Bɔ-Koe-Iyipiti 4:5 - ALLALA KUMƐ

⁵ Mari ya a fɔ a ye ko, “Wo le si a ma, anu ni la i la ko wo benbanuta Alla ara a nyɛrɛ yira i la, Iburayimata Alla, anubɛ Isiyakata Alla, anubɛ Yakobata Alla, kɔni.”

Bɔ-Koe-Iyipiti 4:5 Iomraidhean Croise

Ko-Dabirɛnu 12:7

Mari bɔra gbɛ rɔ Burama ye, a ko, “N bi nyamanɛ min dila i sibolenu ma, wo le kɛ la.” Woletɔ Burama ya saraka-mintan-tinɛ sɔ Mari ye nyɔ.

Ko-Dabirɛnu 17:1

Burama sɔrɔn ya san bi-kɔnɔntɔ ani san kɔnɔntɔ (99) bɔ tumɛ min, Mari bɔra a ye gbɛ rɔ ka a fɔ a ye ko, “Alla Sɛnbɛ-Bɛɛ-Tigi le nde la. I telen n ye. I ni n sako kɛ.

Ko-Dabirɛnu 18:1

Tele latelan wati, Iburayima siginɛ ala fani-bɔn dɛ la Mamireta kɔlɔma-latankanɛnu kɔrɔ, Mari bɔra a ye gbɛ rɔ. A mara nya min, wo le kɛ la.

Ko-Dabirɛnu 26:2

Kɔnɔ Mari bɔra gbɛ rɔ Isiyaka ye ka a fɔ a ye ko, “I kana ta Iyipiti nyamanɛ rɔ. N si kan tinɛ do yira i la nyamanɛ kɛ rɔ, i si ta i sigi kan min.

Ko-Dabirɛnu 28:13

Yakoba ya Mari sɔnɛ yen a tɔnkɔn rɔ. Mari ya a fɔ ale Yakoba ye ko, “I fa anubɛ i benba Iburayimata Mari Alla le nde la. I sanɛ dugi min kuma kɛ la, n si wo di wobɛ i bɔnsɔn ma.

Ko-Dabirɛnu 48:15

Yakoba duwara Yusufula dannu ye ko, “Alamɛ n fa Isiyaka anubɛ n benba Iburayimata Alla ni ata duwɛ layigi den-kei filɛ kɛnu kuma. Ka a bi n dennɛ ma ha ka a sigi kaka la, Alla min ya n kandan ka n tanka masibɛnu ma, alamɛ wota duwɛ tora anu kuma.

Ko-Dabirɛnu 48:3

Yakoba ya a fɔ ala den Yusufu ye ko, “Lunyɛ do, Alla Sɛnbɛ-Bɛɛ-Tigi bɔra gbɛ rɔ n ye Lusi soe dafɛ Kenan nyamanɛ rɔ. Ata duwɛ yigira n kuma nyɔ.

1 Mansɛnu 18:36

Saraka bɔ tumɛ kenɛ wurɛ la iko anuna namu ye nya min, Nɛbi Ilaya ya a madon saraka-mintan-tinɛ wo la. A ya Alla matara. A ko, “E, Mari, Iburayima anubɛ Isiyaka anubɛ Yakobata Alla, kɔni, a yira mɔgɛ kɛnu na bi ko Isirɛlata Mari Alla le ile la. Anu ni a lɔn ko ila wɔli-kɛlɛ le nde la. Anu ni a lɔn fanan ko n bi min bɛɛsi mala kɛ la, ile le ya wonu fɔ n ye.

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

Bɔ-Koe-Iyipiti 19:9

Mari ya a fɔ Musa ye ko, “N ba wuli kumala i ye tumɛ min, n si na i ma banda-finyɛ rɔ, woletɔ mɔgɛnu si wo yen ka n kuman-kan lamɔɛn. Wo si a ma, anu ni la i la burubukai!”

Bɔ-Koe-Iyipiti 3:15

“Ta a fɔ Isirɛla mɔgɛnu fanan ye ko nde, anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, kɔni, wo le ya i kilaya anu ma. N tɔgɛ le ‘N bi nya min, n bi wo nya na le.’ I ni a fɔ Isirɛla mɔgɛnu ye wo nya le ko min tɔgɛ NDE LE, wo le ara i kilaya anu ma. Nta habadan-tɔgɛ le wo la. N tɔgɛ wo si ma tamasere la kebilɛ bɛɛ ye.

Bɔ-Koe-Iyipiti 3:16

“Ta, i ni Isirɛla mɔgɔ-banu nadɛn ka a fɔ anu ye ko anu benbanuta Mari Alla, Iburayimata Alla, anubɛ Isiyakata Alla, anubɛ Yakobata Alla, wo le nara i wara ta-mɛlan rɔ. N bara a fɔ i ye ko min bɛɛsi ye mala anu na Iyipiti, ko n bara wo bɛɛ lɔn.

Bɔ-Koe-Iyipiti 3:18

Alla ya a fɔ tun ko, “Isirɛla mɔgɔ-banu si i kuman-kan bira yɔ! Wobɛ wonu ni ta ke Iyipiti mansɛ ma. Wo ni a fɔ a ye ko nde, Hiburunuta Mari Alla ko n nara n nyɛrɛ yira wo la. Wo ni a madiya ko a ni wo boloka alako wo ni tele sawa tagama kɛ wulɛ rɔ woletɔ wo si ke ka sarakɛnu bɔ nde, Mari ye.

Bɔ-Koe-Iyipiti 3:4

Mari ya a yen min kɛ ko ale Musa ara ta ko ragbɛ tinɛ nyɔ, Alla ya a kan nabɔ a ma ka bɔ kɔlɔma wo rɔ. A ko, “Musa, Musa.” Musa ko, “Yon bi n takelela?”

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Bɔ-Koe-Iyipiti 4:1

Musa ya a fɔ Mari ye ko, “Anu ti la n na de! Anu ti n kuman-kan bira. Anu si a fɔ ko ile ma kuma n ye ta-mɛlan rɔ hali ka i nyɛrɛ yira n na.”

Bɔ-Koe-Iyipiti 4:31

Wonu fanan lara a la. Anu ya a lɔn min kɛ ko Mari ara a kolan lamunun anu na ka a lɔn anu bi tɔrɔyɛ min tɔ, anu ya anu madu dugi ma ka madiyali kɛ.

Bɔ-Koe-Iyipiti 4:4

Mari ya a fɔ Musa ye tun ko, “Duguma-fan wo bira a kɔɛ ma.” A ya a bira. A mara sewuri la a bolo tɔ tun.

Aiseya 7:9

A ko Isirɛla mɔgɛnu ta ma gbɛlɛ ka ke anuna so-karantan Samariya kɛnu tɔ. Samariya kɛnu fanan ta ma gbɛlɛ ka ke anuna Mansa Peka rɔ. Mari ko ni wo ya a kuman-kan to a gbɛ rɔ, wo si simayɛ sɔrɔn.

Yɛrɛmaya 31:3

a ya a nyɛrɛ yira wo la wula-yan la. A ko wola habadan-keninteyɛ ye a rɔ, ado a ko a si to keninteyɛ wo kun na.

Yɔni 11:15

Kɔnɔ n sewara wole, nna karan-dannuna ko la bawo n sa nyɔ nun. Kɛ si a ma, wo ni la n na. Ma ta a wara wona.”

Yɔni 11:42

N ya a lɔn ko i wɔlɔ matɔlɔnɛ n na tuma-wo-tuma kɔnɔ n bi kɛ fɔla mɔgɛ kɛnu denuna ko la yan. Woletɔ anu si la a la ko ile le ya n sɔ.”

Yɔni 20:27

Wo kɔma, a ya a fɔ Tamasi ye ko, “I bolo-nɔlɔnɛ sa yan. N bolenu mafɛlɛn. I bole rasagan ka a don n tɔnkɔn rɔ. Sikɛ ni bɔ i rɔ. I ni la n na!”

Yɔni 20:31

Kɔnɔ kɛnu sɛbɛnɛ alako wo ni la a la ko Yisa kɛ, Allala dan le, Alla ya min yabɔ ma kisi-koe la. Wo wa dɛnkɛninya a ma, wo si habadan-nimayɛ sɔrɔn a tɔgɛ rɔ.

Yɔni 5:36

Kɔnɔ sereyɛ ye n bolo n nyɛrɛla ko la min kolo Yɔnitɛ ko. N Fa ya kɛwɔlɛ minnu di n ma, wonu bi sereyɛ bɔla n ye ka a yira ko n Fa le ya n sɔ.

Kɛwɔlɛnu 7:2

Sitifen ya a yabi ko, “N fanu anubɛ n na-kelen-nyɔgɛnu! Wo ni wo wɔlɔ matɔlɔ n kan la! Yanni ma benba Iburayima ni ta sigi Haran soe burɔ, a siginɛ Mɛsapotemiya nyamanɛ rɔ nun, mata Alla-makawanɛ nyɛrɛ bɔra gbɛ rɔ a ye kan min.

Hiburunu 11:16

Nyamani-nyima-nyimɛ-sɔgɛ ye anu na nun, Arinyɛnɛ, kɔni. Anu bi Alla kelela ko, “Mata Alla.” Alla miliyani ma kumɛ wola ko la, ado a ara soe rabɛn anu ye.