Bɔ-Koe-Iyipiti 7:1 - ALLALA KUMƐ

¹ Mari ya a fɔ Musa ye ko, “N si ile ma mansɛ wo yala iko nde, Alla. I kɔrɔ-kei si ma ita nɛbi la.

Bɔ-Koe-Iyipiti 7:1 Iomraidhean Croise

Ko-Dabirɛnu 19:21

Melika wo kelen ya a fɔ ale Lɔti ye ko, “N si a ma iko i wara a fɔ n ye nya min. N ti so-ni kelan wo halaki.

1 Mansɛnu 17:23

Nɛbi Ilaya ya dan wo bi ka ta a la a na wara. A ya a fɔ a ye ko, “I ma ila dan yen? A ara kɛndɛya.”

2 Mansɛnu 6:32

Mansɛ wo ya mɔgɛ do lata Nɛbi Ilaisa ma. Wo wati ya a taran, Nɛbi Ilaisa anubɛ mɔgɔ-ba donu siginɛ ale Nɛbi Ilaisala bɔn la. Yanni mɔgɛ wo ni ke, a ya a fɔ mɔgɔ-ba wonu ye ko, “Mansɛ mɔgɔ-fagalɛ, ala mɔgɛ wo ara na n kunyɛ tɛgɛ tinɛ a la. Ni a kera yan, wo ni kɛ dɛ ma ka a latogon gbuturu! Wo kana sɔn, a ni don n kuma muk! Ale mansɛ nyɛrɛ ye nala a kɔma serr!”

Yaburi 78:12

Ma benbanu yɛ bɛnnɛ Alla ma tumɛ min, a ya ata kabana-koenu ma. A ya wonu ma Sowan gbɛkole rɔ Iyipiti nyamanɛ rɔ.

Yaburi 82:6

Ale Alla ko, “Nta dan le wole bɛrɛn na. Nde, Alla Min Bi Fan Bɛɛ Kun Na, nna dan le wo bɛɛ la.

Bɔ-Koe-Iyipiti 16:29

Wo ni wo hɛnkili to kɛ ko, ko nde, Mari le ya Sulen-Tele kɛ di wo ma serr! Woletɔ n bi tele fila dɔn-fan dila wo ma a tele wɔrɔ nyɔgɛ ma. Mɔgɔ-wo-mɔgɔ kana a maga a tele wɔrɔnfila nyɔgɛ ma. Bɛɛ ni to a warɛ.”

Makawandili Kumɛnu 1:10

Mɔgɛ si ke a fɔla ko, “I yɛ lata ko-kurɛ do ma,” wa? Kɔnɔ yanni ma ni sɔrɔn nun, wo nyɔgɔn-sufa ara mɛ mala.

Yɛrɛmaya 1:10

Ka a dabira bi ma, n bara sibole anubɛ nyamanɛnu natenbi i ma. I si donu wurun ka donu fanka mayigi. I si donu kasara ka donuta mansayɛ bi anu bolo. I si donu sigi mansayɛ la ka donu sɔ fanka rɔ fanan.”

Kɛwɔlɛnu 7:7

Alla ko anu si wɔli mɔgɛ minnu ye, a si wonu kiti. Wo kɔma, anu si bɔ nyamanɛ wo rɔ ka na a bato kan tinɛ kɛ rɔ.