Bɔ-Koe-Iyipiti 5:23 - ALLALA KUMƐ

²³ Kebi n tara kuma i tɔgɛ rɔ mansɛ wara, a tora ko-yogomɛ le sigila ila mɔgɛnu na worɔ gbɛ tolon! Ile fanan ma ila mɔgɛnu bɔ kun-gbaran rɔ hali!”

Bɔ-Koe-Iyipiti 5:23 Iomraidhean Croise

Yobu 22:17

Karagbɛlɛnu ya a fɔ Alla ma ko, “Fara ma la. Alla Sɛnbɛ-Bɛɛ-Tigi ti ke ko-wo-ko mala ma la.”

Yaburi 118:26

Min bi nala Marita sɛnbɛ rɔ, alamɛ wo ya Allata duwɛ sɔrɔn. Ma si baraka bira a ye Mari Bato-Bɔn la.

Bɔ-Koe-Iyipiti 3:8

N bara na anu kunyɛ bɔ tinɛ yɔɔnyɛ rɔ ka anu bɔ Iyipiti kɛnu bolo. N si ta anu na Kenan nyamani-hakikɛ rɔ, Kenannu anubɛ Hɛtinu anubɛ Amoranu anubɛ Pɛrasanu anubɛ Hefanu anubɛ Yebusinu siginɛ kan min. Nyamani-diyamɛ le Kenan nyamanɛ wo la.

Bɔ-Koe-Iyipiti 6:1

Mari ya a fɔ Musa ye ko, “N si na min ma ale mansɛ la, i si wo yen i nyɛrɛ yɛ la kaka. Nta sɛnbɛ si a ma, a ni wo boloka, ado a si wo gben ka wo labɔ ata nyamanɛ rɔ.”

Aiseya 28:16

Kɔnɔ Mari ye min fɔla wo ye, wo ni wo tole masɔ wo la. A ko a ye nala bɔn min sɔla ata kɔnkɔ-sɛnimɛ kuma, a si bɔn wo kurukɛ fanka rɔ. A ko a ye kuru fɔlɔtɛ min sigila, a kuru-toe bɛɛ ye sigila sɛbɛna-kuru-tɔnɔnamɛ wo le kuma, ado min bɛɛ lanɛ kuru fɔlɔtɛ kɛ la, a ko wonu yigi ti tɛgɛ muk!

Yɛrɛmaya 11:21

Woletɔ n faga-sɔgɛ ye Anatɔti kɛ minnu na, wonu bi a fɔla ko n kana wɔlɔyiya-kuma fɔ Marila ko rɔ tun. Anu ko ni n kirita wo ma, anu si n faga.

Yɔni 5:43

N bara na n Fala sɛnbɛ rɔ kɔnɔ wo ma nde rabira. Ni mɔgɛ nara a nyɛrɛta sɛnbɛ rɔ, wo si wo rabira.