Bɔ-Koe-Iyipiti 5:3 - ALLALA KUMƐ

³ Musa anubɛ Aruna ko, “Male Hiburunta Mari Alla ara a nyɛrɛ yira ma la. Ma ye i madiyala, i ni ma boloka. Ma ni tele sawa tagama kɛ wulɛ rɔ ka sarakɛnu bɔ mata Mari Alla ye. Ni wo ma, a si ma kunyɛ to kɛlɛ anubɛ kiraya-fitinɛ rɔ.”

Bɔ-Koe-Iyipiti 5:3 Iomraidhean Croise

2 Mansɛnu 17:25

Asiriya wonu sigira Samariya tumɛ min, anu ma sɔn Mari batola. Wo le ya a ma, Mari ya yarɛnu natugu anu ma. Wonu ya mɔgɛ donu faga anu tɔ.

2 Ko-Kɔrɔta-Karan 30:8

Wo kana wo tole gbere iko anu denu. Wo ni Marita kumɛ bira. Wo na Marita Bon-sɛnimɛ la Yerusalɛm soe burɔ, wota Mari Alla ara min ma kan-tina-sɛnimɛ la, kɔni. Wo ni to Mari batola, woletɔ a ti to diminyala wo ma.

Ɛsira 7:23

San-Kole-Alla nyinita fenfen ma a Bato-Bɔnla ko la, i si wo makele fen-namaralɛnu bolo. Ni wo ya wo ma, tumado Alla ti kɔrɔtɔ mabɛ nna dannu ma minnu si ma mansɛ la n gbɛ rɔ.

Bɔ-Koe-Iyipiti 3:18

Alla ya a fɔ tun ko, “Isirɛla mɔgɔ-banu si i kuman-kan bira yɔ! Wobɛ wonu ni ta ke Iyipiti mansɛ ma. Wo ni a fɔ a ye ko nde, Hiburunuta Mari Alla ko n nara n nyɛrɛ yira wo la. Wo ni a madiya ko a ni wo boloka alako wo ni tele sawa tagama kɛ wulɛ rɔ woletɔ wo si ke ka sarakɛnu bɔ nde, Mari ye.

Bɔ-Koe-Iyipiti 7:16

I ni a fɔ ale mansɛ ye ko nde, Hiburunuta Mari Alla ara i sɔ nun ale wara nta mɔgɛnu boloka-koe rɔ alako anu ni ta n bato wulɛ rɔ. Kɔnɔ ha bi, ale mansɛ ma a yisi yɛlɛma.”

Bɔ-Koe-Iyipiti 8:1

Mari ya a fɔ Musa ye ko, “Ta a fɔ mansɛ ye ko a ni nna mɔgɛnu boloka. Anu ni ta n bato tinɛ wulɛ rɔ.

Bɔ-Koe-Iyipiti 8:20

Mari ya a fɔ Musa ye ko, “Mansɛ tenbi tala yi dɛ la tumɛ min sinan subaga ma, i ni suri ka ta a taran kilɛ la. I ni a fɔ a ye ko nde, Mari kan le kɛ la ko a ni nta mɔgɛnu boloka alako anu ni ta n bato tinɛ.”

Bɔ-Koe-Iyipiti 8:27

Ma si tele sawa tagama kɛ ka ta wulɛ rɔ ka sarakɛ bɔ mata Mari Alla ye iko a ya a fɔ ma ye nya min nun.”

Isikiyɛli 6:11

N Tigi Mari Alla ya a fɔ nde, Isikiyɛli ye ko, “I bole sa i kuma ka i kiannu matɛn di-kɛ-tinɛ bawo Isirɛla bɔnsɔn-mɔgɛnu bara kisimiriya-ko-siyaman ma. Kɛlɛ wo, kɔnkɔ wo, kiraya wo, anu kunyɛ si to wo dama rɔ.

Saraka-Masɔlɛnuta Tɔnnu 26:25

N si mɔgɛnu nana wo tɛma ka wo kɛlɛ. Wonu si wo tɔrɔya bawo wo ara sarama-kan tinya min bi ma tɛma wo na. Hali wo ya wo ladɛn wola soenu tɔ alako wo ni kisi wo yogenu ma, n si kiraya-yogomɛ lana wo tɛma min ti dandan muk! Wo ra si nama anu kɔrɔ ka wo nyɛrɛ don anu bolo.

Tɔn-Fɔɛ-Fila-Nyɔgɛ 28:21

A si kiraya-kuntan bɛɛ lana wo kuma. Hali mɔgɔ-den-kelen-bɛrɛni kɛndɛ ti to lanyiri-nyamanɛ rɔ.