Musa anubɛ Aruna tara mansɛ wara ka a fɔ a ye ko, “Hiburunuta Mari Alla ya a fɔ ko ile si i nyɛrɛ famayigi ale ye wati mintan? I ni ata mɔgɛ kɛnu boloka alako anu ni ta a bato tinɛ.
Iyipiti kɛnuna den-kei-sarɛ bɛɛ si faga. Sayɛ si a dabira ile mansɛla den-kei-sarɛ ma. Hali yɔɔn-musi kolon-tugulɛla den-kei-sarɛ si faga. Hali wola kolo-fan den fɔlɔtɛ bɛɛ si faga, a keimɛnu, kɔni.
Mari ya den-kei-sarɛ bɛɛsi faga suyi tɛma Iyipiti nyamanɛ rɔ. Sayɛ ya a dabira ale mansɛla den-kei-sarɛ ma ha ka ta a sigi yelela-mɔgɛnuna den-kei-sarɛnu ma hali ka ke kolo-fannuna den fɔlɔtɛ bɛɛ ma, a keimɛnu, kɔni.
Mansɛ ma sɔn ma bolokala min kɛ, woletɔ Mari ya Iyipiti mɔgɛnuna den-kei-sarɛnu faga, hali anuna kolo-fannu, a keimɛnu, kɔni. Woletɔ ma ye kolo-fannu den fɔlɔtɛnu mala sarakɛnu na Mari ye, a keimɛnu, kɔni. Kɔnɔ ma si mala den-kei-sarɛ bɛɛsi kunka mata Mari ma.’ ”
Mari ya koe min bɛɛsi sigi Iyipiti mansɛ anubɛ ala mɔgɛnu na, Musa ya wo bɛɛsi dantɛgɛlɛ sa a biran-kei wo ye. Anu ya tɔrɔyɛ sɔrɔn nya min kilɛ la, a ya wo rakaran a biran-kei wo ye. Mari ya anu kisi nya min, a ya wo fanan takaran a ye.
Alla ya a fɔ tun ko, “Isirɛla mɔgɔ-banu si i kuman-kan bira yɔ! Wobɛ wonu ni ta ke Iyipiti mansɛ ma. Wo ni a fɔ a ye ko nde, Hiburunuta Mari Alla ko n nara n nyɛrɛ yira wo la. Wo ni a madiya ko a ni wo boloka alako wo ni tele sawa tagama kɛ wulɛ rɔ woletɔ wo si ke ka sarakɛnu bɔ nde, Mari ye.
Wo kɔma, Musa anubɛ Aruna tara ka Isirɛlata Mari Alla kan latenbi ale Iyipiti mansɛ ma ko, “I ni ale Marita mɔgɛnu boloka alako anu ni ta a bato tinɛ wulɛ rɔ ka ladiyɛ kɛ a ye.”
I ni a fɔ ale mansɛ ye ko nde, Hiburunuta Mari Alla ara i sɔ nun ale wara nta mɔgɛnu boloka-koe rɔ alako anu ni ta n bato wulɛ rɔ. Kɔnɔ ha bi, ale mansɛ ma a yisi yɛlɛma.”
Mari ya a fɔ Musa ye ko, “A fɔ Aruna ye ko a ni ala sewuri wo bi ka dugi gbesi a la. Dugu-gbangban bɛɛ si yɛlɛma muruntu-mɛrɛntɛnu na Iyipiti nyamanɛ kan tinɛ bɛɛ rɔ.”
Anu ya a ma wo nya le iko Mari ya a fɔ nya min. Aruna ya sewuri wo bi ka dugi gbesi a la. Dugu-gbangban wo yɛlɛmanta muruntu-mɛrɛntɛnu na Iyipiti nyamanɛ kan tinɛ bɛɛ rɔ.
Mari ya a fɔ Musa ye ko, “Mansɛ tenbi tala yi dɛ la tumɛ min sinan subaga ma, i ni suri ka ta a taran kilɛ la. I ni a fɔ a ye ko nde, Mari kan le kɛ la ko a ni nta mɔgɛnu boloka alako anu ni ta n bato tinɛ.”
Mari ya a fɔ Musa ye ko, “I ni suri tala a fɔla mansɛ ye ko nde, Hiburunuta Mari Alla le ya a fɔ ko a ni nna mɔgɛnu boloka alako anu ni ta n bato tinɛ.