Bɔ-Koe-Iyipiti 4:22 - ALLALA KUMƐ

²² I ni a fɔ mansɛ ye ko ale Mari ko, ‘Ata den-kei fɔlɔtɛ le Isirɛla mɔgɛnu na.’

Bɔ-Koe-Iyipiti 4:22 Iomraidhean Croise

Yaburi 89:27

Ile Alla si a fɔ worɔ ko, “Nna sarɛ le ile la. I kolo mansɛ bɛɛ ko.”

Bɔ-Koe-Iyipiti 6:11

“I ni ta a fɔ Iyipiti mansɛ ye ko a ni Isirɛla mɔgɛnu boloka ka anu nabɔ ala nyamanɛ rɔ.”

Bɔ-Koe-Iyipiti 7:16

I ni a fɔ ale mansɛ ye ko nde, Hiburunuta Mari Alla ara i sɔ nun ale wara nta mɔgɛnu boloka-koe rɔ alako anu ni ta n bato wulɛ rɔ. Kɔnɔ ha bi, ale mansɛ ma a yisi yɛlɛma.”

Aiseya 63:16

Ma fa le ile la. Iburayima ma a lɔn ni ala dan le male la. Yakoba fanan ma ma lɔn. Kɔnɔ ma fa le ile Mari nyɛrɛ la. Kebi hun, i tɔgɛ le, “Ma Kunkalɛ.”

Aiseya 64:8

Kɔnɔ Mari, ma fa le ile la. Male manɛ iko dugu-namɛ. Daga-sɔlɛ le ile la. I kɔɛn-nyɛrɛ-nyɛrɛ le ya ma dan.

Yɛrɛmaya 2:14

Mari ko yɔɔn ma wole, Isirɛla mɔgɛnu na, ado wo ma sɔrɔn yɔɔnyɛ rɔ. Nfenna worɔ, wo yogenu bi buila wo ma iko a di anu ye nya min.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Hoseya 11:1

Mari ko, “Fɔlɔ nun, wole Isirɛla bɔnsɔn dɔgɔ tumɛ min, wo diyara n ye iko n halala-dan! N ya wo kele ka bɔ Iyipiti.

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Matiyu 2:15

Wonu tora nyɔ ha Mansa Hɛrodi tenbira. Wo mara alako Mari ya min fɔ nɛbi ye nun, wo la ni kanbali bawo nɛbi le ya a fɔ ko Mari ya ala dan kele ko a ni bɔ Iyipiti.

Romu 9:4

Allala mɔgɔ-yabɔnɛ le anu denu na. A ya anu ma ala dannu na ka ata gbiliyɛ yira anu na. Anubɛ Alla ya sarama-kannu kiri. A ya ala tɔn-kitabu di anu denu ma fanan. A sɔnta ko anu denu ni a bato a kilɛ fɛ, ado anu bara Allala lanyirinu sɔrɔn.

2 Kɔrɛnti 6:18

N si ma wo fa la. Wo si ma nna dannu na. Mari-Sɛnbɛ-Bɛɛ-Tigi-kan le kɛ la.”

Tɔn-Fɔɛ-Fila-Nyɔgɛ 14:1

“Bawo Mari Allata mɔgɛ le wole la, wo kana wo kunyɛnu sii ka wo fɛrɛnu mafarafara saya-koe kuma iko sibole doinu bi a mala nya min saya-di-kɛ tinɛ.

Tɔn-Fɔɛ-Fila-Nyɔgɛ 32:6

Wole mɔgɔ-fufafuyinu anubɛ hɛnkilibɔnɛnu, wo ya Mari sara wola fisiriwɔlitayɛ kɛ le la, wa? Wo fa anubɛ wo Dali-Mari le ale la min ya wole ma bɔnsɔn kelen na.

Hiburunu 12:23

Wo ara na bɛn Allata den-fɔlɔtɛnuna ladiyɛ ma. Wonu damasi tɔgɛ sɛbɛnɛ Arinyɛni tɔ. Alla siginɛ soe wo le burɔ, mɔgɛ bɛɛ Kitilɛ, kɔni. Mɔgɔ-nyimɛ minnu kanbalinɛ Alla yala, wonu bi a fɛ nyɔ.

Yemesi 1:18

Ka a tɛgɛ ala keninteyɛ ma mala ko la, a ya ma ma ala dan la kamasɔrɔn a ya tonya-bɛrɛ di ma ma iko a ya a latɛgɛ nya min. A ya wo ma alako male ni sɔ-tina-fɔlɔtɛ sɔrɔn ala dali-fan bɛɛ tɛma. A halalɛ le male la gbɛ!