Musa banta kɛ fɔla nya min wo, Isirɛla mɔgɛnu ya a dabira ka a ma iko Mari ya a fɔ Musa anubɛ Aruna ye nya min.

Bɔ-Koe-Iyipiti 4:3

Mari ko, “A lafili dugi ma.” A ya a lafili dugi ma tumɛ min, wo mara duguma-fan la. Musa ya a masɛgi a la.

Bɔ-Koe-Iyipiti 7:15

Sɔgɔma wo ni ta mansɛ taran Nayɛli bɛ dala. I ni ta sewuri wo la i bolo min yɛlɛmanta duguma-fan la nun.

Bɔ-Koe-Iyipiti 7:20

Mari ya a fɔ Musa anubɛ Aruna ye nya min, wo banda kɛ, anu ya a ma wo nya na le. Aruna ya sewuri wo bi ka bɛ wo gbesi a la mansɛ ani ala mɔgɔ-banu yala. Nayɛli bɛ wo yɛlɛmanta yele la.

Bɔ-Koe-Iyipiti 7:6

Musa anubɛ Aruna ya Marita kuman-kan latɔnbagaya iko a ya a fɔ anu ye nya min.

Bɔ-Koe-Iyipiti 7:9

“Mansɛ wa a fɔ wo ye tumɛ min ko wo ni kabana-koe do kɛ, i ni a fɔ Aruna ye ko a ni ala sewuri lakɛ dugi ma mansɛ yakɔrɔ. Kɔlɔma wo si yɛlɛma duguma-fan la.”

Emɔsi 9:3

Ni minnu ya a dogon Kamɛli kɔnkɛ kuma, a ko a si a nyini nyɔ ha a ni wo yen. Hali minnu ya a dogon kɔgɔ-yi-dumɛ rɔ, a ko a si a fɔ ala yi-kɔrɔ-fen-makilanni-bɛ ye ko a ni wo kin.

Maraka 16:18

Anu ba duguma-fan bira, wo ti anu madumɛ. Ni anu ya faga-fan min, a ti ko ma anu na. Anu ba anu bole sa kirayatoenu kuma, wonu si kɛndɛya.”

Luka 10:19

Nba, wo ni wo tole masɔ, n bara fanka di wo ma alako wo ni tagama duguma-fannu anubɛ bondalɛnu kuma. Wo si Setanɛla sɛnbɛ bɛɛ nɔ, ado fenfen ti wo madumɛ.