Bɔ-Koe-Iyipiti 4:10 - ALLALA KUMƐ

¹⁰ Musa ya a fɔ Mari ye ko, “Mari, n da ra ma di kebi fɔlɔ, ado nfan, kebi i bilara kumala n ye, ha bi, n ma kusanya kumala fɔlɔn. N da la ma tiri kuma tinɛ. Sikɛ ye n tɔ kuma tinɛ.”

Bɔ-Koe-Iyipiti 4:10 Iomraidhean Croise

Bɔ-Koe-Iyipiti 3:11

Musa ya a fɔ Alla ye ko, “Nfen bi nde la? Nde si ke n sɔla mansɛ yakɔrɔ ka Isirɛla mɔgɛnu kunyɛ bɔ gbaran rɔ Iyipiti nyamanɛ rɔ, wa?”

Bɔ-Koe-Iyipiti 4:1

Musa ya a fɔ Mari ye ko, “Anu ti la n na de! Anu ti n kuman-kan bira. Anu si a fɔ ko ile ma kuma n ye ta-mɛlan rɔ hali ka i nyɛrɛ yira n na.”

Bɔ-Koe-Iyipiti 6:12

Musa ya a fɔ Mari ye ko, “Isirɛla mɔgɛnu sa anu tole masɔla nta kumɛ la. Nba, mansɛ wo si a tole masɔ nna kumɛ la kama worɔ, ado n da ra ma di kuma tinɛ?”

Bɔ-Koe-Iyipiti 6:30

Musa ya a fɔ Mari ye ko, “I ya a lɔn ko nde ma kusan kumala. Mansɛ si a tole masɔ nta kumɛ la kama?”

Yɛrɛmaya 1:6

N ya a fɔ wo rɔ ko, “Kɔnɔ n Tigi Mari, dennɛ le nde la. N ma kusan kumala.”

Maika 6:4

Ale le ya wo labɔ yɔɔnyɛ rɔ Iyipiti nyamanɛ rɔ ka na wo la yan. Ale le ya Musa sɔ wo yarɔ anubɛ Aruna anubɛ Miriyam.

Kɛwɔlɛnu 7:22

A karanta Iyipiti kɛnuna hɛnkili bɛɛ la. A si kuma nya min wo, a si ko ladan nya min wo, a mara mɔgɔ-ba la wo bɛɛ rɔ.

2 Kɔrɛnti 10:10

Do si a fɔ ko, “Min sɛbɛnɛ Pɔlita kɛdinu tɔ, wo gbɛlɛ ma wara la kɔnɔ ni ale nyɛrɛ ye ma fɛ, a ma gbɛlɛ wo nya. Fen ma ala kumɛnu na!”

2 Kɔrɛnti 11:6

Tumado, nde ma kusan kumala kɔnɔ n sa wo nya lɔnnɛ rɔ. Ma ara wo gbɛ wo ye koe bɛɛ rɔ.