Bɔ-Koe-Iyipiti 4:12 - ALLALA KUMƐ

¹² Woletɔ, ta fasai, n si i labila. A bɛnta, i ni min fɔ, n si i karan wo la.”

Bɔ-Koe-Iyipiti 4:12 Iomraidhean Croise

Yaburi 105:26

Wo kɔma, a ya ala wɔli-kɛlɛ Musa lata anubɛ Aruna, a ya min yabɔ, kɔni.

Yaburi 143:10

N ni min ma, wo fɔ n ye bawo nta Alla le ile la. Ila nyimayɛ ni n bila kila-nyimɛ fɛ.

Yaburi 32:9

A kana ma kun-takolɔn la iko soee anubɛ sofɛlɛ, fɔ i wa karafɛ sa wo dɛ ma, a ni to tala i diyana-tinɛ.

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Bɔ-Koe-Iyipiti 4:13

Musa ko, “E, Mari, n bi i madiyala ko i ni mɔgɔ-gbɛrɛ lata.”

Bɔ-Koe-Iyipiti 4:15

N ba kumɛ min fɔ ile ye, i si wo fɔ ale Aruna ye. A si ma ile dɛ la kuma tinɛ. N si wo mɔgɔ filɛ dɛnbɛ kuma tinɛ. A bɛnta, wo ni minnu ma, n si wo karan wonu na.

Bɔ-Koe-Iyipiti 4:16

A si ma ila kuma-lakelɛ la mɔgɛ wonu ma. A si ma i dɛ la. Ile si to nde, Alla gbɛ rɔ. N ba min fɔ ile Musa ye, i si wo latenbi Aruna ma.

Aiseya 49:2

A ya nna kumɛnu dɛ lasa iko faan. A ya n yamasansan a kɔɛn la. A ya n ma iko kalabɛn-nasulennɛ. A ya n namara iko kalabɛn tenbi a sa-bɔrɛ rɔ.

Aiseya 50:4

Ma Tigi Mari ya n karan kuma-bole ma alako n ni mɔgɔ-rafaganɛnu tagbɛlɛya. A si n nakunden sɔgɔma-wo-sɔgɔma. A si n karan ka n tole masɔ a la iko karan-dan.

Yɛrɛmaya 1:9

Mari ban kɛ fɔla, a ya a kɔɛn lana ka a tugun n dɛ la. A ya a fɔ n ye ko, “I ma a yen, n bi nna kumɛnu donna i da rɔ.

Yilan-Yilan Koe 16:28

Musa ya a fɔ anu ye tun ko, “Wo si a lɔn kɛ le fɛ ko Mari le ya nde yabɔ. N ma n nyɛrɛ yabɔ n nyɛrɛta sako rɔ ka sɔ wole yarɔ.

Maraka 13:11

Anu ba wo bira ka ta wo la kiti-bɔn la, wo si min fɔ anubɛ wo si a fɔ nya min, wo kana haminya wola ko la. A wati wa ke, wo ye nala min fɔla, wo si wo sɔrɔn bawo wo ye min fɔla, wota kuma ma wonu na. Kumɛ wonu bi bɔla Allata Ni-Sɛnimɛ le bolo min bi kumala wo rɔ.

Luka 11:1

Lunyɛ do, Yisa ye madiyali kɛla kan tinɛ do rɔ. A banta tumɛ min, ala karan-dan do ya a fɔ a ye ko, “Mari, ma si Alla madiya nya min, ma karan wo la iko Yɔni ya ala karan-dannu karan nya min.”

Yɔni 14:26

N Fa Alla ye nala min sɔla n tɔgɔ rɔ wo dɛnbɛn tinɛ, Allata Ni-Sɛnimɛ, kɔni, ale le si wo karan koe bɛɛ la. N bara min bɛɛ fɔ wo ye, a si wo hɛnkili labila wo bɛɛ ko.

Ɛfɛsa 6:19

Wo ni Alla matara nde, Pɔli ye fanan ko n ba wuli kumala tumɛ min, Alla ni kumɛ don n da rɔ. Wo ni ma alako n ni kuma yisi-latɛgɛ rɔ ka kibara-nyimɛ gbundu-koe labɔ gbɛ ma.

Tɔn-Fɔɛ-Fila-Nyɔgɛ 18:18

A ya a fɔ ko a si nɛbinu nabɔ wole Isirɛla mɔgɛnu tɛma ka anu nana wo ma minnu manɛ iko nde, Musa. Mari ko nɛbi wonu bi kumɛ minnu fɔla wo ye, ale le ye wonu fɔla wonu ye.