Bɔ-Koe-Iyipiti 6:6 - ALLALA KUMƐ

⁶ “Woletɔ a fɔ Isirɛla mɔgɛnu ye ko nde le anuta Mari la min si anu bɔ Iyipiti kɛnuna wɔlɛ kɔrɔ. N si anu bɔ yɔɔnyɛ rɔ ka anu kunka nta sɛnbɛ-makawanɛ la. N si Iyipiti mɔgɛnu tɔrɔ bɛrɛkɛ!

Bɔ-Koe-Iyipiti 6:6 Iomraidhean Croise

2 Mansɛnu 17:36

Nde min ya wo kunyɛ bɔ yɔɔnyɛ rɔ Iyipiti nyamanɛ rɔ nta fanka-belebele la, wo ni nde le kelen pe bato. Wo si wo nyɛnkin nde le kɔrɔ ka sarakɛ bɔ nde ye.

1 Ko-Kɔrɔta-Karan 17:21

Isirɛla mɔgɛnu fanan nyɔgɔn sa! I wara ma kunyɛ labɔ yɔɔnyɛ rɔ ka male ma ile halalɛ la. E, Mari, i ya kabana-koe minnu kɛ ma benbanu ye, wo ya a ma le, ile tɔgɔ tara pɔn ka ke duninya tonke bɛɛ rɔ. I ya ila mɔgɛ minnu kunyɛ bɔ gbaran rɔ Iyipiti kɛnu bolo, wonu taranta tala yarɔ nya min, i tora sibolo-gbɛrɛnu gbenna anu yarɔ wo nya na le.

Nihɛmaya 1:10

“Mari, i yandi, ita wɔli-kɛlɛ anubɛ ita mɔgɛ le anu na. I ya anu kunyɛ bɔ gbaran rɔ ita sɛnbɛ-makawanɛ la.

Yaburi 77:16

E, Alla, kɔgɔ-yi wa i yen, wo fanan si kilan i la. Kɔgɔ-yi-tungban si yɛrɛyɛrɛn iko mɔgɛ si yɛrɛyɛrɛn kilan bolo i kɔrɔ nya min.

Yaburi 81:11

“Kɔnɔ wole, nta mɔgɛnu ma wo tole masɔ n na. Wo ma nta kumɛ bira mumɛ!

Yaburi 81:6

Alla ko, “N bara yɔɔnya-ko-dunɛ bɔ wo kuma ka wo kunyɛ bɔ tɔrɔ-mansayɛ anubɛ yigi-tɛgɛ kɔrɔ.

Yaburi 81:7

Wo ye kɔndɔfili rɔ tumɛ min, wo ya n takele. N ya wo lakisi.” Alla ko, “N dogonnɛ ya a labira banda-fin-gbɛ rɔ. N ya wo kɔrɔbɔ wulɔn kan tinɛ do rɔ anu bi min kelela Sɔnkɔ-Sɔnkɔ tenke.”

Bɔ-Koe-Iyipiti 1:11

Woletɔ Iyipiti kɛnu ya wɔli-kunyɛnu sigi anu kuma. Wonu ya wɔlɛ lagbɛlɛya anu kuma ka anu tɔrɔ. Isirɛla mɔgɛnu ya so-kura fila sɔ Iyipiti mansɛ wo ye, Pitɔm soe anubɛ Ramɛsisi soe ka wonu ma ata fen-namara-soenu na.

Bɔ-Koe-Iyipiti 12:41

A san bi-sawa nyɔgɛ wo tele laban ma yɔ, anu ya Iyipiti nyamanɛ boloka wulɔn le.

Bɔ-Koe-Iyipiti 12:51

Wo tele nyɛrɛ rɔ, Mari ya Isirɛla mɔgɛnu nabɔ Iyipiti nyamanɛ rɔ iko anuna bɔnsɔnnu bi nya min.

Bɔ-Koe-Iyipiti 13:14

“Tumado ni wola den-keinu ya ladɛn kɛ kɔrɛ manyinika wo la tumɛ min, wo si a fɔ anu ye ko, ‘Mari ya ma labɔ yɔɔnyɛ rɔ Iyipiti nyamanɛ rɔ ata sɛnbɛ la wati kɛ le tɔ.

Bɔ-Koe-Iyipiti 13:16

Musa ya a fɔ anu ye tun ko, “Kunkɛ kɛ ni ma wo hɛnkili-bila-fan la. A ni ma iko hɛnkili-bila-fan min bi mɔgɛ bole anubɛ a telɛ ma. Mari si na wo labɔ Iyipiti nyamanɛ rɔ ata sɛnbɛ la tele min tɔ, wo si wo dɛnbɛ ka wo hɛnkili bila wo tele ko.”

Bɔ-Koe-Iyipiti 13:3

Musa ya a fɔ mɔgɛnu ye ko, “Wo bɔra yɔɔnyɛ rɔ Iyipiti nyamanɛ rɔ tele min ma, wo ni wo hɛnkili to tele wo nyɛrɛ ko. Wo ni wo ma kamasɔrɔn Mari ya wo labɔ Iyipiti nyamanɛ rɔ a kɔɛn-sɛnbɛmɛ la wo wulɔn tele rɔ. Wo kana biredi-yɛlɛnɛ fenfen dɔn tele wo ma.

Bɔ-Koe-Iyipiti 15:13

I ya male min kunka, i si ta ma yarɔ ita keninteya-banbɛlɛ la ka sɔ ma yarɔ ita sɛnbɛ la ha ma si ke nyamanɛ wo rɔ i ye i mayigila kan min.

Bɔ-Koe-Iyipiti 16:6

Musa anubɛ Aruna ya a fɔ Isirɛla mɔgɛnu ye ko, “Wo si a lɔn wurɛ la ko Mari le ya wo labɔ Iyipiti nyamanɛ rɔ

Bɔ-Koe-Iyipiti 18:1

Nba, Mari ya min bɛɛsi ma Musa anubɛ ala mɔgɛnu ye ka anu nabɔ Iyipiti nyamanɛ rɔ, Musa biran-kei, Yɛtiro, Midiyan saraka-masɔlɛ, kɔni, wo ya wo lamɔɛn.

Bɔ-Koe-Iyipiti 2:11

Musa koloyara tumɛ min, a tara a na-kelen-nyɔgɛ Hiburunu taran wɔli-kɛ-tinɛ. A ya a yen anu bi wɔli-gbɛlɛmɛ kɛla nya min. A ya Iyipiti kɛ do yen a na-kelen-nyɔgɛ Hiburu do gbesila.

Bɔ-Koe-Iyipiti 3:17

N si anu nabɔ Iyipiti tɔrɔyɛ rɔ ka ta anu na Kenan nyamanɛ wo le tɔ, bɔnsɔn kɛnu siginɛ kan min, Kenannu wo, Hɛtinu wo, Amoranu wo, Pɛrasanu wo, Hɛfanu wo, anubɛ Yɛbusinu. Wonu bɛɛsi siginɛ Kenan nyamanɛ wo le tɔ. Nyamani-diyamɛ le nyɔ la.”

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Bɔ-Koe-Iyipiti 32:11

Musa ya ata Mari Alla madiya. A ko, “Mari, i wara ila mɔgɛ minnu nabɔ Iyipiti nyamanɛ rɔ ita sɛnbɛ-wɛ la, ila diminyɛ si wara wonu kuma nfen na?

Bɔ-Koe-Iyipiti 6:2

Alla ya a fɔ Musa ye ko, “Nde le wota Mari la.

Bɔ-Koe-Iyipiti 6:8

N ya lanyiri kiri nyamanɛ min di-koe rɔ Iburayima anubɛ Isiyaka anubɛ Yakoba ma, n si a ma, anu ni ta anu sigi nyamanɛ wo rɔ. N si nyamanɛ wo ma anu halalɛ la.”

Bɔ-Koe-Iyipiti 7:4

Kɔnɔ ale mansɛ ti a tole masɔ wola kumɛ la. N si n bole fara Iyipiti nyamanɛ la. N si nna mɔgɛnu nabɔ Iyipiti nyamanɛ rɔ kabana-koenu fɛ.

Bɔ-Koe-Iyipiti 7:5

N ba ban n bole farala Iyipiti kɛnu na tumɛ min ka nna mɔgɛnu nabɔ anu tɛma, Iyipiti kɛnu si a lɔn ko nde le Mari la.”

Aiseya 9:12

Siriya minnu bi tele-bɔɛ wara la anubɛ Filisiti minnu bi tele-yigi wara la, wonu bara anu dɛ sa-a-ma fagba, Isirɛla mɔgɛnu dɔn-koe la. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Aiseya 9:17

Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Aiseya 9:21

Hali Manasa kegeyɛ anubɛ Ifɛrɛm kegeyɛ si anu nyɔgɔn kɛlɛ. Wati do wa ke, anu na si kofu ka Yuda kɛnu kɛlɛ. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Yɛrɛmaya 21:5

Mari ko a si wole, Yerusalɛm kɛnu kɛlɛ a sɛbɛ-kuna-wɛ anubɛ ata fondo-bɔ-wɛ la.

Yɛrɛmaya 27:5

a mɔgɔ wo, a sogo wo, a dugu-kolo wo, Mari ko ale le ya wonu nadan a sɛnbɛ-makawanɛ la. A ko mɔgɛ min ba diya ale ye, a ye fan kɛ bɛɛ latenbila wo le ma.

Yɛrɛmaya 32:21

I wara anu yogenu kumakɔ ita kabana-koenu na. I ya ma benbanu nabɔ ita fanka le la Iyipiti nyamanɛ rɔ.

Isikiyɛli 20:33

“Nde, wo Tigi Mari ya n keli n nyɛrɛ rɔ, n bi Isirɛla mɔgɛnu makawandila ko n si mansayɛ kɛ anu kuma yisi-bɔɛ anubɛ n sɛnbɛ bɛɛ la.

Kɛwɔlɛnu 13:17

Ma benbanu bi sundanyɛ la Iyipiti dugi rɔ tumɛ min, Isirɛlata Alla ya ma benbanu ma a nyɛrɛtɛ la ka anu nasiyaya bɛrɛkɛ! Alla ya anu nabɔ Iyipiti a sɛnbɛ-bɛrɛbɛrɛ-wɛ la.

Tɔn-Fɔɛ-Fila-Nyɔgɛ 11:2

Wo ara a yen Mari ara kabana-ko-siyamɛ minnu kɛ wo yala. Wo nyɛrɛ-nyɛrɛ le kɛ sereyɛ la, wola dannu ma de! Nba, bi, wo ara hɛnkili min sɔrɔn Allata koe rɔ, ado wo ara ko-tenbinɛ minnu tayen wo yɛ la, wo ni wo miri wonu ma. Wo ya a lɔn ko a dan sa, ata fanka kolo.

Tɔn-Fɔɛ-Fila-Nyɔgɛ 26:8

Mari Alla ya ma labɔ Iyipiti ata kabana-ko-sɛnbɛ la. A ya ko-makilannɛnu nadan ma ye tagama-kilɛ ma alako ma ni bɔ nyɔ.

Tɔn-Fɔɛ-Fila-Nyɔgɛ 4:23

Wo ni a ma wo fɛrɛma, wo kana nyina wobɛ Mari Alla sarata min na. Wo ni ata kumɛ bira, wo kana bɛsi-wo-bɛsi ladan wo nyɛrɛ ye

Tɔn-Fɔɛ-Fila-Nyɔgɛ 4:34

Ka a bi fɔlɔfɔlɔ ma ha ka a sigi kaka la, ha bi, wo ara a yen bɛsɛ ara sibole do kunka iko Alla ya wo kunka Iyipiti nyamanɛ rɔ wati min sibolo-gbɛrɛkɛ bolo wa, ka anu ma ata mɔgɛnu na a nyɛrɛ ye? Wo nyɛrɛ yala serr, Mari ya ata kabana-koenu mayira ka kɛlɛ kɛ wo ye ka ko-makawanɛnu kɛ anubɛ ka ko-makilannɛnu kɛ.

Tɔn-Fɔɛ-Fila-Nyɔgɛ 6:12

Wo ni a ma wo fɛrɛma, wo kana nyina Mari ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 7:19

Wo ni wo miri tɔrɔya siyamɛ wonu ma Mari ya min sigi anu ma wo fanu yala. Wota Mari Alla ya ata kabana-koenu anubɛ ata fanka mayira ka wo kunka. A ya Iyipiti mɔgɛnu kasara nya min, wo kilannɛ Kenan nyamanita-mɔgɛ minnu na, a si wonu fanan kasara wo nya na le.

Tɔn-Fɔɛ-Fila-Nyɔgɛ 7:8

Mari ya wo kunka ka wo bɔ yɔɔnyɛ rɔ Iyipiti mansɛ bolo bawo a ya wo keni, ado a sɔgɛ ye a la, a ya lanyiri min kiri wo benbanu ye, a si wo kanbali.

Tɔn-Fɔɛ-Fila-Nyɔgɛ 9:29

Min sanɛ wo kuma, ita mɔgɔ-bɛrɛbɛrɛ le kɛnu na. Ile le tɔrɔta mɔgɛ kɛnu na ka anu nabɔ Iyipiti ita fanka-makawanɛ la.’ ”